The Everest Post Search

Month: January 2026

चुनावका लागि प्रहरी भर्ना शुरू

Posted on by The Everest Post

काठमाण्डाै- आउँदाे फागुन २१ गते हुने प्रतिनिधिसभा सदस्य चुनावलाई शान्तिपूर्ण र भयरहित बनाउन सरकारले सुरक्षा तयारीलाई तीव्रता दिएको छ ।

नेपाल प्रहरीले आजदेखि देशभर ‘निर्वाचन प्रहरी’ (साविकको म्यादी प्रहरी) को भर्ना प्रक्रिया शुरू गरेको हो । प्रहरी प्रधान कार्यालयकाअनुसार निर्वाचन सुरक्षाका लागि १ लाख ४९ हजार ९० जना निर्वाचन प्रहरी भर्ना गर्ने लक्ष्य छ । यसमा नेपाल प्रहरीले १ लाख ३३ हजार ९ सय ८० र सशस्त्र प्रहरी बलले १५ हजार १ सय १० जनाको कोटा पाएको छ ।

गृह मन्त्रालयको स्वीकृतिपछि नेपाल प्रहरीले आजदेखि नै आवेदन खुला गरेको हो । देशभरका जिल्ला प्रहरी कार्यालयहरूमा इच्छुक उम्मेदवारको लाइन लाग्न थालेको छ ।

काठमाण्डाै उपत्यकाका तीन वटै जिल्ला प्रहरी परिसर र उपत्यकाबाहिरका सबै जिल्ला प्रहरी कार्यालयमा आवेदन बुझाउन सकिने व्यवस्था मिलाइएको छ । आवेदन दिने अन्तिम मिति माघ १ गतेसम्म तोकिएको छ ।

सार्वजनिक बिदाको दिनमा पनि फारम बुझाउन सकिने प्रहरीले जनाएको छ । निर्वाचन प्रहरी बन्न १८ वर्ष पूरा भइ ५४ वर्ष ननाघेको नेपाली नागरिक हुनुपर्नेछ । शैक्षिक योग्यता साधारण लेखपढ गर्न जान्ने भए पुग्छ । उम्मेदवार कुनै राजनीतिक दलको सदस्य नभएको, नैतिक पतन देखिने फौजदारी अभियोग नलागेको र शारीरिक–मानसिक रूपमा तन्दुरुस्त हुनुपर्छ ।

विदेशी मुद्रा सञ्चिति ३२ खर्ब नाघ्यो

Posted on by The Everest Post

काठमाण्डाै- नेपालकाे विदेशी मुद्रा सञ्चिति ३२ खर्ब रुपैयाँ नाघेकाे छ । नेपाल राष्ट्र बैंकले आज सार्वजनिक गरेको आर्थिक तथा वित्तीय अवस्थाको प्रतिवेदन अनुसार विदेशी मुद्रा सञ्चिति ३२ खर्ब १ अर्ब ४७ करोड रुपैयाँ पुगेको छ । गएको असार मसान्तसम्म २६ खर्ब ७७ अर्ब ६८ करोड रुपैयाँ रहेको विदेशी मुद्रा सञ्चिति १९ दशमलव ६ प्रतिशतले बढेको हो ।

यस्तै चालू आर्थिक वर्षकाे साउनदेखि मङ्सिर पाँच महिनासम्म चालू खाता ३ खर्ब ५८ अर्ब ८३ करोड रुपैयाँले बचतमा रहेको छ । शोधनान्तर स्थिति ४ खर्ब २१ अर्ब ८९ करोड रुपैयाँले बचतमा रहेको छ ।

चालू आर्थिक वर्षको पाँच महिनामा कुल वस्तु निर्यात ५८ दशमलव २ प्रतिशतले बढेर १ खर्ब १६ अर्ब ५१ करोड रुपैयाँ पुगेको छ । पाँच महिनामा कुल वस्तु आयात १५ दशमलव ८ प्रतिशतले बढेर ७ खर्ब ६६ अर्ब १९ करोड रुपैयाँ पुगेको छ । योसँगै कुल वस्तु व्यापार घाटा १० दशमलव ५ प्रतिशतले बढेर ६ खर्ब ४९ अर्ब ६८ करोड रुपैयाँ पुगेको छ ।

यस्तै गएको मङ्सिर महिनामा वार्षिक विन्दुगत उपभोक्ता मुद्रास्फीति १ दशमलव ६३ प्रतिशत रहेको छ । अघिल्लो वर्षको यही अवधिमा उपभोक्ता मुद्रास्फीति ६ दशमलव ०५ प्रतिशत रहेको थियो ।

