सुकुम्वासीको हकमा हामी ‘सिरियस’ छाैं, छुटपुट कमजोरी सुधार्छौं: गृहमन्त्री

गृहमन्त्री सुधन गुरुङले सुकुम्वासी व्यवस्थापनमा रहेका कमीकमजोरीलाई सुधारेर अगाडि बढ्ने प्रतिबद्धता जनाएका छन्। राष्ट्रियसभाको बैठकमा सांसदहरूले उठाएका प्रश्नहरूको जवाफ दिँदै गृहमन्त्री गुरुङले यस्तो प्रतिबद्धता जनाएका हुन्।

सम्बोधनका क्रममा गृहमन्त्री गुरुङले सुकुम्वासी समस्या समाधानका लागि सरकार गम्भीरतापूर्वक लागिपरेको बताए। उनले भने, ‘सुकुम्वासीको हकमा पनि हामी एकदम सिरियसली लाग्नेछौं, लागि पनि रहेका छौं। कति कुराहरू हाम्रो छुटपुट भएको छ, कमीकमजोरी भएको छ भने त्यसलाई पनि हामी सुधार्दै अगाडि बढ्नेछौं।’

यसैगरी, महिलासँग जोडिएका सवालहरूमा गृह मन्त्रालय सदैव जिम्मेवार भएर प्रस्तुत भएको उनले स्पष्ट पारे। महिला हिंसा तथा सुरक्षाको विषयमा मन्त्रालयले संवेदनशीलता अपनाएको उनको भनाइ थियो।

गृहमन्त्री गुरुङले न्याय र सुरक्षा खोज्ने हरेक महिलाका लागि गृह मन्त्रालयको ढोका सधैँ खुला रहने समेत सदनलाई जानकारी गराए।