पुर्नबास नगरपालिकाद्वारा विपद् उद्धार सामग्री हस्तान्तरण

टीकापुर: टीकापुर उद्योग वाणिज्य संघले आगामी दशैं–तिहारको अवसर पारेर टीकापुर गोल्ड कप–२०८३ आयोजना गर्ने भएको छ। प्रतियोगितालाई सफल बनाउन कैलालीका विभिन्न स्थानीय तह, संघसंस्था तथा उद्योगी–व्यवसायीसँग सहकार्यको तयारी भइरहेको संघले जनाएको छ।

संघका अध्यक्ष सन्तोष खड्काले जारी गरेको अपिलमा गोल्ड कप खेलकुद प्रतियोगिता मात्र नभई टीकापुरको सकारात्मक पहिचान स्थापित गर्ने अभियानका रूपमा आयोजना गर्न लागिएको उल्लेख छ। विभिन्न घटनाक्रमका कारण बनेको नकारात्मक छवि परिवर्तन गर्दै टीकापुरको आर्थिक, सामाजिक तथा पर्यटन विकासमा टेवा पुर्‍याउने उद्देश्य प्रतियोगिताले बोकेको जनाइएको छ।

प्रतियोगिता सफल बनाउन राजनीतिक दल, सामाजिक संघसंस्था, उद्योगी–व्यवसायी, खेलप्रेमी तथा सम्पूर्ण स्थानीयवासीलाई सक्रिय साथ, सहयोग र सहभागिताका लागि संघले हार्दिक अपिल गरेको छ।