कञ्चनपुर : कञ्चनपुर १ मा राष्ट्रिय स्वतन्त्र पार्टीका जनकसिंह धामी विजयी भएका छन्। उनले २४ हजार ३३२ मत ल्याएर विजयी भएका हुन्।
उनका निकटतम प्रतिद्वन्द्वी नेकपाका बीना मगरले ११ हजार ११० मत ल्याइन् भने नेपाली कांग्रेसका गोपी प्रसाद उपाध्यायले ८ हजार ४६७ मत ल्याए।
कञ्चनपुर- प्रतिनिधिसभा सदस्य निर्वाचनमा कञ्चनपुर क्षेत्र नम्बर ३ मा राष्ट्रिय स्वतन्त्र पार्टी (रास्वपा)का ज्ञानेन्द्र सिंह महता निर्वाचित भएका छन्।
मुख्य निर्वाचन अधिकृतको कार्यालयका अनुसार महताले २७ हजार ११८ मत प्राप्त गरेका छन्। उनले १७ हजार ६७५ मतान्तरले नेपाली कांग्रेसका हरिप्रसाद बोहरालाई पछि पार्दै विजयी भएका हुन्। यहाँ नेपाली कांग्रेसका उम्मेदवार बोहराले ९ हजार ४४३ मत प्राप्त गरेका छन्।
त्यस्तै नेकपा एमालेका दीपक प्रकाश भट्टले ७ हजार ५७५ मत प्राप्त गरे। नेपाली कम्युनिष्ट पार्टी (नेकपा)का मानबहादुर सुनारले ४ हजार २८४ मत प्राप्त गरेका छन्। राष्ट्रिय प्रजातन्त्र पार्टी (राप्रपा) का पूर्णबहादुर चन्दले ३ हजार ९०२ मत प्राप्त गरे। १ लाख ३ हजार ८७ मतदाता रहेको यो क्षेत्रमा ५८ हजार ३६१ मत खसेको थियो।
नवलपरासी, २४ फागुन ।
नवलपरासी बर्दघाट सुस्ता पश्चिम क्षेत्र नम्बर १ मा राष्ट्रिय स्वतन्त्र पार्टीका विक्रम खनाल बिजयी भएका छन् ।
खनालले नेपाली काँग्रेसका उम्मेदवार बिनोद चौधरीलाई ३५ हजार मतान्तरले पराजित गरेका हुन् ।
खनालले ४५ हजार २४१ मत पाए भने नेपाली कांग्रेसका विनोद कुमार चौधरीले ९ हजार ५०२ मत प्राप्त गरे।
एमालेका रामप्रसाद पाण्डेयले ७ हजार ९५६, जनता समाजवादी पार्टीका हृययेश त्रिपाठीले ७ हजार ८३२ र राप्रपाका नवनित कुमार मिश्रले १ हजार ५९३ मत पाए।
यशोदा शर्मा,
कैलाली । कैलाली क्षेत्र नम्बर ४ मा रास्वपाका खेमराज कोइराला अत्याधिक मतले विजयी भएका छन्। निर्वाचन आयोगले सार्वजनिक गरेको मत परिणाम अनुसार आफ्ना निकटतम प्रतिद्वन्दी गोरखबहादुर बिष्टलाई १७,२५५ मतले पछि पार्दै उनी विजय भएका हुन्।
कोइरालाले कुल २८,५५६ मत प्राप्त गर्दा प्रतिद्वन्दी बिष्टले ११३०१ मत प्राप्त गरे। उनलाई पछाइरहेका राष्ट्रिय प्रजातन्त्र पार्टीका कमल रजवारले १०,३५८ मत ल्याए भने एमालेका लेखराज भट्ट यो क्षेत्रमा चौथो स्थानमा झरेका छन्। उनले ९ हजार ४४४ मत प्राप्त गरे। यस्तै नेपाली कम्युनिष्ट पार्टीका हरिराम चौधरीले ५६०९ मत प्राप्त गरे।
काठमाडौं । प्रतिनिधिसभा सदस्य निर्वाचन निर्वाचनको प्रत्यक्षतर्फको मतगणना जारी छ । जारी मतगणनामा राष्ट्रिय स्वतन्त्र पार्टी (रास्वपा)ले एक सय सिट जितेको छ ।
मतगणनाको सुरुवातीचरणदेखि नै अग्रता कायम गरेको रास्वपाले १२९ क्षेत्रको नजिता सार्वजनिक हुँदा रास्वपाले १०० सिटमा जित पक्का गरेको हो ।
दोस्रो धेरै सिट जित्नेमा नेपाली कांग्रेस छ । कांग्रेसले १४ सिट जितेको छ । एमालेले ७, नेपाली कम्युनिस्ट पार्टी (नेकपा)ले ६, राप्रपाले १ र स्वतन्त्रले १ सिट जितेका छन् ।
दोस्रो धेरै सिट जित्नेमा नेपाली कांग्रेस छ । कांग्रेसले १४ सिट जितेको छ । एमालेले ७, नेपाली कम्युनिस्ट पार्टी (नेकपा)ले ६, राप्रपाले १ र स्वतन्त्रले १ सिट जितेका छन् ।
१- बालेन्द्र शाह
२- इन्दिरा राना मगर
३- सोविता गौतम
४- डा. लेखजंग थापा
५- हरि ढकाल
६- सुलभ खरेल
७- रुविना आचार्य
८- सुनिल लम्साल
९- बदनकुमार भण्डारी
१०- राजन गौतम
११- राजकिशोर महतो
१२- अशोककुमार चौधरी
१३- नरेन्द्र साह कलवार
१४- निशा डाँगी
१५- नरेन्द्रकुमार गुप्ता
१६- विक्रम खनाल
१७- कमल सुवेदी
१८- नीतिमा भण्डारी
१९- मनिष झा
२०- विपिनकुमार आचार्य
२१- तोसीमा काकी
२२- देवराज पाठक
२३- रविन महतो
२४- राजीव खत्री
२५- मनीष खनाल
२६- रहबर अन्सारी
२७- कृष्णकुमार कार्की
२८- सन्तोष राजवंशी
२९- अरबिन्द साह
३०- गणेश धिमाल
३१- खड्कराज पौडेल
३२- शिवशंकर यादव
३३- तौफिकअहमद खान
३४- प्रकाश पाठक
३५- स्वर्णिम वाग्ले
३६- बिना गुरुङ
३७- प्रदीप विष्ट
३८- गणेश कार्की
३९- गणेश पौडेल
४०- सीताराम साह
४१- तपेश्वर यादव
४२- अमरेशकुमार सिंह
४३- चन्दनकुमार सिंह
४४- डोलप्रसाद अर्याल
४५- प्रमोदकुमार महतो
४६ -सुनिल के.सी.
