The Everest Post Search

Month: March 2026

गोरखा- १ मा सुधन गुरुङको दोब्बर मतको अग्रता कायमै

Posted on by The Everest Post

गोरखा : गोरखा १ मा चुनावी प्रतिस्पर्धा गरेका सुधन गुरुङले प्रतिस्पर्धीभन्दा दोब्बर मतको अग्रता लिइरहेका छन् । ६४ हजार ५ मत खसेको सो क्षेत्रको ५७ हजार ७१५ मत गणना गरिसक्दा उनले २६ हजार ५२२ मत ल्याई अग्र स्थान कायम गरेका छन् ।

दोस्रो प्रतिस्पर्धी नेपाली कांग्रेसका प्रेमकुमार खत्रीले १४ हजार ३७० मत प्राप्त गरेका छन् भने अर्का प्रतिस्पर्धी नेपाली कम्युनिष्ट पार्टीका हरिराज अधिकारीले १० हजार ५८९ मत प्राप्त गरेका छन् । एमालेका आरसी लामिछाने ३ हजार ४१७ मत प्राप्त गरेर चौथो स्थानमा छन् ।

५७ हजार ७१५ मत गन्दा १ हजार ८१५ मत बदर भएको छ ।

कञ्चनपुर-२ मा १५ उम्मेदवारको जमानत जफत

Posted on by The Everest Post

कञ्चनपुर- प्रतिनिधिसभा सदस्य निर्वाचनअन्तर्गत कञ्चनपुर निर्वाचन क्षेत्र नम्बर २ मा उम्मेदवारी दिएका १९ मध्ये १५ जनाको जमानत जफत भएको छ।

निर्वाचन अधिकृत प्रकाशबहादुर भण्डारीका अनुसार प्रतिनिधिसभा सदस्य निर्वाचन ऐन, २०७४ को दफा ७१ (१) बमोजिम कुल सदर मतको १० प्रतिशत मत प्राप्त गर्न नसके उम्मेदवारको जमानत जफत हुने व्यवस्था रहेको छ।  सदर मतको १० प्रतिशत मत प्राप्त गर्न नसक्दा राजनीतिक दलका ११ र स्वतन्त्र चार जना उम्मेदवारको जमानत जफत भएको हो।

जमानत जफत हुने उम्मेदवारमा राष्ट्रिय प्रजातन्त्र पार्टीका तीर्थराज चटौतले एक हजार ९९३, जनमत पार्टीका रामचन्द्र भट्टले १२५, नेपाल मजदुर किसान पार्टीका सीताराम रानाले ७२ तथा राष्ट्रिय जनमोर्चाका रामबहादुर कार्कीले १९५ मत प्राप्त गरेका छन्।

त्यसैगरी, प्रगतिशील लोकतान्त्रिक पार्टीका धर्मानन्द जोशीले १९५, संयुक्त नागरिक पार्टीका खडक तम्राकारले ३२, मितेरी पार्टी नेपालका तेजबहादुर बडवालले १८ तथा नेपाली कम्युनिष्ट पार्टी (माओवादी) का लोकेन्द्रबहादुर विकले १४३ मत प्राप्त गरेका छन्।

उज्यालो नेपाल पार्टीका योगेन्द्रबहादुर साउदले ९३, नागरिक उन्मुक्ति पार्टी नेपालकी प्रेमवती रानाले ५६० र आम जनता पार्टीका जग्गु चौधरीले ३७ मत ल्याए पनि जमानत जोगाउन सकेनन्।

स्वतन्त्र उम्मेदवारतर्फ वीरेन्द्र रानाले ८१, भानुभक्त बोहराले २६, सिद्धराज जोशीले १९ तथा हरिशबहादुर भट्टले ४४ मत प्राप्त गरेका छन्। उहाँहरूको पनि जमानत जफत भएको छ।

यस निर्वाचन क्षेत्रमा भने चार दलका उम्मेदवारले मात्र जमानत जोगाउन सफल भएका छन्। राष्ट्रिय स्वतन्त्र पार्टी (रास्वपा)का उम्मेदवार दीपकराज बोहरा ३३ हजार ९५२ मत ल्याउँदै प्रतिनिधिसभा सदस्यमा निर्वाचित भएका छन्।

उनका निकटतम प्रतिस्पर्धी नेपाली कांग्रेसका नारायणप्रकाश साउदले १० हजार ८२७ मत प्राप्त गरेका छन्। नेकपा (एमाले)का बचनबहादुर सिंहले ६ हजार ४१८ मत ल्याउँदै तेस्रो स्थान हासिल गर्दा नेपाली कम्युनिष्ट पार्टीका माधव पन्तले ६ हजार ३३७ मतसहित चौथो स्थान प्राप्त गरेका छन्।

कञ्चनपुर–२ मा कुल ६५ हजार ३४७ मत खसेको थियो। तीमध्ये ६१ हजार ११७ मत सदर भएको छ भने चार हजार २३० मत बदर भएको निर्वाचन अधिकृतको कार्यालयले जनाएको छ।

यसैबीच, कञ्चनपुर निर्वाचन क्षेत्र नम्बर ३ मा पनि नेपाली कम्युनिष्ट पार्टी (नेकपा)का उम्मेदवार तथा सुदूरपश्चिम प्रदेशसभाका पूर्व मानबहादुर सुनारको धरौटी जफत भएको छ।

कञ्चनपुर–३ मा ५३ हजार ५१५ मत सदर भएकामा धरौटी जोगाउन पाँच हजार ३५२ मत आवश्यक थियो। तर सुनारले चार हजार २८४ मत मात्र प्राप्त गरेपछि उनको धरौटी जफत भएको हो। उक्त निर्वाचन क्षेत्रमा सुनारसहित १४ जनाको धरौटी जफत भएको निर्वाचन अधिकृतको कार्यालयले जनाएको छ।

यस क्षेत्रमा १७ जना उम्मेदवार प्रतिस्पर्धामा रहेकामा राष्ट्रिय स्वतन्त्र पार्टीका ज्ञानेन्द्रसिंह महताले २७ हजार ११८ मत ल्याउँदै विजयी भएका छन्। विजयी उम्मेदवारसहित चार जनाले मात्र धरौटी जोगाउन सकेका छन्। रासस

तेश्रो सर्किटपछि नेप्सेद्वारा आजको कारोबार बन्द

Posted on by The Everest Post

काठमाण्डौ । चुनावी परिणामको प्रभावले सेयर लगानीकर्तामा अभूतपूर्व उत्साह देखिएको छ । राष्ट्रिय स्वतन्त्र पार्टीको एकल बहुमत(करिब दुईतिहाई बहुमत) आएपछि स्थिर सरकार बन्ने र त्यसले नीतिगत स्थिरता हुने आशासहित लगानीकर्ताले खरीदारी बढाउँदा सोमबार बजार खुलेदेखि नै सेयर किन्न नपाउने अवस्था देखियो ।

किन्नेहरु मात्र थुप्रिएपछि र बिक्री गर्न कोही तयार नभएपछि एक मिनेटमै बजारमा पहिलो सर्किट लाग्यो । २० मिनेट कारोबार हल्ट गरी खुलेको बजारमा फेरि अर्को मिनेटमा नेप्से ५ प्रतिशत बढेपछि सर्किट लगाइयो । दोश्रो सर्किटपछि ४० मिनेटका लागि कारोबार हल्ट गरिएको थियो ।

त्यसपछि खुलाइएको बजार फेरि अर्को एक मिनेटमा थप १ प्रतिशत अर्थात कुल ६ प्रतिशतले बढेपछि तेश्रो सर्किट लगाएर आजका लागि कारोबार स्थगित गरियो ।

यो दिन नेप्से परिसूचक १६२.९३ अंकले बढेर २८७५.४३ को विन्दूमा पुग्यो ।

२५३ कम्पनीको सेयर खरीदबिक्री भएको बजारमा ५१ करोड बढीको कारोबार भयो ।

यसरी हेर्दा चुनावपछि खुलेको बजारमा अभूतपूर्व उछाल र उत्साहको अवस्था देखिएको छ । जसका कारण आज तीनवटा सर्किटअघिको अवधि हेर्दा जम्माजम्मी ३ मिनेट मात्र कारोबार हुन पायो । सामान्य अवस्थामा ४ घण्टासम्म कारोबार हुने बजार जम्माजम्मी ३ मिनेटको कारोबार भएर आजका लागि बन्द भयो।

किन आयो उछाल ?