५ महिनामा ८ खर्ब ७० अर्ब रेमिट्यान्स भित्रियो

Posted on by The Everest Post

काठमाण्डाै- चालू आर्थिक वर्षको पाँच महिनामै ८ खर्ब ७० अर्ब रुपैयाँभन्दा धेरै रेमिट्यान्स भित्रिएको छ । नेपाल राष्ट्र बैंकले आज सार्वजनिक गरेको आर्थिक तथा वित्तीय अवस्थाको प्रतिवेदन अनुसार पाँच महिना अर्थात् साउनदेखि मङ्सिरसम्म ८ खर्ब ७० अर्ब ३१ करोड रुपैयाँ रेमिट्यान्स भित्रिएको छ ।

यो गएको वर्षको यही अवधिको तुलनामा ३५ दशमलव ६ प्रतिशतले धेरै हो । राष्ट्र बैंकका अनुसार मङ्सिर महिनामै मात्रै १ खर्ब ८३ अर्ब १८ करोड रुपैयाँ रेमिट्यान्स भित्रिएको छ । गएको वर्षको यही महिनामा १ खर्ब १८ अर्ब ७९ करोड रुपैयाँ रेमिट्यान्स भित्रिएको थियो ।

यस्तै पाँच महिनामा वैदेशिक रोजगारीका लागि १ लाख ७५ हजार ५ सय ९१ जनाले अन्तिम श्रम स्वीकृति र १ लाख ६३ हजार ९ सय २४ जनाले पुनः श्रम स्वीकृति लिएका छन् । अघिल्लो वर्षको यही अवधिमा १ लाख ९० हजार ३ सय ८४ जनाले अन्तिम श्रम स्वीकृति र १ लाख ३५ हजार ४ सय २५ जनाले पुनः श्रम स्वीकृति लिएका थिए ।

मन्त्री पुनकाे प्रश्न– ‘विदेश घुमेर मात्रै अर्थतन्त्र बन्छ ?’

Posted on by The Everest Post

काठमाण्डाै – शिक्षा, विज्ञान तथा प्रविधिमन्त्री महावीर पुनले विदेश घुमेर मात्रै देशको अर्थतन्त्रमा सुधार नआउने भएकाले मन्त्रीका हैसियतमा आफू विदेश भ्रमणमा जान इच्छुक नरहेको घोषणा गरेका छन ।

मन्त्री पुनले यसअघि आफूलाई तीन वटा वैदेशिक भ्रमण र कार्यक्रमको निमन्त्रणा आएको र नगएको जनाउँदै अहिले पनि दुई वटा निमन्त्रणा आएकामा नजाने कुरा सामाजिक सञ्जालमार्फत स्पष्ट पारेका हुन ।

‘देशको अर्थतन्त्र नसुधारेसम्म जोसुकै प्रधानमन्त्री र अर्थमन्त्री आए पनि केही प्रगति हुनेवाला छैन किनभने केही गर्न पैसा चाहिन्छ । विदेश घुमेर अर्थतन्त्र बन्छ ?’, उनले प्रश्न गरेका छन।

मन्त्री पुनले इजरायलको जेरुसेलममा आउँदाे फेब्रुअरी ४ देखि ६ तारिखसम्म हुने मन्त्रिस्तरीय बैठक र साउदी अरेबियामा आउँदाे मे ३ देखि ४ तारिखसम्म हुने ‘ह्युम्यान क्यापासिटी इनिसिएटिभ’ कार्यक्रममा सहभागिताका लागि आफूलाई प्राप्त निमन्त्रणा पत्र पनि सार्वजनिक गरेका छन ।

 

सालपा विकास बैंकको आईपीओ बाँडफाँट, २१ लाख २२ हजारको हात रित्तो

Posted on by The Everest Post

काठमाडौं । सालपा विकास बैंकको प्राथमिक सेयर (आईपीओ) बाँटफाँट भएको छ ।

बिक्री प्रबन्धक मुक्तिनाथ क्यापिटलले एक औपचारिक कार्यक्रममार्फत आईपीओ बाँडफाँट गरेको हो । यस कम्पनीको आईपीओ पुस १६ देखि २० गतेसम्म खुलेको थियो । आईपीओमा कुल २२ लाख ६५ हजार ९५५ आवेदन स्वीकृत भएको थियो ।