४७- मोहनलाल आचार्य
४८- दिपकराज बोहरा
४९- धर्मराज केसी
५०- रुकेश रञ्जित
५१- सुरेशकुमार चौधरी
५२- दीपककुमार साह
५३- श्रीराम न्यौपाने
५४- अच्युतम लामिछाने
५५- आनन्दबहादुर चन्द
५६- उत्तमप्रसाद पौडेल
५७- सस्मित पोखरेल
५८- आशा झा
५९- रमेशकुमार…
६०- रामाकान्तप्रसाद…
६१- सागर ढकाल
६२- मधुकुमार चौलागाई
६३- खगेन्द्र सुनार
६४- पुकार बम
६५- धनञ्जय रेग्मी
६६- राजेशकुमार चौधरी
६७- खेमराज कोइराला
६८- कन्हैया बनियाँ
६९- गणेश पराजुली
७०- शिशिर खनाल
७१- विक्रम थापा
७२- सुशान्त वैदिक
७३- यज्ञमणि न्यौपाने
७४- बुद्धिप्रसाद पन्त…
७५- ज्ञानेन्द्र सिंह महता
७६- माधवबहादुर थापा
७७- सागर भुसाल
७८- बोधनारायण श्रेष्ठ
७९- विराजभक्त श्रेष्ठ
८०- भरतप्रसाद पराजुली
८१- बुद्धरत्न महर्जन
८२- सुशील खड्का
८३- जगतप्रसाद जोशी
८४- ताराप्रसाद जोशी
८५राजुनाथ पाण्डे
८६- आशिष गजुरेल
८७- कोमल ज्ञवाली
८८- गोविन्द पन्थी
८९- धनेन्द्र कार्की
९०- रञ्जु न्यौपाने
९१- सूर्यबहादुर तामाङ्ग
९२- सोम शर्मा
९३- आसिका तामाङ
९४- जनक सिंह धामी
९५- टेकबहादुर शाक्य
९६- रवि लामिछाने
९७- शम्भुप्रसाद ढकाल
९८- सुशीलकुमार कानु
९९- हरिप्रसाद भुसाल
१००- ई.जगदीश खरेल
धादिङ : प्रतिनिधिसभा सदस्य निर्वाचनअन्तर्गत धादिङ १ मा राष्ट्रिय स्वतन्त्र पार्टी (रास्वपा)की उम्मेदवार आशिका तामाङ विजयी भएका छन्। उनले कूल ३९ हजार १२१ मत प्राप्त गर्दै प्रतिस्पर्धी उम्मेदवारहरूलाई ठूलो अन्तरले पछि पार्दै विजय हासिल गरेकी हुन्।
उनका निकटतम प्रतिस्पर्धी राजेन्द्रप्रसाद पाण्डेले १४ हजार ७०९ मत प्राप्त गरे भने भुमी त्रिपाठीले १५ हजार ३० मत ल्याएका छन्। त्यस्तै कृष्ण रिजालले १० हजार १७५ मत प्राप्त गरे।
दार्चुला- दार्चुला प्रतिनिधिसभा निर्वाचन क्षेत्र नम्बर १ मा नेकपा एमालेका उम्मेदवार गणेश सिंह ठगुन्ना विजयी भएका छन्। मुख्य निर्वाचन अधिकृतको कार्यालयले सार्वजनिक गरेको अन्तिम मतपरिणाम अनुसार ठगुन्नाले १८ हजार ८९१ मत प्राप्त गरेका छन्।
उनका निकटतम प्रतिस्पर्धी नेपाली कांग्रेसका धर्मेन्द्र जोशी ले १५ हजार ८३६ मत प्राप्त गरेका छन्। ठगुन्ना र जोशीबीच ३ हजार ५५ मतको अन्तर रहेको छ।
त्यसैगरी नेपाली कम्युनिस्ट पार्टी का लक्ष्मण दत्त जोशी ले ३ हजार ६५ मत, राष्ट्रिय स्वतन्त्र पार्टीका राजेश सिंह सामन्तले ८ हजार ९३६ मत प्राप्त गरेका छन्। अन्य उम्मेदवारहरूले भने न्यून मत प्राप्त गरेका छन्।
निर्वाचन कार्यालयका अनुसार दार्चुला १ मा ९२ हजार ९४८ मतदाता रहेकोमा ४९ हजार ९६८ मत खसेको थियो। जसमध्ये ४७ हजार ८९० मत सदर भएको छ भने २ हजार ७८ मत बदर भएको मुख्य निर्वाचन अधिकृत भुवन गिरिले बताए।
कैलाली। सुदूरपश्चिमको राजनीतिमा यतिबेला एउटा नयाँ तरंग पैदा भएको छ । वर्षौंदेखि पुराना र स्थापित दलहरूको ‘किल्ला’ मानिने कैलाली निर्वाचन क्षेत्र नम्बर ३ मा यसपटक परिवर्तनको वेग यसरी चल्यो कि, जसले दशकौंदेखिको परम्परागत विरासतलाई ढालिदिएको छ ।
यो परिवर्तनको संवाहक बनेका छन् राष्ट्रिय स्वतन्त्र पार्टी (रास्वपा) का नेता जगतप्रसाद जोशी । देशभर छाएको घण्टीको लहर र सुशासनको नाराले जोशीका लागि पनि संसद्को ढोका खोलिदिएको छ । करिब २६ वर्षसम्म राष्ट्रिय जनमोर्चा पार्टीको विचार र सिद्धान्तमा अडिग रहे पनि चुनावी अंकगणितमा पछि परेका थिए जोशी ।
तर यसपटक उनले मुख्य दलका बलियो प्रतिस्प्रधिलाई फराकिलो मतान्तरले हराएर जित निकालेका छन् । आफ्ना निकटतम प्रतिद्वन्दी नेपाली कम्युनिस्ट पार्टीका वीरमान चौधरीलाई ८ हजार ३७६ मतले पछि पार्दै जोशी विजय भएका हुन् । उनले २० हजार ३५९ मत प्राप्त गर्दा नेकपाका चौधरीले ११ हजार ९८३ मत प्राप्त गरेका हुन् ।
यस्तै नेकांग्रेसका बलियो उम्मेदवार मानिएका भीम बडुवाल तेस्रो स्थानमा रहे । उनले ९ हजार ७०६ मत प्राप्त गरेका छन् । नागरिक उन्मुक्ति पार्टी नेपालका विक्रम चौधरीले ६ हजार ७४७ मत ल्याएका छन् ।