सेयर बजारले चुनावअघिकै केही कारोबार दिनमा समेत चुनावपछिको परिदृश्य संकेत गरिरहेको थियो । देश रास्वपामय भएको छनक बजारले चुनावअघि नै दिइसकेको थियो । घण्टीमय(रास्वपाको चुनाव चिन्ह घण्टी हो) देश बनिरहेको बेला प्रतिनिधिसभा निर्वाचनमा रास्वपाको स्पष्ट बहुमत आउने र त्यसले राजनीतिक अन्यौलता, नीतिगत स्खलन तथा ६/६ महिनामा नयाँ सरकार बन्ने दुर्भाग्यपूर्ण अवस्थाको अन्त्य गर्ने धेरैमा विश्वास देखिएको थियो ।

ठूला तथा संस्थागत लगानीकर्ताहरु चाहिँ चुनावअघिसम्म पनि ‘पर्ख र हेर’को अवस्थामै थिए । चुनावअघिको केही कारोबार दिनमा बैंक तथा वित्तीय संस्था लगायतका केही संस्थागत लगानीकर्ताहरुले भने चूपचाप खरीदारी बढाउन थालेका थिए ।

यस्तै, कतिपय लगानीकर्ताहरुले भने चुनावअघि कित्ता थपेर जूवा खेल्ने रणनीतिसहित खरीदारी बढाउँदा त्यसको सकारात्मक प्रभाव बजारमा देखिएकै थियो ।

चुनाव भएपछि त्यसको परिणामले यस्तो अवस्था देखाइदियो कि पर्ख र हेरको अवस्थामा रहेका ठूला तथा संस्थागत लगानीकर्ताहरु समेत आक्रामक ढंगले बजार प्रवेश गर्न खोजेकोे देखिन्छ । ठूला लगानीकर्ताहरुको यही आक्रामकता र त्यसमा सानाले थपेको बलका कारण बजारमा उछालको माहौल बनेको हो ।

सेयर लगानीकर्ताहरुमा रास्वपाको स्थिर सरकार बनेपछि अर्थतन्त्र र सेयर बजारलाई राम्रोसँग बुझेका डा. स्वर्णिम वाग्ले अर्थमन्त्रीको रुपमा आउने विषयले समेत सकारात्मक प्रभाव पारेको देखिन्छ । यस्तै, रास्वपाले आफ्नो चुनावी बाचापत्रमा अन्य दलभन्दा एक कदम अगाडि बढेर सेयर बजारको दिगो सुधार तथा विकासका लागि सार्वजनिक गरेका प्रतिबद्धताका कारण समेत अहिले सोही दलको एकल सरकार बन्ने विषयले लगानीकर्तामा उत्साह थपेको देखिन्छ । रास्वपाले आफ्नो बाचापत्रमा सेयर बजारको आमूल सुधार गरी नेप्सेलाई अन्तराष्ट्रिय स्तरको बनाउने सगौरव घोषणा गरेको छ । यो विषयले समेत लगानीकर्ताहरुको अहिलेको उत्साहमा इन्धन भर्ने काम गरेको देखिन्छ ।

बजारका विज्ञ तथा विश्लेषक र अनुभवी लगानीकर्ताहरुले आजबाट सुरु भएको बुल लामो समयसम्म रहने तथा नेप्से परिसूचकले अलटाईम हाईको रेकर्ड ब्रेक गर्नेसम्मको प्रक्षेपण गरिरहेका छन् । राजनीतिमा आएको ऐतिहासिक परिवर्तन र त्यसपछि बजारका लगानीकर्तामा देखिएको उत्साहलाई हेर्ने हो भने नेप्सेले अलटाईम हाई ब्रेक गर्ने समय आउन धेरै दिन पर्खिनुपर्छ भन्ने देखिन्न ।

समानुपातिकमा रास्वपाले कटायो ४० लाख मत

Posted on by The Everest Post

राष्ट्रिय स्वतन्त्र पार्टी (रास्वपा)ले समानुपातिकतर्फ ४० लाख मत कटाएको छ।

बिहान साढे ११ बजेसम्मको मतगणना विवरण अनुसार रास्वपाले ४० लाख ७७ हजार ९०० मत ल्याएको छ।

निर्वाचन आयोगका अनुसार यस अवधिसम्म ८४ लाख ३५ हजार ०६४ मत  गणना भएको छ।

यस आधारमा रास्वपाले पाएको यो मत ४८ प्रतिशत बढी हो।

कांग्रेसले अहिलेसम्म १३ लाख ६७ हजार ५८३, एमालेले ११ लाख ५६ हजार ६५४, नेपाली कम्युनिस्ट पार्टी (नेकपा)ले ५ लाख ९६ हजार ११३ मत, श्रम संस्कृति पार्टीले २ लाख ९४ हजार ७२६ र राष्ट्रिय प्रजातन्त्र पार्टीले २ लाख ७८ हजार ३१८ मत ल्याएको छ।

जनता समाजवादी पार्टी (जसपा)नेपालले अहिलेसम्म १ लाख २६ हजार ८१७ मत ल्याएको छ।

सुन र चाँदी दुवैको मूल्य घट्यो

Posted on by The Everest Post

काठमाडौँ- सुनको मूल्य ३ हजार ७०० रुपैयाँले घटेको छ । सोमबार नेपाली बजारमा सुनको मूल्य ३ लाख १३ हजार २०० रुपैयाँ कायम भएको हो । आइतबार यस्तो मूल्य ३ लाख १६ हजार ९०० रुपैयाँ थियो ।

त्यस्तै, चाँदीको मूल्य पनि प्रतितोला ६५ रुपैयाँले घटेको छ । अघिल्लो दिन ५ हजार ५ सय ७५ रुपैयाँ रहेको चाँदीको मूल्य आज ५ हजार ४१० रुपैयाँ कायम भएको छ ।

‘दिगो बुल’को छनक पाएपछि लगानीकर्ता उत्साहित, नेप्सेमा दोश्रो सर्किट

Posted on by The Everest Post

काठमाण्डौ- चुनावी परिणामको प्रभावले सेयर लगानीकर्तामा उच्च मनोबल देखिएको छ । लगानीकर्ताको मनोबल फर्किएपछि र ठूला तथा संस्थागत लगानीकर्ता समेत दिगो बुल सुरु हुने विश्वासहित बजारमा प्रवेश गरेपछि त्यसको प्रभाव नेप्से परिसूचकमा देखिएको छ ।

प्रतिनिधिसभा सदस्य निर्वाचन-२०८२ मा राष्टिय स्वतन्त्र पार्टीको प्रचण्ड बहुमत आएपछि राजनीतिक स्थिरता हुने र त्यसले नीतिगत स्थिरता भई अर्थतन्त्रमा समेत सुधार हुने अपेक्षासहित लगानीकर्ताको मनोबल बढ्दा चुनावपछि सोमबार खुलेको बजारमा लगातार दोश्रो सर्किट लागेको छ ।

सोमबार बजार खुलेको एकमिनेटमै नेप्से परिसूचक ४ प्रतिशतले बढेपछि सर्किट ब्रेक लगाई २० मिनेटका लागि कारोबार स्थगित गरिएको थियो । त्यसपछि खुलेको बजारमा उछालको गति उस्तै रह्यो र फेरि एकमिनेटमै अर्को १ प्रतिशत विन्दू अर्थात कुल ५ प्रतिशतले नेप्से बढेपछि ४० मिनेटका लागि कारोबार हल्ट(स्थगन) भएको हो । पहिलो सर्किटपछि खुलेको बजार परिसूचक(नेप्से) ५ प्रतिशत(१३५.७२ अकं)बढेर २८४८.२२ विन्दूमा पुगेको छ ।

अब ४० मिनेटपछि खुल्ने बजार थप १ प्रतिशत विन्दू अर्थात कुल ६ प्रतिशतले बढ्यो भने आज(सोमबार)का लागि कारोबार बन्द हुनेछ ।

