काठमाडौं । सरकारले ११ तहको भन्सारदरलाई सात तहमा सीमित गरेको छ । अर्थमन्त्री स्वर्णिम वाग्लेले शुक्रबार (जेठ १५) आर्थिक वर्ष २०८३/८४ को बजेट प्रस्तुत गर्दै यस्तो जानकारी दिए ।

३६० वस्तुमा लाग्दै आएको अन्तःशुल्क खारेज गरिएको बताए ।

काठमाडौं । नेपाल सरकारको बोझिलो संगठन संरचनामा सुधार गर्दै छरितो बनाउने घोषणा गरेको छ । अर्थमन्त्री डा. स्वर्णिम वाग्लेले आगामी आर्थिक वर्षको बजेट वक्तव्यमार्फत संगठन संरचनामा सुधार गर्ने घोषणा गरेका हुन् ।

“नेपाल सरकार बोझिलो संगठन संरचना अब छरितो हुने छ । २२ मन्त्रालय घटाएर १८ कायम गरिएको छ । यसबाट बचत हुने खर्च प्रशासन सुधारमा खर्च गरी चुस्त दुरुस्त पारिनेछ,” अर्थमन्त्री डा. वाग्लेले भने, “३१ निकाय खारेज, ६ निकाय मर्जर, ६ निकाय हस्तान्तरण र १८ निकाय पुनर्संरचना गरिनेछ ।”

काठमाडौं । अर्थमन्त्री स्वर्णिम वाग्लेले नीतिगत अन्योल, ढिलासुस्ती, संस्थागत कब्जा र राज्यस्रोतको दोहनको अन्त्य गर्दै परिणाम दिने शासन प्रणाली निर्माण गर्नु आजको आवश्यकता भएको बताएका छन् ।

आर्थिक वर्ष २०८३/०८४ को बजेट प्रस्तुत गर्दै नयाँ राजनीतिक जगमा विपुल जनादेशले असाधारण जिम्मेवारी सुम्पिएको बताए ।

“नेपालको राजनीतिमा उमेरको पुस्तान्तरणसँगै राष्ट्रिय जीवनका सबै आयाममा रूपान्तरणको उत्कट प्रतीक्षा छ,”अप्रतिगम्य परिवर्तनले ल्याएको यो अनुकूलतालाई आत्मसाथ गर्दै नीति, कानुन, संस्था, पद्धति, प्रक्रिया, नेतृत्व, नियतमा परिष्कारपूर्वक सुशासनका मानक स्थापित गर्न हामी कटिबद्ध छौँ,” उनले भने ।

काठमाडौं । सरकारले करको दरमा बृहत पुनरावलोकन गरेको छ । अर्थमन्त्री स्वर्णिम वाग्लेले शुक्रबार (जेठ १५) आर्थिक वर्ष २०८३/८४ को बजेट प्रस्तुत गर्दै करको बोझ घटाउन आयकर दरको सीमा व्यक्तिको लागि १० लाख पुर्‍याएको बताए । यसअघि ६ लाख थियो ।

यस्तै माथिल्लो आयकरदर १० प्रतिशत घटाएको छ । यसअघि ३९ रहेको अधिकतम रहेको व्यक्तिगत आयकरको दर अब २९ प्रतिशत हुनेछ ।

काठमाडौं । आर्थिक वर्ष २०८३/०८४ को राजस्व र व्ययको वार्षिक अनुमान (बजेट) भाषण सुरु भएको छ ।

संघीय संसद्को दुवै सदनको संयुक्त बैठकमा अर्थमन्त्री स्वर्णिम वाग्लेले बजेट पढ्न सुरु गरेका हुन् ।

अर्थ मन्त्रालयले जारी गरेको आर्थिक वर्ष २०८२/२०८३ को आर्थिक सर्वेक्षणमा २०८२ फागुन मसान्तसम्म देशभर दर्ता भएका सहकारीको सङ्ख्या ३२ हजार ३२५ पुगेको उल्लेख छ।

सहकारी क्षेत्रमा रु १० खर्ब २९ अर्ब ५७ करोड बचत परिचालन भएको छ भने ८२ हजार २१६ व्यक्तिले प्रत्यक्ष रोजगारी पाएका छन्।

सहकारीसम्बन्धी एकीकृत तथ्याङ्कको लागि विकास गरिएको सहकारी तथा गरिबी सूचना व्यवस्थापन प्रणाली (कोपोमिस) मा २०८२ फागुन मसान्तसम्म १९ हजार ९०३ सहकारी आबद्ध भएका छन्। कोपोमिसमा २०८१ असार मसान्तसम्म १८ हजार ८९७ सहकारी आबद्ध भएका थिए।

राष्ट्रिय सहकारी नियमन प्राधिकरणले नेपालको सहकारी क्षेत्रको नियमन गर्दै ८३४ सहकारी संस्थालाई सञ्चालन इजाजतपत्र प्रदान गरेको छ।

सङ्घीय सरकारबाट समस्याग्रस्त घोषित २३ सहकारी संस्थामध्ये तीन संस्था राफसाफ भएको छ। बाँकी २० सहकारी संस्थाको सम्पत्ति व्यवस्थापन तथा दायित्व भुक्तानी हुन बाँकी छ।

हालसम्म विभिन्न चरणमा कूल ८० हजार ८७ दाबीकर्ताको रु ४७ अर्ब ६० करोड १३ लाख माग दाबी दर्ता भएको छ।