यो क्षेत्रमा नेकपा एमाले चौथो स्थानमा झरेको छ । एमाले उम्मेदवार गौरीशंकर चौधरीले ४ हजार ७५२ मत ल्याउँदा राष्ट्रिय प्रजातन्त्र पार्टीका वीरेन्द्रबहादुर बमले २ हजार ३४७ मत प्राप्त गरे।
बझाङको जयपृथ्वी नगरपालिका–२ मा २०४३ सनलमा जन्मिएका जोशीले समाजशास्त्र र राजनीतिशास्त्रमा स्नातकोत्तर गरेका छन् । जोशी सामाजिक तथा अंग्रेजी विषय अध्यापन गराउने शिक्षक समेत हुन् । उनलाई योग प्रशिक्षकका रूपमा चिन्ने पनि धेरै छन् ।
निष्ठाको २६ वर्ष र त्यो एउटा निर्णय
२०५६ साल । जतिबेला देशमा माओवादी विद्रोह उत्कर्षमा थियो, बझाङका तन्नेरी जगतप्रसाद जोशी भने राष्ट्रिय जनमोर्चाको अखिल छैटौंबाट राजनीति सिक्दै थिए । जोशीले २६ वर्षसम्म जनमोर्चाको झण्डा छोडेनन् । जिल्ला सदस्य, सचिव हुँदै प्रदेश कार्यालय सचिवसम्मको जिम्मेवारी सम्हाले ।
२०६२/६३ को जनआन्दोलनमा उनी घाइते भए तर उनको प्रजातन्त्रप्रतिको उनको आस्था घाइते भएन । वर्षौंसम्म एउटै विचार धारामा अडिग रहे । पटक-पटक चुनावमा पनि नहोमिएका होइनन् । तर विडम्बना राजनीतिमा उनले जति पसिना बगाए पनि चुनावी नतिजा उनको पक्षमा आएन ।
२०७० को दोस्रो संविधानसभामा जम्मा ३६० मत पाएका जोशीले २०७९ को स्थानीय चुनावमा वडाध्यक्ष लड्दा १३७ मतमै चित्त बुझाउनुपरेको थियो । तर यो पटक उनको भाग्य र संयोग दुवै मिल्यो । धेरैले उनलाई अवसरवादीको आरोप पनि लगाए, तर उनले त्यसलाई निकासको खोजी भनेर अर्थ्याए ।
कक्षाकोठादेखि संसद्सम्म
जोशी राजनीतिज्ञ मात्र होइनन्, उनी एक कुशल शिक्षक पनि हुन् । विद्यालयमा सामाजिक र अंग्रेजी विषय पढाउँदा उनले सयौँ विद्यार्थीलाई देश प्रेम र नैतिकताको पाठ सिकाए । कक्षाकोठामा सुशासन र भ्रष्टाचारविरुद्ध कुरा गर्ने जोशीलाई आज जनताले त्यही पाठलाई व्यवहारमा उतार्ने जिम्मा दिएर संसद् पठाएका छन् ।
शिक्षण पेशा र योग प्रशिक्षकको अनुभवले उनलाई जनतासँग जोडिने बलियो आधार दियो । स्थानीय स्तरका विभिन्न संघसंस्थामा आबद्ध जोशीको प्राज्ञिक र नैतिक छवि नै यसपटकको चुनावमा उनको सबैभन्दा ठूलो पुँजी बन्यो ।
कैलाली–३ का मतदाताले जोशीलाई विश्वास गर्नुको पछाडि उनका स्पष्ट एजेन्डा पनि थिए । खुटिया र मोहना नदीको कटानबाट पीडित किसान हुन् वा मल र बीउ नपाएर छटपटाएका किसानहरू, जोशीले सबैको मर्मलाई एजेन्डा बनाए ।
देशभर चलेको घण्टीको लहरले उनलाई थप ऊर्जा दियो । तर जोशीका लागि यो यात्रा सहज पक्कै थिएन । उनीमाथि पार्टी फेरेको आरोप थियो । त्यसैमा कमजोर चुनावी इतिहास र स्थानीय संगठनको अन्योलता पनि थियो । तर, जब जनताले परिवर्तनको घण्टी बजाए, ती सबै चुनौती हराए ।
उनले हिजो जनमोर्चामा हुादा बोकेका सुशासनका एजेन्डा र आज रास्वपामा रहेर देखेका समृद्धिका सपना एउटै छन् । ती सपनालाई साकार पार्ने जिम्मेवारीसहित कैलाली-३ का जनताले उनको संसदीय यात्रा तय गरिदिएका छन् । अब त्यो यात्रालाई जिम्मेवारीपूर्वक पूरा गर्ने पालो आएको छ ।
यशोदा शर्मा,
कैलाली ।कैलाली क्षेत्र नम्बर ३ मा रास्वपाका जगत जोशी भारी मतान्तरले विजय भएका छन्। आफ्ना निकटतम प्रतिद्वन्दी नेपाली कम्युनिस्ट पार्टीका वीरमान चौधरीलाई ८ हजार ३७६ मतले पछि पार्दै जोशी विजय भएका हुन्।
उनले २० हजार ३५९ मत प्राप्त गर्दा नेकपाका चौधरीले ११ हजार ९८३ मत प्राप्त गरेका हुन्।
यस्तै नेपाली कांग्रेसका बलियो उम्मेदवार मानिएका भीम बडुवाल तेस्रो स्थानमा झरेका छन्। उनले ९ हजार ७०६ मत प्राप्त गरेका छन्। नागरिक उन्मुक्ति पार्टी नेपालका विक्रम चौधरीले ६ हजार ७४७ मत ल्याएका छन्।
यो क्षेत्रमा नेकपा एमाले चौथो स्थानमा झरेको छ। एमाले उम्मेदवार गौरीशंकर चौधरीले ४ हजार ७५२ मत ल्याएका छन् भने राष्ट्रिय प्रजातन्त्र पार्टीका वीरेन्द्र बहादुर बमले २०३४७ मत प्राप्त गरे।
काठमाडौं । झापा क्षेत्र नम्बर ५ बाट रास्वपा वरिष्ठ नेता बालेन शाह निर्वाचित भएका छन् ।
अन्तिम मतपरिणाम अनुसार, बालेन ६८ ३४८ मतसहित निर्वाचित भएका हुन् । उनले नेकपा एमालेका अध्यक्ष समेत रहेका पूर्वप्रधानमन्त्री केपी शर्मा ओलीलाई पराजित गरेका हुन् ।
एमाले अध्यक्ष ओलीले भने १८७२४ मत प्राप्त गरे । उनीहरूबीच ४९, ६१४ मतको अन्तर रह्यो ।