समानुपातिकतर्फ ८ क्षेत्रको मतगणना शुरू हुन बाँकी

Posted on by The Everest Post

काठमाण्डाै – गएको बिहीवार भएको प्रतिनिधिसभा सदस्य चुनावको समानुपातिकतर्फ आठ क्षेत्रको मतगणना शुरू हुन बाँकी रहेको  छ ।

निर्वाचन आयोगका अनुसार सङ्खुवासभा, इलाम क्षेत्र नम्बर १, अछाम २, बाजुरा, गोरखा १ र २, धनुषा १ र २ गरी आठ क्षेत्रको समानुपातिकतर्फको मतगणना शुरू हुन बाँकी रहेको प्रवक्ता नारायणप्रसाद भट्टराईले जानकारी दिए ।

पर्सि बुधवार बिहानसम्म समानुपातिकतर्फको सबै मतगणना भइसक्ने अपेक्षा गरिएको आयोगले जनाएको छ । समानुपातिकतर्फको मतगणना सम्पन्न भएपछि ‘थ्रेसहोल्ड’ पार गरेका दलहरूले प्राप्त गरेका मतका आधारमा आयोगले सम्बन्धित दलको तर्फबाट निर्वाचित हुने सांसदको सङ्ख्या निर्धारण गर्नेछन् ।

निर्धारित सङ्ख्यामा समानुपातिक क्लस्टर अनुसारको प्रतिनिधित्व हुने गरी निर्वाचित हुने सांसदको नाम सिफारिस गर्न आयोगले राजनीतिक दलहरूलाई पत्राचार गर्नेछ । दलहरूले बन्दसूची भित्रबाट नाम सिफारिस गरेपछि त्याे नामावली समावेशी क्लस्टर बमोजिम मिले/नमिलेको रुजु गरी समानुपातिकतर्फका निर्वाचित सांसदको नाम यकिन गरी प्रमाणपत्र उपलब्ध गराइने छ ।

आउँदाे चैत ५ गतेभित्र यी सबै काम सम्पन्न गरिसक्ने लक्ष्यसहित आयोगले काम गरिरहेको प्रवक्ता भट्टराईले बताए ।

 

चुनावी परिणामले सेयर बजारमा उछाल

Posted on by The Everest Post

काठमाण्डौ । चुनावी परिणामको प्रभाव सेयर बजारमा देखिएको छ ।

प्रतिनिधिसभा सदस्य निर्वाचन २०८२ मा राष्टिय स्वतन्त्र पार्टीको प्रचण्ड बहुमत आएपछि राजनीतिक स्थिरता हुने र त्यसले नीतिगत स्थिरता भई अर्थतन्त्रमा समेत सुधार हुने अपेक्षासहित लगानीकर्ताको मनोबल बढ्दा चुनावपछि सोमबार

सोमबार बजार खुलेको केही मिनेटमै नेप्से परिसूचक ४ प्रतिशतले बढेपछि सर्किट ब्रेक लगाई २० मिनेटका लागि कारोबार स्थगित गरिएको छ ।

अब २० मिनेटको ब्रेकपछि खुल्ने बजार अर्को १ प्रतिशत विन्दू अर्थात कुल ५ प्रतिशतले बढ्यो भने दोस्रो सर्किट ब्रेक लगाई ४० मिनेटका लागि कारोबार स्थगन गरिन्छ ।

त्यसपछि पुनः खुलाइने बजारमा बढोत्तरी जारी रह्यो र थप १ प्रतिशत विन्दू अर्थात कुल ६ प्रतिशत बढ्यो भने आज(सोमबार)का लागि कारोबार बन्द हुनेछ ।

न्युजिल्यान्डलाई हराउँदै भारतले तेस्राे पटक जित्याे टी–२० विश्वकपकाे उपाधि

Posted on by The Everest Post

काठमाण्डाै- न्युजिल्यान्डलाई ९६ रनले हराउँदै भारतले आईसीसी टी–२० विश्वकप क्रिकेटको उपाधि जितेको छ । भारतको अहमदाबादमा रहेको नरेन्द्र मोदी स्टेडियममा गएराति भएको खेलमा घरेलु टोली भारतले न्युजिल्यान्डलाई ९६ रनले हरायो ।

भारतले दिएको २५६ रनको लक्ष्य पछ्याएको न्युजिल्यान्डले १९ ओभरमा १५९ रन बनाउँदा सबै विकेट गुमायो । न्युजिल्यान्डका टिम साइफर्टले ५२, कप्तान मिचेल स्यान्टरले ४३ रन बनाए । भारतका जसप्रित बुमराहले ४, अक्षर पटेलले ३ विकेट लिए ।

यसअघि टस हारेर ब्याटिङ गरेको भारतले २० ओभरमा ५ विकेट गुमाएर २५५ रन बनायो । भारतका सन्जु सामसनले ५९, ईशान किशनले ५४, अभिषेक शर्माले ५२ रन बनाए । न्युजिल्यान्डका जेम्स नीशमले ३ विकेट लिए ।

योसँगै भारत लगातार दोस्रो तथा समग्रमा तेस्रो पटक उपाधि जित्ने पहिलो टोली बनेको छ । भारतले यसअघि सन् २००७ र २०२४ मा उपाधि जितेको थियो ।

न्युजिल्यान्ड भने दाेस्राे पटक उपविजेता बनेकाे छ । न्युजिल्यान्ड यसअघि सन् २०२१ काे फाइनलमा अस्ट्रेलियासँग पराजित भएकाे थियाे ।

भारतले पछिल्लो २० महिनामा तेस्रो आईसीसी उपाधि जितेको छ । भारतले सन् २०२४ को जुनमा टी–२० विश्वकप जितेको थियो । यस्तै २०२५ को मार्चमा आईसीसी च्याम्पियन्स ट्रफी जितेको भारतले गएराति टी–२० विश्वकप उपाधि जित्यो ।

१०औँ संस्करणको टी–२० विश्वकपमा लगातार तेस्रो अर्धशतक बनाउने भारतका सन्जु सामसन प्रतियोगिताकै उत्कृष्ट खेलाडी बनेका छन् । यस्तै भारतकै जसप्रित बुमराह फाइनल खेलकाे उत्कृष्ट खेलाडी बनेका छन् ।

राष्ट्रियसभाका नवनिर्वाचित सदस्यको आज शपथ

Posted on by The Everest Post

काठमाण्डौ- राष्ट्रियसभाका नवनिर्वाचित सदस्यको शपथ आज हुँदैछ । सङ्घीय संसद् सचिवालयका महासचिव पद्मप्रसाद पाण्डेयका अनुसार सिंहदरबारमा रहेको कानून, न्याय तथा मानवअधिकार समितिको हलमा दिउँसो २ बजे शपथ ग्रहण कार्यक्रम तय भएको छ । राष्ट्रियसभाका रिक्त हुन लागेका १८ सदस्यका लागि गएको माघ ११ गते चुनाव भएको थियो ।

सङ्घीय संसद् सचिवालयका अनुसार राष्ट्रियसभाका अध्यक्ष नारायणप्रसाद दाहालले नेपालको संविधानको धारा ८६ को उपधारा २ बमोजिम शपथ गराउने कार्यक्रम छ । शपथ ग्रहणका लागि आफ्नो पहिचान झल्कने पोशाकमा निर्वाचन आयोगबाट प्राप्त राष्ट्रियसभा सदस्य पदको प्रमाणपत्र र नागरिकताको प्रमाणपत्रको प्रतिलिपीसहित उपस्थित हुनुपर्नेछ ।

नेपाली भाषाबाहेक आफ्नो मातृभाषामा शपथ लिन चाहने सदस्यले कानूनअनुसार शपथको व्यहोरा आफ्नो मातृभाषाका अनुवाद गरी उपलब्ध गराउनुपर्ने व्यवस्था छ ।

निर्वाचन आयोगका अनुसार गएको माघ ११ गते राष्ट्रियसभा सदस्य चुनावमा कोशी प्रदेशबाट रोश्नी मेचे, सोमनाथ पोर्तेल, सुनिलबहादुर थापा निर्वाचित भएका छन् ।

