Month: February 2026

रञ्जना बिसी, कैलाली । राष्टिय स्वतन्त्र पार्टीका वरिष्ठ नेता बालेन शाहले धनगढीमा आयोजित आमसभालाई सम्बोधन गर्दै सुदूरपश्चिमप्रति आफ्नो माया र सम्मान खुलेर व्यक्त गरेका छन् । ‘सुदूर अब दुर नाई’,  ‘झिक्कै झिक्कै माया तिम्लाई’ भन्दै ‘आइ लभ यु सुदूरपश्चिम,’ भनेका थिए । जसले सभास्थलमा ठूलो ताली र उत्साह पैदा गरेको थियो  ।
उनले सुदूरपश्चिमलाई विकासको नाममा ‘स्विजरल्याण्ड’ बनाउने नाराभन्दा पहिला आफ्नै पहिचान, संस्कृति र सम्पदालाई उजागर गर्नुपर्नेमा जोड दिए । “हामीसँग बडिमालिका छ, खप्तड नेसनल पार्क छ, राम्रो मौसम छ, संस्कार छ । तर हामीले आफैं आफ्नो ठाउँ देखाउन सकेका छैनौं,” भन्दै उनले सुदूरपश्चिमका गीत–संगीत र कलाकार काठमाडौँसम्म पुग्नुपर्ने बताए ।
बालेनले भने, “जुन दिन सुदूरपश्चिमका गीतहरू काठमाडौँका चोक–चोकमा बज्छन्, त्यस दिन सुदूरपश्चिम साँच्चै काठमाडौँसँग जोडिन्छ । सुरुमा गीत बज्नुपर्छ, त्यसपछि आवाज बच्छ, अनि मात्रै माग पूरा हुन्छ ।”
उनले नेताहरूले ठूला भाषणभन्दा कामको सूची दिनुपर्ने धारणा राख्दै आफु भोट माग्न नभएर कामको लिस्ट माग्न सुदूरपश्चिम आएको बताए  । आफु धेरै नबोल्ने भन्दै छोटो भाषण गरेका बालेनले सुदूरपश्चिमलाई सुदूर नभएर सुन्दर पश्चिम बनाउने आश्वासन दिएका थिए ।

रञ्जना बिसी, कैलाली । राष्ट्रिय स्वतन्त्र पाटी ९रास्वपा० का सभापति रवि लामिछानेले धनगढीमा आयोजित आमसभालाई सम्बोधन गर्दै फागुन २१ को मतदानलाई सामान्य चुनावी प्रक्रिया मात्र नभई इतिहास लेख्ने अवसर भएको बताएका छन् ।
उनले जनताको आँखामा र मनमा परिवर्तनको भावना स्पष्ट देखिएको उल्लेख गर्दै रास्वपा प्रति जनताको मनमा परिवर्तनको छाप लागिसकेको बताए । ‘मतपत्रमा छाप लगाउने त २१ गते हो, तर जनताको मनपत्रमा छाप लागिसकेको छ,’ उनले भने ।
उनले सुदूरपश्चिमको मुद्दा र सुदूरपश्चिमको अधिकारलाई वर्षौँसम्म अल्झाइराख्ने प्रवृत्ति अब अन्त्य गर्नुपर्ने बताए । जनताका मुद्धालाई पटक पटकको चुनावी एजेण्डा मात्र बनाउने प्रवृति अब बन्द हुने उनको भनाइ छ । ‘अब सटर बन्द गर्ने हो । कु–प्रशासनको सटर, बेरोजगारीको सटर, अशिक्षाको सटर, सबै सटर एकै पटक बन्द गर्ने हो,’ उनले भने ‘यो पटक भोट हाल्नेभन्दा पनि इतिहास लेख्ने हो ।’
नेताका वाचाबाट जनताले दुःख पाएका भन्दै लामिछानेले भने, ‘वाचा जसले गरेको हो । पूरा नगर्ने हो भने सजाय त्यसैले पाउने हो । जनताले पाउने होइन ।’ उनले आफूहरूले ५ वर्षको स्थायी सरकार मागेको भन्दै आफूहरूले जनतासँग करार गरेको बताएका छन् ।
उनले भारतमा रहेका सुदूरपश्चिमका जनतालाई छुट्टी मिलाएर भए पनि मतदान गर्न नेपाल आउन आग्रह गरेका छन् । लामो समयदेखि नेताहरू मात्रै जित्दै आएको तर जनताले कहिल्यै नजितेको अवस्था रहेको बताउँदै यस पटक जनतालाई जिताउनुपर्ने बताए । पुराना राजनीतिक दलप्रति आस्था राख्नेहरू पनि परिवर्तनको पक्षमा उभिनुपर्ने उनको भनाइ छ ।
सिंहदरबार जलाउने वा बनाउने बहसभन्दा महत्वपूर्ण कुरा सिंहदरबार बदल्ने भएको उल्लेख गर्दै उनले भने, “हामी डोजर चलाउन होइन, बनाउन आएका हौं । ३५–३५ वर्षसम्म जनताको सपनामाथि डोजर कसले चलायो रु’ उनले प्रश्न गरे ।