झापा–५ यसवर्षको निर्वाचनमा सबैभन्दा बढी चर्चाको केन्द्रमा रहेको थियो । काठमाडौं महानगरका पूर्वमेयर बालेन शाहले उम्मेदवारी दिएसँगै यो क्षेत्रमा ओलीसँग हुने प्रतिस्पर्धालाई लिएर चर्चा चुलिएको हो ।
झापा । झापा–५ मा नेकपा एमालेका अध्यक्ष केपी शर्मा ओलीविरुद्ध जित सुनिश्चित भएपछि राष्ट्रिय स्वतन्त्र पार्टी(रास्वपा)का वरिष्ठ नेता बालेन शाह(बालेन) मतगणनास्थल पुगेका छन् ।
अहिले केहीबेरअघि बालेन झापा–५ को मतगणनास्थल पुगेका हुन् । हालसम्मको गणनाअनुसार बालेनले ६६ हजार २०० मत प्राप्त गरिसकेका छन् । ओलीले १८ हजार ९५ मत मात्रै प्राप्त गरेका छन् ।
काठमाडौं । डडेलधुरामा राष्ट्रिय स्वतन्त्र पार्टी (रास्वपा) का उम्मेदवार डा. ताराप्रसाद जोशी विजयी भएका छन् ।
जोशीले १९ हजार १३१ मत ल्याएर विजयी भएका हुन् ।
उनका निकटतम प्रतिद्वन्द्वी नेपाली कांग्रेसका उम्मेदवार नैनसिंह महरले १२ हजार १२१ मत प्राप्त गरेका छन् ।
नेपाली कम्युनिस्ट पार्टी (नेकपा) का मानसिंह मालले ६ हजार ८३४ मत प्राप्त गर्दा नेकपा एमालेका चक्र स्नेहीले ३ हजार २६ मत प्राप्त गरे ।
कैलाली । धनगढीको सडकमा यसपटक एउटा फरक दृश्य देखियो । परम्परागत राजनीतिक दलको पकड र शक्ति प्रदर्शनका बीच, एकजना सादगी र बौद्धिक व्यक्ति ‘परिवर्तन’ को घण्टी बजाउँदै मतदाताको घरदैलोमा पुगिरहेका थिए । जसको अनुहार र व्यवहार दुवैमा बौद्धिकता, इमानदारी र सादगीपन प्रस्ट देखिन्थ्यो ।
उनी थिए, रााष्ट्रिय स्वतन्त्र पार्टीबाट चुनावी मैदानमा उत्रिएका उम्मेदवार आनन्दबहादुर चन्द । कैलाली निर्वाचन क्षेत्र नं. ५ का सचेत मतदाताले यसपटक उम्मेदवार मात्र चुनेनन्, राजनीतिमा बौद्धिकता र विशेषज्ञताको पक्षमा मतदान गरे ।
कांग्रेस र एमालेको पकड क्षेत्र मानिने कैलाली-५ मा झन्डै २० हजार मतको अन्तरमा चन्द निर्वाचित भएका हुन् । निर्वाचन आयोगको मतपरिणाम अनुसार चन्दले ३१ हजार ९५३ मत प्राप्त गरे । उनका निकटतम प्रतिद्वन्द्वी कांग्रेसका नरनारायण शाहले ११ हजार ९५८ मत प्राप्त गरे। यस्तै नेपाल कम्युनिस्ट पार्टीका प्रेमबहादुर आलेले ७ हजार ८७६ मत पाए ।
आलेले यसअघिका प्रतिनिधिसभा निर्वाचनमा डोटीबाट लगातार तीनपटक चुनाव जितेका थिए । यसपटक कैलाली-५ लाई चुनावी मैदान बनाएका आले तेस्रो स्थानमा खुम्चिए ।
नेकपा एमालेका उम्मेदवार यज्ञराज ढुंगानाले ५ हजार ८३९ मत प्राप्त गरे भने यो क्षेत्रबाट स्वतन्त्र उम्मेदवारी दिएका प्यारालाल राणाले १ हजार ७५५ मत ल्याएका छन् ।
राजनीतिमा नयाँ मानक
१४ जेठ २०३२ मा जन्मिएका चन्दको परिचय लामो समयसम्म एक प्राज्ञिक व्यक्तित्वमा मात्र सीमित थियो । त्रिभुवन विश्वविद्यालयको पाटन बहुमुखी क्याम्पसमा १७ वर्ष उपप्राध्यापकका रूपमा बिताएका उनले जैविक रसायनशास्त्रमा स्नातकोत्तर र अमेरिकाको नर्थ क्यारोलिना ए एन्ड टी स्टेट युनिभर्सिटीसँगको सहकार्यमा पीएचडी पूरा गरेका छन् ।
कांग्रेस र एमालेको राम्रो पकड भएको यो क्षेत्रमा सुरुमा उनलाई बलियो उम्मेदवारको रुपमा हेरिएको थिएन । कांग्रेस-एमाले-नेकपाबीच मुख्य प्रतिस्पर्धा हुने र चौथो स्थानमा रास्वपा आउन सक्ने आकलन धेरैको थियो । चुनाव नजिँकिदै गयो । फागुन ५ गते रास्वपाका वरिष्ठ नेता बालेन शाह र सभापति रवि लामिछानेले पार्टीको पहिलो चुनावीसभा धनगढीबाटै सुरु गरे ।
त्यो दिन धनगढीमा रास्वपाको पक्षमा उर्लिएको जनलहरको प्रभाव कैलाली-५ मा पर्यो । फलस्वरुप चन्दलाई बलियो उम्मेदवारको रुपमा हेर्न थालियो । यद्यपि डोटीबाट ह्याट्रिक गरेका नेकपाका प्रेम आले र धनगढीमा सांगठनिक रुपमा बलियो छवि बनाएका कांग्रेसका नरनारायन शाहका अगाडि उनलाई कमजोर उम्मेदवार मानिन्थ्यो ।
तर यी सबै आकलनलाई गलत साबित गर्दै चन्दको विजयले सुदूरपश्चिमको राजनीतिमा एउटा नयाँ मानक स्थापित गरिदिएको छ ।
विश्वविद्यालयदेखि अन्तराष्ट्रियस्तरको अनुभव
