जनकपुरमा कजारिया रमेश टायल्सको नयाँ शोरुम

जनकपुर — प्रिमियम तथा नवीन डिजाइनका टायल उत्पादन ब्रान्ड कजारिया रमेश टायल्स लिमिटेड ले जनकपुरमा नयाँ एक्सक्लुसिभ शोरुम सञ्चालनमा ल्याएको छ। यससँगै कम्पनीले नेपाल मा आफ्नो बजार उपस्थिति थप सुदृढ बनाएको जनाएको छ।

बाबा अटोमेट ट्रेडिङ प्रा।लि। ले सञ्चालनमा ल्याइएको उक्त शोरुम जनकपुर तथा आसपासका क्षेत्रका ग्राहकलाई उच्च गुणस्तरका टायल सहज रूपमा उपलब्ध गराउने उद्देश्यले स्थापना गरिएको हो। शोरुमले ग्राहकलाई आधुनिक, व्यवस्थित र सहज खरिद अनुभव प्रदान गर्ने कम्पनीको दाबी छ।

शोरुमको उद्घाटन शुक्रबार बिहान विशेष समारोहका बीच सम्पन्न भएको थियो। कार्यक्रममा उद्योग क्षेत्रका प्रतिनिधि, स्थानीय व्यवसायी, इन्जिनियर, आर्किटेक्ट तथा ग्राहकहरूको उपस्थिति रहेको थियो।

समारोहलाई सम्बोधन गर्दै कजारिया रमेश टायल्स लिमिटेडका निर्देशक हिमांशु अग्रवालले क्षेत्रीय ग्राहक र व्यावसायिक साझेदारहरूको विश्वासप्रति आभार व्यक्त गर्दै कम्पनीको विस्तारले स्थानीय पूर्वाधार विकासमा सकारात्मक योगदान पुग्ने बताए। उनले प्रतिष्ठित अन्तर्राष्ट्रिय ब्रान्डको जनकपुरजस्तो प्रमुख सहरमा विस्तार हुनु नेपालमा निर्माण तथा पूर्वाधार क्षेत्रमा बढ्दो सम्भावनाको संकेत भएको उल्लेख गरे। यस्ता पहलले गुणस्तरीय उत्पादनमा पहुँच बढाउनुका साथै रोजगारी सिर्जना र स्थानीय आर्थिक गतिविधि विस्तारमा सहयोग पुग्ने उनको भनाइ थियो।

नयाँ शोरुममा कजारियाका प्रिमियम टायल संग्रहहरू आकर्षक र व्यवस्थित रूपमा प्रदर्शन गरिएको छ। ग्राहकहरूले आवासीय, व्यावसायिक तथा आर्किटेक्चरल प्रयोजनका लागि उपयुक्त विभिन्न डिजाइन, आकार र शैलीका टायल आधुनिक वातावरणमा अवलोकन गर्न सक्नेछन्।

कम्पनीका अनुसार कजारिया रमेश टायल्सले नेपालमै स्थापना गरेको अत्याधुनिक उत्पादन उद्योगमार्फत अन्तर्राष्ट्रियस्तरका टायल उत्पादन गर्दै आएको छ। कम्पनीले ३,००० भन्दा बढी डिजाइन विकल्प उपलब्ध गराउँदै आएको छ । जसले घर तथा व्यावसायिक संरचनाको सौन्दर्य र दीगोपन बढाउने जनाइएको छ।

हाल कम्पनीले नेपालभर १०० भन्दा बढी शोरुममार्फत आफ्नो सञ्जाल विस्तार गरिसकेको छ। कम्पनीका उत्पादनहरूमा ग्लेज्ड भिट्रिफाइड टायल, हेभी–ड्युटी टायल तथा सिरेमिक वाल टायल समावेश छन्, जुन पानी तथा दाग प्रतिरोधी, बलिया र आधुनिक डिजाइनमा उपलब्ध छन्।