मधेश प्रदेशबाट रेखाकुमारी झा, धर्मेन्द्र पासवान, रन्जित कर्ण र महन्थ ठाकुर निर्वाचित  भएका छन् । त्यसैगरी बागमती प्रदेशबाट गीता देवकाटा र प्रेमप्रसाद दङ्गाल, गण्डकी प्रदेशबाट जगत तिमिल्सिना र सम्झना देवकोटा, लुम्बिनी प्रदेशबाट रामकुमारी झाँक्री, चन्द्रबहादुर केसी र वासुदेव घिमिरे निर्वाचित भएका छन् ।

कर्णाली प्रदेशबाट मीनासिंह रखाल र ललितजङ्ग शाही निर्वाचित भएका छन् । त्यसैगरी सुदूरपश्चिमबाट लीलाकुमारी भण्डारी र खम्मबहादुर खाती निर्वाचित भएका छन् ।

समानुपातिक तर्फ रास्वपाले ५८ सिट पाउने, दोस्रोमा रहेको काँग्रेसको भागमा १९ सिट

Posted on by The Everest Post

काठमाण्डौं २५ फागुन।

समानुपातिक तर्फको ७५ प्रतिशतभन्दा बढि मत गणना हुदा रास्वपा दुई तिहाई नजिक पुगेको छ ।

७९ लाख १० हजार ४०८ मत गणना हुदा रास्वपाले ३८ लाख २२ हजार ६३२ मत पाएको छ । जुन करिव साढे ४८.३२ प्रतिशत हो । उसले यो मतका आधारमा ५८ सिट पाउनेछ ।

कांग्रेसले १२ लाख ८९ हजार ४४८ मत पाएको हो । जुन १६.३० प्रतिशत हो । उसले यो मतका आधारमा १९  सिट पाउनेछ ।

एमालेले १० लाख ८९ हजार ४४९ मत पाएको छ । करिव १३.७७ प्रतिशत मत पाएको उसले १६ सिट पाउने देखिन्छ ।

नेपाली कम्यूनिष्ट पार्टीको ५ लाख ६२ हजार ९१४ मत छ । ७.१२ प्रतिशत मत पाएको नेकपाले ८ सिट पाउने देखिन्छ ।

राप्रपाले २ लाख ६७ हजार ३०४ मत पाएको छ । साढे ३.३८ प्रतिशत भन्दा केही कम मत पाएको राप्रपाले ४ सिट पाउने  देखिन्छ ।

श्रम संस्कृति पार्टीको २ लाख ६२ हजार ६६० मत छ । तीन प्रतिशतभन्दा कही बढी मत पाएको उसको ४ सिट पाउने देखिन्छ ।

खसेको र सदर मतको अनुपात हेर्दा अन्तिम मतगणना हुँदासम्म ३ लाख १६ हजार जति मत पाउने दल समानुपातिक सूचीका लागि योग्य हुने देखिन्छ ।

अहिलेसम्मको मतगणना हेर्दा रास्वपा, कांग्रेस, एमाले, नेकपा, राप्रपा र श्रम संस्कृति पार्टीले पनि थ्रेसहोल्ड कटाएका छन् । तर राप्रपा र श्रम संस्कृति पार्टीको थ्रेसहोल्ड भने जोखिममै छ । किनभने गणना गर्न बाँकी २५ लाख भन्दा बढी मतमा उनीहरुको अनुपात त्यही कायम हुने कि घट्ने भन्ने टुंगो छैन । गन्न बाँकी मतमा उनीहरुको अनुपात घटेर तीन प्रतिशत भन्दा कम भएमा भने उनीहरु थ्रेसहोल्डको सीमा नकटाएर सीट दाबी गर्न नपाउने अवस्थामा पुग्छन् ।

 

अछाम २ मा एमालेका बोगटी बिजयी

Posted on by The Everest Post

अछाम, २४ फागुन ।
अछाम क्षेत्र नम्बर २ मा नेकपा एमालेका यज्ञ बोगटी बिजयी भएका छन् ।

नेपाली काँग्रेसका उम्मेदवार पुष्प बहादुर शाहलाई ४७२ मतले पछि पार्दै एमालेका बोगटी निर्वाचित भएका हुन् ।

ढकारी गाउँपालिका वडा ८ को मतगणना समाप्त भएसंगै अछाम क्षेत्र नम्बर २ को मतगणना सकिएको हो । त्यसअघि ४५९ मतले अगाडि रहेका बोगटीले अन्तिम वडामा समेत शाहलाई रोकेर जित निकालेका हुन् ।

अछाममा २ मा खसेका ३२,४०८ मतमध्ये बोगटीले ९५१८ मत पाए । उनलाई शुरुवातदेखि पछ्याईरहेका शाहले ९०४६ मत   पाए ।

प्राप्त मतसंख्याका आधारमा तेस्रोमा नेकपाका बल बहादुर कुँवर रहे । कुँवरले ६४९३मत ल्याएका छन् । चौथोमा रास्वपाका भुप देव शाह रहेका छन् । शाहको ४५६२ मत रहेको छ ।

अन्य उम्मेदवारहरुले पाएको मत विवरण :

• गुलाब : ५५८

• हलो : १६७
• मादल : ६०
• चिम : ५३
• आँखा : ११३

कुचो बोकेर अभियान चलाएका खनाल अब सांसद

Posted on by The Everest Post

कैलाली- केपी खनालले १७ वर्षकै कलिलो उमेरमा ‘कान्छा अभियन्ता’को पहिचान बनाएका थिए । कुनै बेला उनी काठमाडौंका सडकमा कुचो बोकेर ‘म बदलिन्छु, मेरो देश बदलिन्छ’ भन्दै हिँड्थे । हातमा कुचो र मनमा देशप्रेम बोकेर हिँडेका खनालले सयौं युवालाई सामाजिक कार्यमा गोलबन्द गरे । राजधानी मात्र होइन, विकट बाजुराको बुढीगंगामा अनाथ बालबालिकाका लागि बालगृह निर्माण गर्नेदेखि अनेकौं सामाजिक सेवामा उनी अनवरत खटिए ।

किशोरावस्थादेखि नै देशमा केही गरौं भन्ने हुटहुटीले सामाजिक कर्ममा लाग्दै आएका खनालको काँधमा अहिले जिम्मेवारी थपिएको छ । सरसफाइ अभियानबाट माथि उठेर राज्य संयन्त्रकै सफाइ गर्ने अठोटका साथ उनले फागुन २१ को प्रतिनिधिसभा सदस्य निर्वाचनमा कैलाली-२ मा रास्वपाबाट उम्मेदवारी दिएका थिए । प्राय: सामाजिक कार्यमा देखिने खनालको धोको पूरा गराउन कैलाली-२ का नागरिकले मतदानमार्फत साथ दिए ।

उनी यस निर्वाचनमा ७ हजार १०८ मतान्तरले विजय भए । खनालले १९ हजार ५७ मत प्राप्त गर्दा उनका निकटतम् प्रतिद्वन्द्वी नागरिक उन्मुक्ति नेपालका पतिराम चौधरी ११ हजार ९४९ मतमा सीमित बने । यो क्षेत्रमा एमालेका सूर्यबहादुर थापा ७ हजार ८८६ मतसहित तेस्रो बने । जितको दाबेदार मानिएका नेपाली कांग्रेसका विजयबहादुर स्वाँरले ७ हजार २१३ मत मात्रै प्राप्त गरे । नेपाली कम्युनिस्ट पार्टीका नन्दबहादुर साउदले ४ हजार ३६९ मत ल्याए ।

२०५६ सालमा अछामको दुर्गम रामारोशनमा जन्मिएका खनाल सानै उमेरमा छिमेकी मुलुक भारतमा मजदुरी गर्न पुगेका थिए । भारतबाट फर्किएर अध्ययन सुरु गरेका खनाल ७ कक्षा पढ्दापढ्दै रेडियोकर्मी पनि बने । प्लस टू अध्ययनका क्रममा काठमाडौं छिरेका खनालले देशको राजधानी काठमाडौंमा फोहोरको डंगुर देखेपछि सुरु गरेका थिए, ‘क्लिन काष्ठमण्डप’ अभियान । त्यहीबेलादेखि उनको ‘कान्छा अभियन्ता’का चिनारी बनेको थियो ।