विश्वका दर्जनौं देश पुगेर शिक्षा र जनस्वास्थ्यका क्षेत्रमा काम गरेका चन्दसँग अन्तर्राष्ट्रिय अनुभव पनि छ । विश्वका सुविधासम्पन्न सहर बस्ने थुप्रै अवसर हुँदाहुँदै चन्दले मौकाको फाइदा उठाएनन् । भौतिक सुखको चरम उत्कर्षमा पुगेका सहरभन्दा सुदूरपश्चिमका अभावहरूले उनलाई बढी झक्झकायो ।
‘मैले संसार देखेँ, सुविधासम्पन्न सहर देखेँ भोगेँ । तर मेरो मन त्यहाँ बसेन । आफ्नै क्षेत्रका बालबालिकाले गुणस्तरीय शिक्षा र बिरामीले उचित उपचार नपाएको देख्दा मन पोल्थ्यो,’ चुनावी अभियानका क्रममा उनले धेरै पटक भनेका थिए । त्यही छटपटीले उनलाई ‘सेफ जोन’ बाट बाहिर निकालेर राजनीतिमा होमिन प्रेरित गर्यो ।
कैलाली–५ सधैं प्रभावशाली नेताहरूको प्रतिष्ठाको विषय बन्दै आएको क्षेत्र हो । सुदूरपश्चिमको राजनीतिमा यो क्षेत्रलाई विशेष मानिन्छ । तर, चन्दका लागि यो निर्वाचन ‘बौद्धिकता भर्सेस परम्परागत राजनीति’बीचको लडाइँ थियो । विगतमा कुनै दलसँग आबद्ध नभएका चन्दले यसपटक रास्वपाको घण्टी रोज्नुका पछाडि बदलिँदो पुस्ताको आकांक्षा र तुरुन्तै परिणाम दिने राजनीतिको खोजी नै थियो ।
उनले चुनावी नारा मात्र बाँडेनन्, स्थानीय मुद्दालाई गहिरो गरी केलाए । गेटा मेडिकल कलेजलाई पूर्ण रूपमा सञ्चालनमा ल्याउने अठोट, सेती प्रादेशिक अस्पतालको स्तरोन्नति र फाप्ला क्रिकेट मैदानलाई अन्तर्राष्ट्रिय स्तरको बनाउने उनको स्पष्ट खाकाले धनगढीका सचेत मतदातालाई आकर्षित गर्यो ।
‘तपाईं मत बदल्नुहोस्, हामी देश बदल्छौं’ भन्ने उनको एउटै मन्त्रले धनगढीका युवा र सचेत वर्गमा ठूलो प्रभाव पार्यो । उनले मतदातालाई एउटै कुरा बुझाउन सफल भए– राजनीति केवल नाराले चल्दैन, यसका लागि स्पस्ट भिजन र विशेषज्ञता चाहिन्छ । यो निर्वाचन परिणामले कैलाली–५ का मतदाताको परिवर्तन भोक पनि प्रमाणित गरिदिएको छ ।
अब संसद्मा परीक्षा
विजय घोषणापछि पत्रकारसँग कुरा गर्दै चन्दले आफ्नो विजय निर्वाचन परिणाम मात्र नभएर कैलाली ५ का जनताको परिवर्तनप्रतिको चाहना र उज्यालो भविष्यप्रतिको विश्वास रहेको बताए ।
‘यहाँका जनताले दिएको मत समर्थन मात्र नभएर मेरा लागि ठूलो जिम्मेवारी हो । यो समय उत्सवको समय नभएर जिम्मेवारीको समय हो,’ उनले भने ।
जेन-जीको संघर्ष, समर्पण र बलिदानको जगमा आएको जनादेश भएकाले यसलाई उत्सवका रुपमा नभएर जिम्मेवारीका रुपमा लिनुपर्ने उनको भनाइ छ । आफूलाई कैलालीका मतदाताको विश्वास गरेर उम्मेदवार बनाएकामा रास्वपाप्रति पनि चन्दले आभार व्यक्त गरे ।
चन्दको विजयसँगै अब उनीमाथि अपार आशा थपिएका छन् । विश्वविद्यालयको शान्त वातावरणबाट संसद्को राजनीतिक थलोमा पुग्दा उनले आफ्ना शैक्षिक र स्वास्थ्य सुधारका योजनालाई कसरी कार्यान्वयन गराउँछन्, त्यो हेर्न बाँकी नै छ ।
काठमाडौं । सर्वाधिक चासोको क्षेत्र रहेको झापा–५ मा अन्तिम मतपरिणाम सार्वजनिक हुँदैछ । पछिल्लो विवरण अनुसार, रास्वपाका वरिष्ठ नेता बालेन शाहले ५९ हजार ५६८ मत प्राप्त गरेका छन् ।
उनका प्रतिस्पर्धी नेकपा एमालेका अध्यक्ष केपी शर्मा ओलीले १६ हजार ३५० मत प्राप्त गरेका छन् ।
केहीबेरमा मतपरिणाम सार्वजनिक गर्ने तयारी निर्वाचन आयोगले गरेको छ ।
काठमाडौं । जुम्लामा राप्रपा उम्मेदवार ज्ञान बहादुर शाही (ज्ञानेन्द्र) विजयी भएका छन् ।
शाहीले १४हजार ८१६ मत प्राप्त गर्दै जुम्लाबाट दोस्रोपटक निर्वाचित भएका हुन् ।
उनका निकटतम प्रतिस्पर्धी नेकपाका नरेश भण्डारीले जम्मा ११हजार ६३६ मत प्राप्त गर्दा शाहीले ३ हजार १८१ फराकिलो मतान्तरले भण्डारीलाई पछि पारे ।
राप्रपाको यो पहिलो जित हो ।
कञ्चनपुर । प्रतिनिधिसभा सदस्य निर्वाचनमा कञ्चनपुर निर्वाचन क्षेत्र नम्बर २ मा राष्ट्रिय स्वतन्त्र पार्टीका दीपक बोहरा विजयी भएका छन् । उनले ३३ हजार ९५२ मत प्राप्त गरेका छन् ।
उक्त क्षेत्रमा नेपाली कांग्रेसका नारायण प्रकाश साउँद (एनपी) ले १० हजार ८२७ मत, नेकपा एमालेका बचनबहादुर सिंहले ६ हजार ४१८ मत, नेपाली कम्युनिष्ट पार्टीका माधवप्रसाद पन्तले ६ हजार ३३७ र राष्ट्रिय प्रजातन्त्र पार्टीका तिर्थराज चटौतले एक हजार ९९३ मत प्राप्त गरे ।