धनगढी​​​​​​​- राष्ट्रिय स्वतन्त्र पार्टीका सभापति रवि लामिछानेले बेथितिको सटर एकैपटक बन्द गर्ने गरी आफूहरू राजनीतिमा आएको बताएका छन् । सुदूरपश्चिमको धनगढीमा आयोजित चुनावी सभालाई सम्बोधन गर्दै उनले यस्तो बताएका हुन् । ‘मत पत्रमा छाप लगाउने फागुन २१ मा हो । अहिले मनपत्रमा छाप लगाउने हो । सुदूरपश्चिमको अधिकारलाई माग बनाएर अल्झाएर राख्न काम बन्द हुनुपर्छ । सटर त एउटा बन्द हुनुपर्छ । बेथिति बेरोजगारीको सटर बन्द गर्ने हो सबै सटर बन्द गर्ने हो एकैपटक’ उनले भने ।

उनले अहिले पाँच वर्षको स्थायी सरकार माग गरेर जनतामाझ रास्वपा गएको भन्दै आफ्ना उम्मेदवारलाई भोट दिन पनि आह्वान गरे ।  उनले राजनीतिक दलले चुनावमा गरेको बाचा पूरा नगर्दा जनताले दु:ख पाउने अवस्था अन्त्य गर्न पनि रास्वपा अघि बढेको बताए ।

‘बाचा जसले गरेको हो सजाय उसैले पाउने हो । जनताले होइन । भारतमा काम गर्ने सुदूरपश्चिमका सबैलाई यहीँबाट सम्झना । मलाई थाहा छ परदेशको भूमि सजिलो छैन तर छुट्टि मिलाएरै भए पनि आउनुहोला देश बदल्नुपर्छ । यसपटक जनताले जित्नुपर्छ सँधै नेतामात्रै जितिरहेका छन्,’ उनले भने , ‘देशको राजनीतिक आकांक्षालाई केन्द्रमा राखेर हामी आएका छौं । ‘

धनगढी। रास्वपाका वरिष्ठ नेता बालेन शाहले काम माग्न नै आफूहरु धनगढीमा आइपुगेको बताएका छन् ।
धनगढीमा भएको सभामा सम्बोधन गर्दै उनले यस्तो बताएका हुन् ।
“म यहाँ बोल्न आएको होइन, काम माग्न आएको हो,” उनले भने,“भोट नदिए पनि हुन्छ कामको लिष्ट दिनू । रास्वपाले काम गरेर देखाउँछ ।”
उनले सुदूरपश्चिम अब सु (नजिक) पश्चिम हुनुपर्ने बताए ।
“आँखा हेर्न पर्दैन । म धेरै बोल्दिनँ,” उनले कार्यकर्ता तथा समर्थकतिर हेर्दै भने, “धेरै धेरै माया तम्लाई ! आई लभ यू ।”
उनले सुदूरपश्चिमले भनेका काम पूरा गर्ने पार्टी रास्वपा भएको उल्लेख गर्दै उनले भने, “खल्तीमा पैसा नभएको विपन्न गरिबले शिक्षा पाउनुपर्‍यो । उपचार पाउनुपर्‍यो त्यो हो हाम्रो एजेन्डा । दुई वर्षमा बन्ने बाटो डेढ वर्षमा बन्नुपर्‍यो त्यो हो हाम्रो एजेन्डा । रास्वपा सरकारमा गए कांग्रेस, एमाले र माओवादी हिँड्ने बाटो बनाउँछौँ । हामी नेपाल माल भएको चाल नभएको भयौँ । सुदूरपश्चिममा धेरै कलाकार हुनुहुन्छ उहाँहरुका स्वर काठमाडौंका चोकमा घन्किनुपर्छ ।”