सामाजिक कर्ममा निस्वार्थ हेलिएका खनाल ‘नेसनल युथ आइकोन’ र ‘जनसेवा श्री’ जस्ता प्रतिष्ठित सम्मानको हकदार बने ।

सामाजिक कामले मात्रै समाजको दिगो रूपान्तरण सम्भव छैन भन्ने महसुस भएपछि खनालले राजनीतिको बाटो रोजेका हुन् । चुनावी अभियानका क्रममा धनगढीको सभालाई सम्बोधन गर्ने क्रममा खनालले भनेका थिए, ‘अब सुदूरपश्चिमका युवाले झाडु लिएर भारत र खाडीका सडक सफा गर्ने होइन, परिवर्तनको कलमले देशको नीति बदल्ने हो ।’ त्यो भावना र चाहनालाई पूरा गराउन जनताले उनलाई संसदीय यात्रा तय गराएका छन् ।

स्वच्छ छवि र युवा जोस देखिने खनाललाई लम्कीचुहा नगरपालिकाका स्थानीय युवा र मतदाताको ठूलो साथ थियो । उनको प्रेरणादायी पृष्ठभूमिले साधारण मानिसहरूलाई पनि आकर्षित गर्थ्यो । यद्यपि, राजनीतिक विरासतको अभाव तथा क्षेत्रीय समीकरणहरू उनका लागि केही प्रतिकूल थिए । तर भ्रष्टाचारको अन्त्य र सुशासनको जुन नारा उनले बोके त्यो कैलाली-२ का जनताले पत्याए । स्नातक तहसम्म अध्ययन गरेका खनाल पहिलोपटक संसदीय यात्रा हो । उनले आफ्नो क्षेत्रको सामाजिक, आर्थिक र शैक्षिक विकासका ठोस मुद्दा लिएर घरदैलो गए । जनता, मतदातासँग गरेका वाचा कसरी पूरा गर्छन्, उनको भावी कार्यशैलीले बताउनेछ ।

प्रतिनिधिसभा चुनाव : ३८८ प्रतिस्पर्धी महिला मध्ये १४ मात्रै निर्वाचित

Posted on by The Everest Post

काठमाडौं । प्रतिनिधिसभा सदस्य निर्वाचनमा १४ जना महिला उम्मेदवार विजयी भएका छन् । राष्ट्रिय स्वतन्त्र पार्टी (रास्वपा) र नेपाली कांग्रेसबाट १४ जना महिला उम्मेदवार विजयी भएका हुन् ।

निर्वाचन आयोगका अनुसार रास्वपाबाट १३ र कांग्रेसबाट एक जना प्रतिनिधिसभा सदस्य बनेका छन् । रास्वपाले १६ र कांग्रेसले ११ निर्वाचन क्षेत्रमा महिला उम्मेदवारहरू खडा गरेको थियो ।

यस्तै नेकपा एमालेले १० र नेपाली कम्युनिष्ट पार्टीले ११ महिलालाई उम्मेदवार बनाएको थियो । आयोगका अनुसार निर्वाचनमा ३८८ महिला उम्मेदवारहरू प्रतिस्पर्धामा थिए ।

कांग्रेसबाट उम्मेदवार बनेका ११ महिला नेतृमध्ये बासना थापाले मात्रै जित निकालेकी छन् । उनी दैलेख–१ मा १२ हजार ३७२ मत ल्याएर प्रतिनिधिसभा सदस्य बनेकी हुन् ।

उनका निकटतम प्रतिद्वन्द्वी एमाले उम्मेदवार रविन्द्रराज शर्माले ११ हजार ७६९ मत पाउँदा रास्वपाका नन्दकिशोर बस्नेत आठ हजार १५१ मतसहित तेस्रो भएका छन् ।

रास्वपाबाट निवर्तमान उपसभामुख इन्दिरा राना मगर झापा–२ मा ६० हजार ११० मतसहित विजयी भएकी छन् । यस्तै चितवन–३ मा ५९ हजार २७७ मत ल्याएर सोबिता गौतम निर्वाचित भएकी छन् ।

झापा–१ बाट ४५ हजार ६८० मतसहित निशा डाँगी र सर्लाही–१ बाट ४४ हजार १८१ मतसहित नीतिमा भण्डारी कार्की विजयी भएको आयोगले जनाएको छ ।

यस्तै तोसिमा कार्की ललितपुर–३ बाट ४३ हजार ९६, आशिका तामाङ धादिङ–१ बाट ३९ हजार १२८ मत ल्याएर विजयी भएका छन् ।

सप्तरी–१ बाट विजयी पुष्पाकुमारी चौधरीले ३८ हजार १९५, कास्की–३ बाट विजयी बिना गुरूङले ३७ हजार ७५० मत ल्याएका छन् ।

आयोगका अनुसार रास्वापा नेतृ आशा झा मोरङ–५ र गौरी कुमारी महोत्तरी–४ बाट विजयी भएका छन् । उनीहरूले क्रमशः ३० हजार ४३४ र ३० हजार १३२ मत पाएका छन् ।

रास्वपा नेतृ कोमल ज्ञवाली कैलाली–१ बाट १७ हजार ८२६ मत र रञ्जु न्यौपाने काठमाडौं–१ बाट १५ हजार ४५५ मत पाएर निर्वाचित भएका छन् ।

त्यसैगरी मोरङ–६ बाट रुबिना आचार्य विजयी भएकी छन् । उनले ५५ हजार ५१३ मत पाएको आयोगले जनाएको छ ।

कैलाली-२ मा रास्वपाका २६ वर्षीय केपी खनाल विजयी

Posted on by The Everest Post

कैलाली । कैलाली–२ बाट प्रतिनिधिसभा सदस्यमा राष्ट्रिय स्वतन्त्र पार्टीका केपी खनाल निर्वाचित भएका छन् ।

२६ वर्षीय उनले सो क्षेत्रबाट १९ हजार ५७ मत ल्यायी विजयी हासिल गरे । निकटतम प्रतिस्पर्धी नागरिक उन्मुक्ति पार्टीका पतिराम चौधरीले भन्दा खनालले ७ हजार १०८ मतान्तर ल्याउन सफल भए । चौधरीले ११ हजार ९४९ मत ल्याए ।

त्यस्तै एमालेका सूर्यबहादुर थापाले ७ हजार ८८६ मत ल्याउँदा नेपाली कांग्रेसका उम्मेदवार विजयबहादुर स्वाँरले ७ हजार २१३ मत ल्याए ।

यसअघि कैलाली १ मा रास्वािकी कोमल ज्ञवाली, ३ मा रास्वपाकै जगतप्रसाद जोशी, ४ र ५ मा पनि रास्वपाकै खेमराज कोइराला र आनन्दबहादुर चन्द विजयी भएका छन् ।

कैलालीका पाँचवटै क्षेत्रमा रास्वपाको क्लिन स्वीप

Posted on by The Everest Post

 यशोदा शर्मा,

कैलाली । प्रतिनिधिसभा निर्वाचनमा कैलालीका पाँचवटै निर्वाचन क्षेत्रमा रास्वपाले क्लिन स्वीप गरेको छ। परम्परागत राजनीतिक दलका किल्लाहरूलाई भत्काउँदै यहाँका जनताले परिवर्तनको पक्षमा मतदान गरेका छन् ।  विभिन्न क्षेत्रमा कांग्रेस एमाले तत्कालीन माओवादी, र पछिल्लो समय पहिचानको मुद्दासहित उदयको नागरिक उन्मुक्ति पार्टीलाई पनि मौका नदिइ कैलालीका जनताले रास्वपामा एकहोरो मतदान गरेका हुन् ।
यस अघि कैलालीका चारवटै क्षेत्रमा जितिसकेको रास्वपाले क्षेत्र नम्बर २ मा केपी खनालको विजयसँगै क्लिन स्वीप गरेको हो।
क्षेत्र नम्बर २ मा खनालले ७१०८ मतको भारी मतान्तरले प्रतिद्वन्दीलाई हराउँदै विजय भएका हुन् । खनालले १९ हजार 57 मत प्राप्त गर्दा उनका निकटतम प्रतिद्वन्दी नागरिक उन्मुक्ति नेपालका पतिराम चौधरीले  ११,९९४ मतमा खुम्चिएका हुन् । नेकपा एमालेको पकट क्षेत्र मानिएको यो क्षेत्रमा एमालेका सूर्यबहादुर थापाले ७,८८६ मत सहित तेस्रो स्थानमा झरेका छन् । जितको दावेदार मानिएका नेपाली कांग्रेसका विजयबहादुर स्वारले  ७,२१३ मत प्राप्त गरे । नेपाली कम्युनिस्ट पार्टीका नन्दबहादुर साउथले ४३६९ मत ल्याए।
यो क्षेत्रमा  १ लाख ७०५७ मतदाता रहेकोमा ५६ हजार ७७० मत खसेको थियो।