काठमाण्डौ – प्रतिनिधिसभा सदस्य चुनावमा गुल्मी क्षेत्र नम्बर १ बाट राष्ट्रिय स्वतन्त्र पार्टी ९रास्वपा० का सागर ढकाल विजयी भएका छन् ।
निर्वाचन आयोगका अनुसार ढकालले २९ हजार ६४२ मत प्राप्त गर्दा निकटतम प्रतिस्पर्धी नेकपा एमालेका प्रदीपकुमार ज्ञवालीले १५ हजार १८१ मत पाएका छन् । ढकाल १४ हजार ४६१ को मतान्तरमा विजयी भएका हुन् ।
यस्तै तेस्रोमा रहेका नेपाली कांग्रेसका चन्द्रकान्त भण्डारीले १३ हजार ५०५ मत पाएका छन ।
अछाम : अछाम क्षेत्र नम्बर १ नेपाली कांग्रेसका भरत कुमार स्वार विजयी भएका छन्। उनले १० हजार ७५८ मत ल्याएर विजयी भएका हुन्। उनका निकटतम प्रतिद्वन्द्वी नेकपाका भीमबहादुर रावलले १० हजार २३० मत ल्याए।
नेकपा एमालेका दीपक साउदले ७ हजार ३८६ र रास्वपाका ओमप्रकाश रावलले १ हजार ७४५ मत प्राप्त गरे।
कैलाली- काठमाडौं र कैलालीको व्यवसायिक धरातलबाट राजनीतिमा होमिएकी कोमल ज्ञवालीले संसदीय निर्वाचनको पहिलो प्रयासमै कैलाली–१ बाट सानदार विजय हासिल गरेकी छन् ।
रास्वपाबाट वैकल्पिक राजनीतिको झण्डा बोकेर उनी चुनावी मैदानमा उत्रिएकी थिइन् । ज्ञवालीले १७ हजार ८२६ मत प्राप्त गरेर विजयी हुँदा प्रतिद्वन्द्वी जनकराज चौधरीले १२ हजार ८६७ मत प्राप्त गरेका छन् ।
यस्तै, टिकापुर नगरपालिकाको नगरप्रमुख पदबाट राजीनामा दिएर नेकपाबाट उम्मेदवार बनेका रामलाल डंगौराले ८ हजार ३९२ मत पाएका छन् । एमालेका उम्मेदवार द्वारिकाप्रसाद न्यौपानेले ४ हजार ४९३ मत प्राप्त गरे । यो क्षेत्रमा कुल १ लाख ७ हजार ७५७ मतदाता छन् भने ५१ हजार ६१ मत खसेको थियो ।
निर्वाचनको घोषणा हुादा कोमलका लागि त्यति सहज थिएन । पार्टीभित्रैका पुराना र संगठन निर्माणमा खटिएका इञ्जिनियर प्रकाश विष्टको दावेदारीकाबीच केन्ऽले ज्ञवालीलाई सुम्पिएको टिकटले रास्वपाभित्र ठूलै भुइाचालो ल्याएको थियो । दलकै नेता–कार्यकर्ताको विरोध उनका लागि ठूला चुनौती थिए । तर, ती तमाम असन्तुष्टि र आन्तरिक कलहलाई कार्यकुशलता र स्पष्ट एजेन्डाले चिर्दै ज्ञवालीले अन्ततः मतदाताको मन जित्न सफल भइन् ।
२०३५ सालमा कैलालीको टीकापुरमा जन्मिएकी कोमलको शैक्षिक र व्यावसायिक पृष्ठभूमि नै उनको जितको एउटा मुख्य कडी बन्यो । व्यवस्थापनमा स्नातक उनले ५ वर्षदेखि कृषियन्त्र र बीउबिजनको व्यवसाय गर्दै आएकी थिइन् । राजनीतिलाई सेवा र पेशालाई स्वावलम्बन मान्ने उनको दृष्टिकोणले मतदातालाई आकर्षित गर्यो । नागरिक उन्मुक्ति पार्टीको संस्थापक केन्द्रीय कोषाध्यक्ष भएर राजनीतिको प्रारम्भिक पाठ सिकेकी उनी लक्ष्मण चौधरीसागै रास्वपा प्रवेश गरेकी थिइन् ।
भ्रष्टाचार शून्य प्रशासनबारे उनले हरेक घरदैलोमा गरेको प्रतिबद्धता नै युवा र सचेत मतदाता तान्ने मुख्य अस्त्र बन्यो । कृषि र थारु संस्कृतिलाई जोडेर रोजगारी सिर्जना गर्ने उनको योजनाले स्थानीयमा आशा जगायो ।
वरिष्ठ नेता बालेन शाह र रास्वपा सभापति रवि लामिछानेप्रतिको क्रेज र नयाा शक्तिप्रतिको विश्वासलाई पनि उनले आˆनो पक्षमा कुशलतापूर्वक प्रयोग गरिन् ।
कैलाली–१ थारु बाहुल्य र पहिचानको राजनीतिको केन्द्र मानिन्छ । यहाँबाट निर्वाचित भएपछि ज्ञवालीका सामु चुनौती र अवसर दुवै छन् । एकातिर उनले आफ्नो क्षेत्रको सांस्कृतिक पर्यटन र कृषि प्रशोधन, उद्योगको प्रवर्द्धन गर्नुछ भने, अर्कोतिर पार्टीले उठाएको भ्रष्टाचार विरोधी अभियानलाई संसदमा सशक्त ढंगले उठाउनु छ । सँगै कैलाली–१ को थारु संस्कृति र पहिचानको मुद्दालाई पनि सशक्त बनाउनु पर्नेछ ।
ज्ञवालीले आफ्नो विजयलाई व्यक्तिगत सफलताभन्दा पनि क्षेत्रबासीको परिवर्तनप्रतिको तीव्र चाहनाको रूपमा व्याख्या गरेकी छिन् । निर्वाचन परिणामपश्चात् उनले यो जित आमनागरिकको आशा र भरोसाको प्रतिफल भएको बताइन् ।
निर्वाचनको सुरुवाती चरणमा पार्टीभित्र देखिएका केही आन्तरिक मतभेदहरूलाई उनले सहज रूपमा लिएकी छिन् । ईन्जिनियर प्रकाश विष्टको दावेदारीका कारण स्थानीय कार्यकर्ताहरूमा केही द्विविधा देखिए पनि त्यसलाई एउटा ‘मिस–अन्डरस्ट्यान्डिङ’ (गलत बुझाइ) को रूपमा लिँदै स्थानीय टिमसँगको संवादमार्फत हल गरिएको बताइन् ।
