समानुपातिक तर्फ रास्वपाले ५८ सिट पाउने, दोस्रोमा रहेको काँग्रेसको भागमा १९ सिट
काठमाण्डौं २५ फागुन।
समानुपातिक तर्फको ७५ प्रतिशतभन्दा बढि मत गणना हुदा रास्वपा दुई तिहाई नजिक पुगेको छ ।
७९ लाख १० हजार ४०८ मत गणना हुदा रास्वपाले ३८ लाख २२ हजार ६३२ मत पाएको छ । जुन करिव साढे ४८.३२ प्रतिशत हो । उसले यो मतका आधारमा ५८ सिट पाउनेछ ।
कांग्रेसले १२ लाख ८९ हजार ४४८ मत पाएको हो । जुन १६.३० प्रतिशत हो । उसले यो मतका आधारमा १९ सिट पाउनेछ ।
एमालेले १० लाख ८९ हजार ४४९ मत पाएको छ । करिव १३.७७ प्रतिशत मत पाएको उसले १६ सिट पाउने देखिन्छ ।
नेपाली कम्यूनिष्ट पार्टीको ५ लाख ६२ हजार ९१४ मत छ । ७.१२ प्रतिशत मत पाएको नेकपाले ८ सिट पाउने देखिन्छ ।
राप्रपाले २ लाख ६७ हजार ३०४ मत पाएको छ । साढे ३.३८ प्रतिशत भन्दा केही कम मत पाएको राप्रपाले ४ सिट पाउने देखिन्छ ।
श्रम संस्कृति पार्टीको २ लाख ६२ हजार ६६० मत छ । तीन प्रतिशतभन्दा कही बढी मत पाएको उसको ४ सिट पाउने देखिन्छ ।
खसेको र सदर मतको अनुपात हेर्दा अन्तिम मतगणना हुँदासम्म ३ लाख १६ हजार जति मत पाउने दल समानुपातिक सूचीका लागि योग्य हुने देखिन्छ ।
अहिलेसम्मको मतगणना हेर्दा रास्वपा, कांग्रेस, एमाले, नेकपा, राप्रपा र श्रम संस्कृति पार्टीले पनि थ्रेसहोल्ड कटाएका छन् । तर राप्रपा र श्रम संस्कृति पार्टीको थ्रेसहोल्ड भने जोखिममै छ । किनभने गणना गर्न बाँकी २५ लाख भन्दा बढी मतमा उनीहरुको अनुपात त्यही कायम हुने कि घट्ने भन्ने टुंगो छैन । गन्न बाँकी मतमा उनीहरुको अनुपात घटेर तीन प्रतिशत भन्दा कम भएमा भने उनीहरु थ्रेसहोल्डको सीमा नकटाएर सीट दाबी गर्न नपाउने अवस्थामा पुग्छन् ।
ट्रेन्डिङ
सम्बन्धित
