२४.५७ अंकले बढ्यो सेयर बजार
काठमाडौं। साताको दोस्रो सेयर कारोबार दिन मंगलबार नेप्से परिसूचक उच्च अंकले बढेर बन्द भएको छ। नेप्से परिसूचक २४.५७ अंकले बढेर २६५१.६८ विन्दुमा पुगेको छ।
यसअघि सोमबार नेप्से परिसूचक २६.२९ अंकले घटेर २६२७.११ विन्दुमा पुगेको थियो। सो दिन ३ अर्ब ५५ करोड मूल्य बराबरको सेयर कारोबार भएको थियो। नेप्से बढेसँगै कारोबार रकम पनि सोमबारको तुलनामा वृद्धि भएको छ।
यसदिन ३५२ वटा स्क्रिप्सको ९५ लाख १९ हजार ४५२ कित्ता सेयर ४ अर्ब ४० करोड ७ लाख ५२ हजार ५४२ रुपैयाँमा खरिदबिक्री भए।
खालंगा हाइड्रो पावरको सेयर सर्वाधिक १४.९९ प्रतिशतले बढ्यो। आरबीबीएस फोकस ४० को सेयर १३.८५ प्रतिशतले बढ्दा सानिगाढ हाइड्रोको सेयर १०.५७ प्रतिशतले बढ्यो। कारोबार रकमका आधारमा १० प्रतिशत केबीएल डिवेन्चर २०९० शीर्ष स्थानमा रह्यो। यसले २० अर्ब माथिको सेयर कारोबार गर्यो।
कारोबारमा आएकामध्ये २१० वटा स्टक्सको मूल्य बढ्दा ५७ वटाको घट्यो। १० वटा स्टक्सको मूल्य भने स्थिर रह्यो। नेप्से परिसूचक दोहोरो अंकले बढ्दा १३ वटै समूहको उपसूचक सकारात्मक देखिएका छन्। बैंकिङ,डेभलपमेन्ट र ट्रेडिङ समूहको उपसूचक १ प्रतिशत बढीले वृद्धि भए।
ट्रेन्डिङ
सम्बन्धित