प्रत्यक्षतर्फ निर्वाचित भएर उनले महिलाहरू केवल समानुपातिक कोटाका लागि मात्र हुन् भन्ने परम्परागत धारणालाई समेत चुनौती दिएकी छिन् । राजनीतिमा आउन चाहने महिलालाई आत्मबल प्रदान गर्दै उनले भनिन्, ‘हामी कमजोर छैनौं, मिहिनेत र लगनका साथ अगाडि बढे लक्ष्यप्राप्ति सम्भव छ ।’ उनले आफूलाई विश्वास गरेर चुनावी मैदानमा उतारेकोमा पार्टी सभापति रवि लामिछाने र केन्द्रीय नेतृत्वलाई धन्यवाद समेत ज्ञापन गरेकी छन् ।
चितवन । चितवन-३ बाट निर्वाचित राष्ट्रिय स्वतन्त्र पार्टी(रास्वपा) नेतृ सोविता गौतमले बालेन्द्र शाह(बालेन) को नेतृत्वमा नयाँ सरकार बन्ने बताएकी छन् ।
निर्वाचित भएको प्रमाणपत्र लिएपछि पत्रकारसँग कुराकानी गर्दै नेतृ गौतमले चुनावभन्दा अगाडि नै पार्टीले बालेनलाई प्रधानमन्त्रीका रूपमा प्रस्तुत गरेकाले उनी नै प्रधानमन्त्री बन्ने बताएकी हुन् ।
रास्वपाका पक्षमा नेपाली जनताले गरेको विश्वासलाई नतिजा दिनेगरी काममा रूपान्तरण गर्ने उनले प्रतिबद्धता जनाइन् । ‘जनताले अन्तिम आशाका रूपमा रास्वपालाई विश्वास गरेर मत दिनुभएको छ,’ नेतृ गौतमले भनिन्, ‘यसलाई गम्भीरतापूर्वक लिएर अगाडि बढ्छौँ ।’
गौतमले ५९ हजार २७७ मत ल्याएर निर्वाचनमा जित हात पारेकी हुन् । यो अहिसम्मकै सर्वाधिक मतको जित हो । गौतमकी निकतम प्रतिद्वन्द्वी नेपाली कम्युनिस्ट पार्टी (नेकपा)की उम्मेदवार रेनु दाहालले २० हजार ६१५ मत ल्याइन् ।
गौतम र दाहाल बीचको मतान्तर ३८ हजार ६६२ रहेको छ ।
चितवन । चितवन क्षेत्र नं. ३ मा राष्ट्रिय स्वतन्त्र पार्टी (रास्वपा)की उम्मेदवार सोविता गौतम अत्याधिक मतसहित विजयी भएकी छिन् । सोविता गौतमले अहिलेसम्मकै सर्वाधिक मतको जित निकाल्दा कांग्रेस–एमालेका उम्मेदवारको जमानत जफत भएको छ ।
गौतमले ५९ हजार २ सय ७७ मत ल्याएर जित हात पारेकी हुन् । यो अहिलेसम्मकै सर्वाधिक मतको जित हो ।
गौतमकी निकतम प्रतिप्रस्पर्धी नेपाली कम्युनिस्ट पार्टीकी उम्मेदवार रेनु दाहालले २० हजार ६ सय १५ मत ल्याइन् । गौतम र दाहाल बीचको मतान्तर ३८ हजार ६ सय ६२ छ ।
रेनुले फेसबुकमा स्टाटस लेखेर सोवितालाई बधाई दिँदै चितवनवासीको मन जिते पनि मत जित्न नसकेको बताएकी छन् ।
यशोदा शर्मा,
कैलाली ।प्रतिनिधिसभा निर्वाचनमा कैलाली क्षेत्र नम्बर ५ मा रास्वपाका डा.आनन्दबहादुर चन्द भारी मतले विजयी भएका छन्।
नेपाली कांग्रेस र नेकपा एमालेको पकड क्षेत्र मानिने कैलाली ५ मा झन््डै २० हजार मतको अन्तरले चन्द निर्वाचित भएका हुन्।
निर्वाचन आयोगको मत परिणाम अनुसार छन्दले ३१,९५३ मत प्राप्त गरेका छन् ।
उनका निकटतम प्रतिद्वन्दी मानिएका नेपाली कांग्रेसका नरनारायण शाहले ११,९५८ मत प्राप्त गरे। यस्तै नेपाल कम्युनिस्ट पार्टीका प्रेमबहादुर आलेले ७,८७६ मत प्राप्त गरेका छन्। आलेले यस अघिका प्रतिनिधिसभा निर्वाचनमा डोटीबाट लगातार तीनपटक चुनाव जितेका थिए।
यसपटक आफ्नो चुनावी मैदान कैलाली क्षेत्र नम्बर ३ लाई बनाएका आले तेस्रो तेस्रो स्थानमा समेटिएका छन्।
यस्तै नेकपा एमालेका उम्मेदवार यज्ञराज ढुङ्गानाले ५८३९ मत प्राप्त गरे । यो क्षेत्रबाट स्वतन्त्र उम्मेदवारी दिएका प्यारालाल राणाले १७५५ मत ल्याएका छन् ।
रौतहट । रौटहट क्षेत्र नम्बर १ मा राष्ट्रिय स्वतन्त्र पार्टी (रास्वपा)का उम्मेदवार राजेश चौधरी विजयी भएका छन् । निकटम प्रतिस्पर्धी एमालेका अजय गुप्तालाई १८ हजार २५३ मतान्तरले पराजित गरेका हुन् ।
चौधरीले २८ हजार ९४६ मत ल्याउँदा एमालेका गुप्ताले १० हजार ६९३ मत ल्याए । त्यस्तै कांग्रेसका उम्मेदवार अनिलकुमार झाले ८ हजार ५७४ मत ल्याए ।
पूर्वप्रधानमन्त्री माधवकुमार नेपाल भने तारा चुनाव चिन्हबाट निर्वाचनमा प्रतिस्पर्धा गर्दै ७ हजार ६६९ मत प्राप्त गरी चौथो स्थानमा सीमित भए ।
त्यस्तै जनता समाजवादी पार्टी (जसपा)का उम्मेदवारले छाता चिन्हबाट ६ हजार ८४६ मत प्राप्त गरेका छन्।
काठमाडौं । सिन्धुली क्षेत्र नम्बर-२ मा राष्ट्रिय स्वतन्त्र पार्टी (रास्वपा) का आशिष गजुरेल विजयी भएका छन् ।
