धनगढीमा बालेनले सम्बोधन गरिरहँदा भिडले चस्मा खोल्न भनेपछि…

धनगढी- बुधबार राष्ट्रिय स्वतन्त्र पार्टी (रास्वपा) ले धनगढीमा परिवर्तन उद्घोष सभा गर्‍यो । सभालाई रास्वपाका वरिष्ठ नेता बालेन्द्र शाह बालेनले पनि सम्बोधन गरे ।

साढे तीन मिनेटको सम्बोधनका क्रममा उनले सुदूरपश्चिम बनाउने जिम्मा अब रास्वपाको भएको बताए । उनले विपन्नलाई शिक्षा र स्वास्थ्य उपचार दिने आफ्नो पार्टीको एजेन्डा भएको बताए ।

सम्बोधनको अन्तिममा भिडले उनलाई चस्मा खोल्न आग्रह गर्‍यो । चस्मा खोल्दै बालेनले भने, ‘आँखा हेर्न पर्दैन, काम हेर्नुहोला । म धेरै बोल्दिनँ । सुदूर अब दूर नाइ, झिक्कै झिक्कै माया तमलाई ।´

यति भनेर बालेनले सम्बोधन सकाए ।