सुनसरी–१ मा रास्वपालाई हराउँदै हर्कराज राई निर्वाचित

Posted on by The Everest Post

सुनसरी- सुनसरी निर्वाचन क्षेत्र नम्बर–१ बाट श्रम संस्कृति पार्टीका अध्यक्ष  हर्कराज राई प्रतिनिधिसभा सदस्यमा निर्वाचित भएका छन् । उनले ३५ हजार ७४१ मत प्राप्त गर्दै राष्ट्रिय स्वतन्त्र पार्टी (रास्वपा) की उम्मेदवार गोमा तामाङलाई पराजित गरेका हुन् ।

निर्वाचनको अन्तिम मतपरिणाम अनुसार रास्वपाकी तामाङले २७ हजार २४९ मत प्राप्त गरेकी छन् । राईले तामाङलाई ८ हजार ४ सय ९२ मतको अन्तरले पराजित गरेका हुन् । धरान उपमहानगरपालिकाका मेयरबाट राजिनामा दिएर  राई यस पटक प्रतिनिधिसभा सदस्यका लागि चुनावी मैदानमा उत्रिएका थिए ।

स्थानीय तहबाट राष्ट्रिय राजनीतिमा प्रवेश गर्दै उनले पहिलो पटक संसदीय यात्रा तय गरेका हुन् । निर्वाचन परिणाम सार्वजनिक भएसँगै उनका समर्थकहरूले धरानमा विजय उत्सव मनाएका छन् । राईले आफ्नो जितलाई जनताको परिवर्तनको चाहना र विश्वासको परिणाम भएको बताएका छन् ।

जाँचबुझ आयोगले सरकारलाई बुझायो जेनजी आन्दोलनसम्बन्धी अनुसन्धान प्रतिवेदन

Posted on by The Everest Post

काठमाडौं : जेनजी आन्दोलनका क्रममा घटेका घटनाको छानबिन गर्न गठित जाँचबुझ आयोगले सरकारलाई प्रतिवेदन बुझाएको छ। आइतबार सिंहदरबार पुगेर आयोगको टोलीले प्रधानमन्त्री सुशीला कार्कीलाई अनुसन्धानको प्रतिवेदन बुझाएको हो।

जेनजी आन्दोलनका घटनाको छानबिन गर्न सरकारले गत असोज ५ गते पूर्वन्यायाधीश गौरीबहादुर कार्कीको संयोजकत्वमा जाँचबुझ आयोग गठन गरेको थियो। सुरूमा तीन महिनाको समयावअधि दिएको थियो। तर,  तोकिएकै समयम काम पूरा नगरेपछि सरकारले बीचमा म्याद थप गरेको थियो।

आयोगमा पूर्व एआईजी विज्ञान राज शर्मा र विश्वेश्वर प्रसाद भण्डारी सदस्य रहेका छन्।  भदौ २३ र २४ गते भएको जेनजी पुस्ताको आन्दोलनमा ७४ जनाले ज्यान गुमाएका थिए।आन्दोलनका क्रममा देशको  प्रशासनिक केन्द्र सिंहदरबार तथा सर्वोच्च अदालतसहित विभिन्न सार्वजनिक संस्थाहरूमा तोडफोडका साथै आगजनी भएको थियो।

ललितपुर–२ मा रास्वपाका जगदीश खरेल ३२ हजार बढी मतान्तरले विजयी

Posted on by The Everest Post

ललितपुर : प्रतिनिधिसभा निर्वाचनको मत परिणाम अनुसार ललितपुर निर्वाच क्षेत्र नम्बर–२ मा जगदीश खरेल ३२ हजार बढी मतान्तरसहित विजयी भएका छन् ।

घण्टी चुनाव चिन्हका खरेल ३९ हजार ४९१ मत ल्याउँदै विजयी भएका हुन् । उनका निकटतम प्रतिष्पर्धी नेपाली कांग्रेसका प्रेमकृष्ण महर्जनले ७,४२० मत ल्याएका छन् । महर्जन भन्दा खरेलले ३२ हजार ७१ मत बढी ल्याएका छन् ।

यस्तै लतिलपुर–२ मा उज्यालो नेपाल पार्टीका राजाराम तण्डुकारले ५,५४७, नेकपा एमालेका प्रेमबहादुर महर्जनले ४,५३६, राप्रपाका रघुराज थापाले १७६०, नेपाल कम्युनिष्ट पार्टी (नेकपा) का राजेन्द्र अमात्यले १,२१७ मत ल्याएका छन् ।

बाजुरामा नेपाली काँग्रेसका जनक गिरी बिजयी

Posted on by The Everest Post

बाजुरा, २४ फागुन ।
बाजुरामा नेपाली काँग्रेसका उम्मेदवार जनक गिरी बिजयी भएका छन् ।

नेकपा एमालेका उम्मेदवार लाल बहादुर थापालाई ५४० मतको अन्तरले पछि पार्दै काँग्रेसका गिरी बिजयी भएका हुन् ।
गिरीले १७१७३ मत ल्याउदा थापाले १६६३३ मत ल्याएका छन् ।

सरल र बेगाद छविका गिरी आफ्नो त्यही छवि र सरलताका कारण बिजयी भएका हुन् ।

८७,८६१ कूल मतदाता रहेको बाजुरामा ४५,२४२ मत खसेको थियो । जसमध्ये ४३८९६ मत सदर भएको थियो भने १,३४६ मत बदर भएको थियो ।

अन्य उम्मेदवारले पाएको मत :
प्रकाश शाह (तारा) -३४२८
हेमराज थापा (घण्टि) -६०३५
केशर बहादुर शाहि (हलाे) -३५२
दिपक बिसि (आँखा) -९७
भुपेन्द्र ल्वार (गुलाफ) -३३३
उपेन्द्र शाहि (भंगेरो) -७२

टी-२० विश्वकप : उपाधिको लागि भारत र न्यूजिल्यान्ड खेल्दै

Posted on by The Everest Post

आईसीसी टी-२० पुरुष विश्वकप उपाधिको लागि आज साविक विजेता भारत र न्यूजिल्यान्ड खेल्दैछन्।

फाइनल खेल भारतको अहमदाबादस्थित नरेन्द्र मोदी स्टेडियममा आईतबार नेपाली समय बेलुका ७:१५ बजेबाट सुरु हुनेछ। भारतले इंग्ल्यान्डलाई र न्यूजिल्यान्डले दक्षिण अफ्रिकालाई पराजित गर्दै फाइनल पुगेका हुन् ।

भारत टी-२० विश्वकपको दुई पटकको विजेता हो भने न्यूजिल्यान्डले हालसम्म उपाधि जितेको छैन। भारत लगातार दोस्रो पटक र सम्रगमा तेस्रो पटक आफनै घरेलु मैदानमा उपाधिको रक्षा गर्न चाहन्छ भने न्यूजिल्यान्ड भारतलाई उसैको घरेलु मैदानमा स्तब्ध पार्दै पहिलो उपाधि जित्ने लक्ष्यका साथ मैदान उत्रदैछ ।

जारी विश्वकप भारत र श्रीलंकाले संयुक्त रुपमा आयोजना गरेका हुन्। विश्वकपमा कूल २० राष्ट्रले सहभागीता जनाएका थिए।

बैतडी– १ मा रास्वपाका हरिमोहन भण्डारी विजयी

Posted on by The Everest Post

बैतडी– बैतडीमा राष्ट्रिय स्वतन्त्र पार्टी (रास्वपा)का हरिमोहन भण्डारी २२ हजार १३४ मतसहित विजयी भएका छन् ।

उनले निकटतम प्रतिस्पर्धी नेपाली कांग्रेसका चतुरबहादुर चन्दलाई ३ हजार ९४० मतान्तरले पराजित गरे । कांग्रेसका चन्दले १८ हजार १९४ मत प्राप्त गरे ।

कैलाली ४ बाट निर्वाचित खेमराज कोइराला को हुन् ?