गजुरेलले १७ हजार ९४० मत ल्याएर विजयी भएका हुन् । उनका निकटतम प्रतिद्वन्द्वी नेपाली कम्युनिस्ट पार्टी (नेकपा) का लेखनाथ दाहालले १४ हजार ७८० मत प्राप्त गरे ।
नेकपा एमालेका मनोजजंग थापाले ११ हजार ६०६ मत ल्याउँदा नेपाली कांग्रेसकी सुशीला थिङले ६ हजार ७६० मत प्राप्त गरिन् ।
दाङ । दाङ–२ बाट राष्ट्रिय स्वतन्त्र पार्टीका सहमहामन्त्री विपिनकुमार आचार्य विजयी भएका छन् । नेकपा एमालेका महासचिव शंकर पोखरेललाई २८ हजार २७५ मतान्तरले हराउँदै आचार्य विजयी भएका हुन् ।
कुल ८२ हजार ६ मतमध्ये सहमहामन्त्री विपिनले ४३ हजार ५५७ सय मत हजार मत प्राप्त गरेका छन् । उनका उनका निकटतम प्रतिद्वन्द्वी एमालेका महासचिव पोखरेलले १५ हजार २८२ मत ल्याए ।
त्यस्तै अर्का प्रतिष्पर्धी कांग्रेसका किरणकिशोर घिमिरेले ११ हजार २७७ र नेपाली कम्युनिष्ट पार्टीका निर्मलकुमार आचार्यले ७ हजार ८१ मत प्राप्त गरेका छन् ।
एमालेका महासचिव पोखरेलले अन्तिम परिणाम आउनु अगावै पराजय स्विकार्दै आचार्यलाई शुभकामना दिइसकेका छन् ।
भक्तपुर । भक्तपुर-२ मा राष्ट्रिय स्वतन्त्र पार्टी (रास्वपा)का राजीव खत्री भारी मतान्तरले विजयी भएका छन् ।
अन्तिम परिणामअनुसार रास्वपाका राजीव खत्रीले ४२ हजार ३३४ मत प्राप्त गर्दै विजय भएका हुन् । उनका निकटतम प्रतिस्पर्धी एमालेका महेश बस्नेतले १० हजार ९६६ मत प्राप्त गरेका छन् ।
खत्रीले बस्नेतलाई ३१ हजार ३३८ मतान्तरले पराजित गरेका हुन् ।
यस्तै, नेपाली कांग्रेसका उम्मेदवार कविर राणाले ८ हजार ४०१ मत पाएका छन् भने नेमकिपाका रमेश वैद्यले ३७५३ र नेकपाका रामप्रसाद सापकोटाले १३२३ मत पाएका छन् ।
राजीव खत्री पूर्वपत्रका हुन् । निर्वाचनको नजिक उनी रास्वपामा प्रवेश गरेका थिए । विजयी भएपछि खत्रीले मतदाताप्रति आभार व्यक्त गर्दै भक्तपुर–२ को विकास, सुशासन र पारदर्शिताका लागि आफू प्रतिबद्ध भएर काम गर्ने बताएका छन् ।
बैतडी– बैतडी प्रतिनिधिसभा निर्वाचन क्षेत्र नम्बर १ मा राष्ट्रिय स्वतन्त्र पार्टीका उम्मेदवार भण्डारीले मतान्तर बढाउँदै अग्रता लिएका छन्। हालसम्मको मतगणनाअनुसार उनले ७ हजार ६५४ मत प्राप्त गरेका छन्।
उनका निकटतम् प्रतिस्पर्धी नेकपा (एमाले) का दामोदर भण्डारीले ७ हजार ४२१ मत प्राप्त गरेका छन्। उनीहरूबीचको मतान्तर २३३ रहेको छ।
यस्तै नेपाली कांग्रेसका चतुर बहादुर चन्दले ६ हजार १७९ मत प्राप्त गरेका छन् भने नेपाली कम्युनिष्ट पार्टीका परमानन्द भट्टले २ हजार ९०८ मत पाएका छन्।
राष्ट्रिय प्रजातन्त्र पार्टीका भुपेन बहादुर चन्दले ५५९ मत प्राप्त गर्दा नेपाल कम्युनिस्ट पार्टी (माओवादी) का राम बहादुर कुँवरले १३७ मत ल्याएका छन्। यहाँ प्रतिनिधिसभाको १ र प्रदेशसभाको २ निर्वाचन क्षेत्र रहेका छन्।
चितवन । राष्ट्रिय स्वतन्त्र पार्टीका सभापति तथा चितवन निर्वाचन क्षेत्र नम्बर २ का सांसद रवि लामिछानेले आफूहरूले नागरिक समक्ष गरेका बाचालाई पालना गरेर अगाडि बढ्ने बताएका छन् ।
चितवन क्षेत्र नम्बर २ बाट ५४ हजार ४०२ मत ल्याएर विजयी भएका लामिछानेले निर्वाचन कार्यालयबाट प्रमाणपत्र लिएरपछि सञ्चारकर्मीसँग कुराकानी गर्दै इतिहासले नै आफूहरुलाई ठूलो जिम्मेबारी प्रदान गरेकोले आगामी दिनमा सम्हालिएर नआत्तिकन अगाडि बढ्ने बताए ।
सभापति लामिछानेले नागरिकका आम अपेक्षाका बारेमा आफू जानकार रहेको भन्दै सबैलाई समेटेर अगाडि जाने बताए । उनले यो तहको नतिजा आफूहरूको पक्षमा आएकोमा खुसी भएको भन्दै जनताले चाहेका विषयबारे सम्वादमै रहेको बताए ।
उनले जनताको अपेक्षा अनुसार काम गर्न नसके आफूहरूको अवस्था पनि अहिलेका केही दलहरूको जस्तो हुनेमा सचेत रहेको बताए । ‘आगामी बाटो सजिलो छैन, तर असम्भव पनि छैन, मात्तिएर, आत्तिएर हैन सम्हालिएर सुझबुझ तरिकाले जान्छौं,’ सभापति लामिछानेले भने, ‘फरक मत राख्नेहरुलाई पनि सम्मान गछौं, कसैलाई पनि खेद्ने काम गर्दैनौं ।’
उनले विजयी भएपछि हौसिएर उत्तेजित भई कसैलाई पनि नराम्रो व्यवहार नगर्न र जहिल्यै अरुको सम्मान गर्न आफ्ना कार्यकर्ताहरुलाई आग्रह गरे ।