हालसम्म तीन हजार ६८८ दाबीकर्तालाई पूर्ण रुपमा कूल रु दुई अर्ब ५४ करोड ६८ लाख माग दाबी भुक्तान गरिएको छ। साथै चालु आर्थिक वर्षको फागुनसम्म आठ हजार ७६३ दाबीकर्तालाई रु १२ करोड २३ लाख रकम फिर्ता गरिएको सर्वेक्षणमा उल्लेख छ।

काठमाडौं : मन्त्रिपरिषद्को बैठक आज दिउँसो बोलाइएको छ। आर्थिक वर्ष २०८३/८४ को बजेट पारित गर्न दिउँसो २:३० बजे प्रधानमन्त्री बालेन शाहले मन्त्रिपरिषद् बैठक बोलाएको प्रधानमन्त्री तथा मन्त्रिपरिषद्को कार्यालयले जनाएको छ।

बैठक सिंदरबारस्थित प्रधानमन्त्री तथा मन्त्रिपरिषद्को कार्यालयमा बस्नेछ। मन्त्रिपरिषदबाट पारित भएको बजेट अर्थमन्त्री डा. स्वर्णिम वाग्लेले दिउँसो ४ बजे संघीय संसद्को संयुक्त बैठकमा प्रस्तुत गर्नेछन्।

राष्ट्रिय योजना आयोगले आगामी आर्थिक वर्ष २०८३/८४ का लागि बजेटको सीमा (सिलिङ) १८ खर्ब ९० अर्ब रुपैयाँ तोकेको थियो। तर, सरकारले आयोगको सीमाभन्दा बढीको बजेट ल्याउने तयारी गरिरहेको छ। अर्थ मन्त्रालय स्रोतका अनुसार आयोगको उक्त सीमा नाघेर केही ठूलो आकारको बजेट आउने निश्चित भएको जनाएको छ।

काठमाण्डौ – आज सुनको भाउ बढेको छ । हिजो तोलामा ५ हजार ५०० रुपैयाँले घटेको सुनको भाउ आज ५ हजार ६०० रुपैयाँले बढेको हो ।

आज सुन तोलामा २ लाख ९० हजार ६०० रुपैयाँमा कारोबार भइरहेको छ । हिजो सुनको भाउ तोलामा २ लाख ८५ हजार रुपैयाँ थियो ।

यस्तै चाँदीको भाउ पनि बढेको छ । हिजो तोलाको ४ हजार ८६५ रुपैयाँमा कारोबार भएको चाँदीको भाउ आज ५ हजार ४० रुपैयाँ पुगेको नेपाल सुनचाँदी व्यवसायी महासङ्घले जनाएको छ ।

काठमाडौँ- आगामी आर्थिक वर्षको बजेट आज सङ्घीय संसद्मा प्रस्तुत हुँदैछ। आज अपराह्न ४ बजे अर्थमन्त्री डा. स्वर्णिम वाग्लेले संघीय संसद्को संयुक्त बैठकमा बजेट सार्वजनिक गर्ने कार्यक्रम तय भएको हो।

सरकारले आज बजेट ल्याउने कुरा आएसँगै करको दरमा ठूलै हेरफेरका विषयमा पनि चर्चा चलिरहेको छ। गत फागुन २१ मा भएको प्रतिनिधिसभा निर्वाचनमा करिब दुई तिहाइ मतसहित बनेको रास्वपा सरकारले आफ्नो पहिलो बजेट ल्याउन लागेको हो। जसमा अर्थविद्समेत रहेका अर्थमन्त्री वाग्नेले करको दरमा हेरफेरसहितको बजेट ल्याउन लागेको चर्चासमेत चलेको छ।

यस्तै, सरकारी सेवामा ३० वर्ष पूरा गरेका वा ५५ वर्ष उमेर पुगेका कर्मचारीलाई अनिवार्य अवकाश दिने तयारी गरेको छ। साथै, कर्मचारीतन्त्रमा व्यापक सुधार र पुनर्संरचना गर्ने उद्देश्यसहित ल्याउन लागिएको यो व्यवस्थाबाट हाल कार्यरत करिब १२ हजार कर्मचारी अवकाशमा जाने अनुमान गरिएको स्रोतले जनाएको छ।

सत्तारुढ दल रास्वपाले चुनावअघि सार्वजनिक गरेको वाचापत्र, सरकार गठनपछि ल्याएको १०० बुँदे शासकीय सुधार योजना तथा विनियोजन विधेयकका प्राथमिकता र सिद्धान्तलाई आधार बनाएर बजेट तयार गरिएको बताइएको छ।

राष्ट्रिय योजना आयोगले आगामी आर्थिक वर्षका लागि १८ खर्ब ९० अर्ब रुपैयाँको बजेट सीमा निर्धारण गरेको भए पनि अर्थमन्त्री वाग्लेले त्यसभन्दा ठूलो आकारको बजेट ल्याउने तयारी गरेका छन्। अर्थमन्त्री वाग्ले आफू पनि योजना आयोगका पूर्वउपाध्यक्ष हुन्।

स्रोतका अनुसार सरकारले करिब २२ खर्ब रुपैयाँ बराबरको बजेट तयार गरेको छ। अर्थमन्त्री वाग्लेले राष्ट्रपति रामचन्द्र पौडेललाई बजेटबारे प्रारम्भिक जानकारी समेत गराइसकेका छन्।