Posted on by The Everest Post

कैलाली- कैलाली–४ बाट प्रतिनिधि सभा सदस्यमा खेमराज कोइराला विजयी भएका छन् । शिक्षा, सामाजिक सेवा र कृषि उद्यममा लामो अनुभव सँगालेका कोइराला अब संघीय संसदमा यहाँका जनताको प्रतिनिधित्व गर्ने जिम्मेवारीमा पुगेका छन् ।

यो क्षेत्रमा कुल मतदाता १ लाख १५ हजार १४३ रहेकोमा ६३ हजार २९१ मत खसेको थियो । निर्वाचन आयोगले सार्वजनिक गरेको मत परिणाम अनुसार कोइरालाले आफ्ना प्रतिद्वन्द्वी गोरखबहादुर विष्टलाई १७ हजार २५५ मतले पछि पार्दै जित हासिल गरे ।

उनले कुल २८,५५६ मत प्राप्त गर्दा बिष्टले ११ हजार ३०१ मत प्राप्त गरे । उनलाई पछ्याइरहेका एमालेका लेखराज भट्ट यो क्षेत्रमा तेस्रो स्थानमा झरेका छन् । उनले ९ हजार ४४४ मत प्राप्त गरे । यस्तै नेपाली कम्युनिस्ट पार्टीका हरिराम चौधरीले ५ हजार ६०९ मत प्राप्त गर्दा राष्ट्रिय प्रजातन्त्र पार्टीका कमल रजवारले १ हजार ३५८ मत ल्याए ।

२०३३ गौरीगंगाको मंगलपुरमा जन्मिएका कोइराला पेशाले शिक्षक र कृषक हुन । विविध अनुभवले भरिएका उनी यसअघि कुनै दलसँग आबद्ध थिएनन् ।  धनगढीस्थित पञ्चमी माध्यमिक विद्यालयबाट प्रथम श्रेणीमा एसएलसी उत्तीर्ण गरेका उनले कैलाली बहुमुखी क्याम्पसबाट अंग्रेजी र अर्थशास्त्र विषयमा स्नातक गरेका छन् । त्यसपछि महेन्द्र बहुमुखी क्याम्पसबाट ग्रामीण विकास विषयमा स्नातकोत्तर अध्ययन गरेका छन् ।

भारतको कुमौन विश्वविद्यालयबाट अंग्रेजी विषयमा डबल मेजर अध्ययन गरेका उनी हाल महेन्द्र बहुमुखी क्याम्पसमा एलएलबीको अन्तिम वर्षमा अध्ययनरत छन् । कोइरालाले करिब २४ वर्ष शिक्षण पेशामा बिताएका छन् । शिक्षा क्षेत्रमै लामो समय काम गरेका उनले निजी विद्यालय सञ्चालकहरूको संस्था प्याब्सनमा केन्द्रीय सदस्यका रूपमा पनि भूमिका निर्वाह गरिसकेका छन् ।

सँगै सामाजिक क्षेत्रमा पनि उनी सक्रिय रहे । लायन्स क्लब अफ गौरिगंगाका सदस्य रहेका उनको विभिन्न सामाजिक अभियान तथा सामुदायिक कार्यक्रममा सक्रिय सहभागिता रहँदै आएको छ । शिक्षण पेशासँगै उनले वैदेशिक रोजगारीको अनुभव पनि सँगालेका छन् । दक्षिण कोरियामा करिब दुई वर्ष काम गरेको अनुभव उनीसँग छ ।

विदेश हुादा आफ्नै देश केही गर्नुपर्छ भनेर फर्किएका कोइरालाले कृषि क्षेत्रमा उद्यम सुरु गरे । आफ्नै ६ बिघा जमिनमा व्यावसायिक केरा खेती गर्दै आएका उनी कृषि सम्भावनालाई रोजगारीसँग जोड्न सक्ने उदारणीय व्यक्ति पनि हुन् ।

कोइरालाले शिक्षा सुधार, युवालाई रोजगारी, कृषि आधुनिकीकरण, लागुऔषध नियन्त्रण र सुशासनलाई आफ्नो मुख्य प्राथमिकता बनाएका छन् । प्रत्येक पालिकामा गुणस्तरीय सरकारी विद्यालय सुदृढीकरण, प्राविधिक तथा सूचना प्रविधि (आईटी) शिक्षाको विस्तार, युवालाई सीपमूलक तालिम र स्थानीय उद्योग तथा कृषि आधारित रोजगारी सिर्जना गर्ने उनको योजना छ ।

कृषि क्षेत्रलाई सुदृढ बनाउन किसानलाई बजार सुनिश्चितता, आधुनिक प्रविधिको प्रयोग र सहकारी सशक्तीकरण आवश्यक रहेको उनको धारणा छ । त्यसैगरी खुला सीमाका कारण बढ्दै गएको लागुऔषध समस्या नियन्त्रणका लागि कडा नीतिगत पहल, युवालाई सचेतना तथा पुनर्स्थापना कार्यक्रम सञ्चालन गर्नुपर्ने उनले प्रतिबद्धता जनाएका थिए । अब त्यी सबै योजना सफल बनाउन कैलाली ४ का जनताले उनलाई चुनेका छन् ।

यससँगै पारदर्शी बजेट प्रणाली र जनप्रतिनिधिको प्रत्यक्ष जवाफदेहिता सुनिश्चित गर्दै सुशासन प्रवर्द्धन गर्ने उनका प्रतिबद्धता कसरी पुरा हुन्छन् त्यो समयले नै देखाउला । तर शिक्षा, सामाजिक सेवा र स्थानीय विकासका क्षेत्रमा लामो अनुभव सँगालेका कोइरालाले अब संघीय संसदमा कैलाली–४ का जनताको अपेक्षा सम्बोधन गर्ने मतदाताले विश्वास लिएका छन् ।

ओखलढुंगामा ५ मतले रास्वपाका विश्वराज पोखरेल विजयी

Posted on by The Everest Post

ओखलढुंगा, २४ फागुन ।

ओखलढुंगामा रास्वपाका उम्मेदवार विश्वराज पोखरेल ५ मतले विजयी भएका छन् ।

उनले कांग्रेसका कुमार लुइँटेललाई ५ मतले पराजित गरेका हुन् । पोखरेल यस पटकको निर्वाचनमा सबैभन्दा कम अन्तरले बिजयी हुने उम्मेदवार हुन् ।

पोखरेल १३ हजार ९५३ मत ल्याएर विजयी हुँदा नेपाली कांग्रेसका लुइँटेलले १३ हजार ९४८ मत ल्याएका छन् ।

एमालेकी अस्मिता थापाले १० हजार ७२० मत र नेकपाका अम्बिरबाबु गुरुङले ११ हजार २९६ मत ल्याएका छन् ।

गोरखा-१ मा पछि परे सुधन गुरुङ

Posted on by The Everest Post

काठमाडौं । गोरखा-१ मा नेपाली कांग्रेसका उम्मेदवार प्रेमकुमार खत्रीले अग्रता बनाएका छन् । खत्रीले ४२६३ मत ल्याएका छन् ।

राष्ट्रिय स्वतन्त्र पार्टीबाट उम्मेदवार बनेका सुधन गुरुङले ४२५९ मत पाएका छन् । सुरुवातदेखि अग्रता बनाएका गुरुङ अहिले ४ मतले पछि परेका छन् ।

नेपाली कम्युनिस्ट पार्टीका हरिराज अधिकारीले २२८१ मत पाउँदा एमालेका आरसी लामिछानेले ६७५ पाएका छन् ।

कैलाली ४ बाट निर्वाचित खेमराज कोइराला को हुन् ?