धनगढी- राष्ट्रिय स्वतन्त्र पार्टी (रास्वपा) का तर्फबाट कैलाली क्षेत्र नम्बर-२ का उम्मेदवार एवं अभियन्ता केपी खनालले सुदूरपश्चिम प्रदेशको विकासका लागि अब नीतिकै परिवर्तन आवश्यक रहेको बताएका छन्।

बुधबार धनगढीमा आयोजित रास्वपाको परिवर्तन उद्घोष सभालाई सम्बोधन गर्दै उनले यस्तो धारणा राखेका हुन्।

खनालले सुदूरपश्चिमलाई केवल भूगोलका रूपमा मात्र नहेरी यो क्षेत्र त्याग र सामर्थ्यको भूमि भएको बताए।

‘सुदूरपश्चिम केवल माटो मात्र होइन, यो खप्तडको तपस्या र कञ्चनजङ्गाको सुन्दरता हो,’ खनालले भने, ‘जब जब देशलाई अप्ठ्यारो पर्‍यो, यो क्षेत्रले रगतको खोला बगाएर देशलाई जोगाएको छ।’

सम्बोधनका क्रममा उनले सुदूरपश्चिमको प्रचुर सम्भावना र वर्तमान दुरावस्थाको तुलना गरे। उनले भने, ‘यो क्षेत्रमा १३ हजार मेगावाट विद्युत उत्पादन गर्ने क्षमता छ, टीकापुरदेखि कञ्चनपुरसम्मको उर्वर भूमिले देशलाई पाल्न सक्छ। तर विडम्बना, यहाँका नेताहरूले देश ओगटे, जनताको भविष्य ओगटेनन्।’

खनालले युवा पलायनको मुद्दालाई प्रमुखताका साथ उठाउँदै अबको लडाइँ व्यवस्था सुधार्नका लागि भएको उल्लेख गरे।

उनले थपे, ‘हाम्रा दाजुभाइलाई खाडी र कालापहाड पठाएर अर्काको देश बनाउने होइन, अब आफ्नै सुदूरपश्चिमलाई सुन्दर बनाउनुपर्छ। अबको सफाइ झाडुले मात्र होइन, नीति बदल्ने कलमले गर्नुपर्ने बेला आएको छ।’

राष्ट्रिय स्वतन्त्र पार्टी (रास्वपा) ले सुदूरपश्चिम प्रदेशको धनगढीमा परिवर्तन उद्घोष सभा आयोजना गरेको छ।

आगामी निर्वाचनलाई लक्षित गर्दै रास्वपाले आफ्नो चुनावी अभियानको सुरुवात स्वरूप सुदूरपश्चिमबाट यो सभा आयोजना गरेको हो।

सभालाई रास्वपाका सभापति रवि लामिछाने र वरिष्ठ नेता बालेन शाहले सम्बोधन गर्ने कार्यक्रम रहेको छ।

सभामा सुदूरपश्चिम प्रदेशका १६ वटै निर्वाचन क्षेत्रका पार्टी उम्मेदवारहरूको सहभागिता रहेको छ। कार्यक्रममा केही उम्मेदवारहरूले आफ्नो धारणा राखिसकेका छन् भने अन्य उम्मेदवारहरूले सम्बोधन गर्ने क्रम जारी रहेको छ।

धनगढी- धनगढीमा आयोजित उद्घोष सभालाई सम्बोधन गर्नुअघि राष्ट्रिय स्वतन्त्र पार्टी (रास्वपा) का सभापति रवि लामिछाने र वरिष्ठ नेता बालेन शाहबीच भेटवार्ता भएको छ।

चुनावी सभालाई सम्बोधन गर्न रास्वपा सभापति लामिछाने र वरिष्ठ नेता शाह आजै धनगढी आइपुगेका हुन्।

रास्वपाले ‘परिवर्तन उद्घोष सभा’ नाम दिएर चुनावी सभा गरेको हो।

उक्त सभामा सभापति रवि लामिछाने र वरिष्ठ नेता बालेन शाहले सम्बोधन गर्ने कार्यक्रम छ।

यसका साथै, सभामा सुदूरपश्चिमका १६ वटै क्षेत्रका उम्मेदवार पनि सहभागी हुँदैछ। केही उम्मेदवारले सम्बोधन गरिसकेका छन् भने केही सम्बोधन गर्ने क्रममा छन्।