Posted on by The Everest Post

कैलाली- कैलाली–४ बाट प्रतिनिधि सभा सदस्यमा खेमराज कोइराला विजयी भएका छन् । शिक्षा, सामाजिक सेवा र कृषि उद्यममा लामो अनुभव सँगालेका कोइराला अब संघीय संसदमा यहाँका जनताको प्रतिनिधित्व गर्ने जिम्मेवारीमा पुगेका छन् ।

यो क्षेत्रमा कुल मतदाता १ लाख १५ हजार १४३ रहेकोमा ६३ हजार २९१ मत खसेको थियो । निर्वाचन आयोगले सार्वजनिक गरेको मत परिणाम अनुसार कोइरालाले आफ्ना प्रतिद्वन्द्वी गोरखबहादुर विष्टलाई १७ हजार २५५ मतले पछि पार्दै जित हासिल गरे ।

उनले कुल २८,५५६ मत प्राप्त गर्दा बिष्टले ११ हजार ३०१ मत प्राप्त गरे । उनलाई पछ्याइरहेका राष्ट्रिय प्रजातन्त्र पार्टीका कमल रजवारले १० हजार ३५८ मत ल्याए भने एमालेका लेखराज भट्ट यो क्षेत्रमा चौथो स्थानमा झरेका छन् । उनले ९ हजार ४४४ मत प्राप्त गरे । यस्तै नेपाली कम्युनिस्ट पार्टीका हरिराम चौधरीले ५ हजार ६०९ मत प्राप्त गरे ।

२०३३ गौरीगंगाको मंगलपुरमा जन्मिएका कोइराला पेशाले शिक्षक र कृषक हुन । विविध अनुभवले भरिएका उनी यसअघि कुनै दलसँग आबद्ध थिएनन् ।  धनगढीस्थित पञ्चमी माध्यमिक विद्यालयबाट प्रथम श्रेणीमा एसएलसी उत्तीर्ण गरेका उनले कैलाली बहुमुखी क्याम्पसबाट अंग्रेजी र अर्थशास्त्र विषयमा स्नातक गरेका छन् । त्यसपछि महेन्द्र बहुमुखी क्याम्पसबाट ग्रामीण विकास विषयमा स्नातकोत्तर अध्ययन गरेका छन् ।

भारतको कुमौन विश्वविद्यालयबाट अंग्रेजी विषयमा डबल मेजर अध्ययन गरेका उनी हाल महेन्द्र बहुमुखी क्याम्पसमा एलएलबीको अन्तिम वर्षमा अध्ययनरत छन् । कोइरालाले करिब २४ वर्ष शिक्षण पेशामा बिताएका छन् । शिक्षा क्षेत्रमै लामो समय काम गरेका उनले निजी विद्यालय सञ्चालकहरूको संस्था प्याब्सनमा केन्द्रीय सदस्यका रूपमा पनि भूमिका निर्वाह गरिसकेका छन् ।

सँगै सामाजिक क्षेत्रमा पनि उनी सक्रिय रहे । लायन्स क्लब अफ गौरिगंगाका सदस्य रहेका उनको विभिन्न सामाजिक अभियान तथा सामुदायिक कार्यक्रममा सक्रिय सहभागिता रहँदै आएको छ । शिक्षण पेशासँगै उनले वैदेशिक रोजगारीको अनुभव पनि सँगालेका छन् । दक्षिण कोरियामा करिब दुई वर्ष काम गरेको अनुभव उनीसँग छ ।

विदेश हुादा आफ्नै देश केही गर्नुपर्छ भनेर फर्किएका कोइरालाले कृषि क्षेत्रमा उद्यम सुरु गरे । आफ्नै ६ बिघा जमिनमा व्यावसायिक केरा खेती गर्दै आएका उनी कृषि सम्भावनालाई रोजगारीसँग जोड्न सक्ने उदारणीय व्यक्ति पनि हुन् ।

कोइरालाले शिक्षा सुधार, युवालाई रोजगारी, कृषि आधुनिकीकरण, लागुऔषध नियन्त्रण र सुशासनलाई आफ्नो मुख्य प्राथमिकता बनाएका छन् । प्रत्येक पालिकामा गुणस्तरीय सरकारी विद्यालय सुदृढीकरण, प्राविधिक तथा सूचना प्रविधि (आईटी) शिक्षाको विस्तार, युवालाई सीपमूलक तालिम र स्थानीय उद्योग तथा कृषि आधारित रोजगारी सिर्जना गर्ने उनको योजना छ ।

कृषि क्षेत्रलाई सुदृढ बनाउन किसानलाई बजार सुनिश्चितता, आधुनिक प्रविधिको प्रयोग र सहकारी सशक्तीकरण आवश्यक रहेको उनको धारणा छ । त्यसैगरी खुला सीमाका कारण बढ्दै गएको लागुऔषध समस्या नियन्त्रणका लागि कडा नीतिगत पहल, युवालाई सचेतना तथा पुनर्स्थापना कार्यक्रम सञ्चालन गर्नुपर्ने उनले प्रतिबद्धता जनाएका थिए । अब त्यी सबै योजना सफल बनाउन कैलाली ४ का जनताले उनलाई चुनेका छन् ।

यससँगै पारदर्शी बजेट प्रणाली र जनप्रतिनिधिको प्रत्यक्ष जवाफदेहिता सुनिश्चित गर्दै सुशासन प्रवर्द्धन गर्ने उनका प्रतिबद्धता कसरी पुरा हुन्छन् त्यो समयले नै देखाउला । तर शिक्षा, सामाजिक सेवा र स्थानीय विकासका क्षेत्रमा लामो अनुभव सँगालेका कोइरालाले अब संघीय संसदमा कैलाली–४ का जनताको अपेक्षा सम्बोधन गर्ने मतदाताले विश्वास लिएका छन् ।

अछाम २ मा एमालेका बोगटी र काँग्रेसका शाहबीच कडा टक्कर

Posted on by The Everest Post

अछाम, २४ फागुन ।
अछाम २ मा नेकपा एमाले र नेपाली काँग्रेसबीचको प्रतिस्पर्धा अत्यन्त रोचक भएको छ ।

दुई पार्टीका उम्मेदवारबीच कडा टक्कर भईरहेको छ । मंगलसेन, कमल बजार र बिनायकको मत गणना सकिदा दुबै उम्मेदवारबीच मतान्तर कम भएको छ ।

एमालेका यज्ञ बोगटीले ६२९९ मत ल्याउदा उनलाई पछ्याईरहेका काँग्रेसका पुष्प बहादुर शाहले ६०१७ मत ल्याएका छन् ।
त्यस्तै तेस्रोमा रहेका रास्वपाका भुपदेव शाहले ३३९० मत र नेपाल कम्युनिष्ट पार्टीका बल बहादुर कुवँरले २३५२ मत ल्याएका छन् ।

अव तुर्माखाँद, ढकारी र रहफको मतगणना हुन बाँकी छ । यतिबेला रहफको मतगणना भईरहेको छ ।

रास्वपाका अमरेश सिंहसंग काँग्रेस सभापति थापा पराजित

Posted on by The Everest Post

काठमाडौं,२४ फागुन ।
सर्लाही ४ मा काँग्रेसका सभापति गगनकुमार थापालाई पराजित गर्दै रास्वपाका अमरेशकुमार सिंह बिजयी भएका छन् ।
सिंह १२८५७ मतको अन्तरले बिजयी भएका हुन् ।

३५ हजार ६८८ मत ल्याउँदा उनका निकटतम प्रतिद्वन्द्वी थापाले २२ हजार ८३१ मत ल्याए ।

तीन पटक काठमाण्डौं ४ बाट निर्वाचित थापा यस पटक सर्लाही ४ मा पराजित भएका हुन् । सिंहको यौ चौथो जित हो ।

खोज्नुहोस