स्वीकृत आवेदनमध्ये १ लाख ४३ हजार ९१७ जनाले सेयर पाएका छन् । सेयर पाएकामध्ये पनि ९ जनाले ११ कित्ताका दरले पाएका छन् भने बाँकीले १० कित्ताका दरले पाएका छन् ।

आवेदन स्वीकृत भएकामध्ये २१ लाख २२ हजार ३८ जनाको हात रित्तो भएको छ । स्वीकृत आवेदनमध्ये सेयर पाउनेको संख्या जम्मा ६.३५ प्रतिशत मात्रै हो । आईपीओको नतिजा केही बेरपछि सीडीएससीको अनलाइन प्रणाली आईपीओ रिजल्ड डट् सीडीएससी डट् कम डट् एनपीमा हेर्न सकिनेछ ।

असार मसान्तसम्मको अपरिस्कृत वित्तीय विवरणअनुसार कम्पनीको वार्षिक प्रतिसेयर आम्दानी २.२४ रुपैयाँ छ ।

प्रतिसेयर नेटवर्थ १०५ रुपैयाँ छ । २ करोड ७० लाख रुपैयाँको जगेडा कोष छ । खोटाङ जिल्लामा कारोबार गर्न अनुमति पाएको यसको कर्पोरेट कार्यालय दिक्तेलमा छ ।

जारी पूँजी ५२ करोड २३ लाख रुपैयाँ रहेको यसले क्रेडिट रेटिङ कम्पनी इन्फोमेरिक्सबाट बी रेटिङ पाएको छ । जसले कम्पनीलाई दायित्व बहनमा मध्यमस्तरको जनाउँछ।

सुदूरपश्चिम प्रदेशमा ३५२ कैदीबन्दी अझै फरार

Posted on by The Everest Post

कैलाली। सुदूरपश्चिम प्रदेशमा साढे तीन सय कैदीबन्दी फरार रहेको पाइएको छ । २४ भदौको जेनजी आन्दोलनको बलमा विभिन्न कारागारबाट भागेकामध्ये ३५२ जना कैदीबन्दी पक्राउ गर्न बाँकी रहेको प्रहरीले जनाएको छ ।

सुदूरपश्चिम प्रदेश प्रहरी कार्यालय धनगढीका अनुसार तीन सय ३३ पुरुष र १९ महिला गरेर तीन सय ५२ जनाप्रतिवादी अहिलेसम्म पक्राउ परेका छैनन् । सबैभन्दा धेरै कैलाली कारागारबाट भागेका २२९ जना कैदीबन्दी बाहिरै छन् ।

कञ्चनपुर कारागारबाट भागेका ९७ जना, बाल सुधार गृह डोटी र बझाङ कारागारका १२/१२ जना, दार्चुला कारागारका ६ जना, डडेल्धुरा कारागारका ५ जना र बैतडी कारागारका एक जना कैदीबन्दी फरार अवस्थामा रहेको प्रहरीले जनाएको छ ।

जेनजी आन्दोलनको बलमा सुदूरपश्चिमका विभिन्न कारागारबाट एक हजार चार सय ५८ (१३८३ पुरुष र ७५ महिला) जना कैदीबन्दी बाहिर निस्किएर भागेका थिए । अहिलेसम्म प्रहरीले एक हजार ९४ जनालाई भने पक्राउ गरेर कारागार फर्काइसकेको छ । प्रहरीले पक्राउ गरेर नियन्त्रणमा लिएकामध्ये १०४९ जना पुरुष र ४५ महिला कैदीबन्दी रहेका छन् ।

सुदूरपश्चिमका प्रहरी प्रमुख डीआईजी ओमबहादुर रानाले जेनजी आन्दोलनका बेला कारागारबाट भागेर फरार भएका कैदीबन्दीको खोजी कार्य जारी राखिएको बताए ।

प्रदेश प्रहरी कार्यालयमा प्रहरी नायब उपरीक्षक (डीएसपी) र जिल्लामा प्रहरी निरीक्षक (इन्सपेक्टर) को नेतृत्वमा फरार कैदीबन्दीको खोजीका लागि छुट्टाछुट्टै टोली यसअघि नै गठन गरेको थियो । ती टोलीहरुले अहिले पनि फरार कैदीबन्दी पक्राउ गर्ने कामलाई अभियानकै रुपमा अघि बढाएर सक्रियतापूर्वक काम गरिरहेको डीआईजी राना बताउँछन् ।

‘जेनजी आन्दोलका बेला फरार कैदीबन्दी पक्राउ गर्न प्रदेश र जिल्लामा यसअघि नै टोली गठन गरेर काम गरिरहेका छौँ । पहिलो चरणमा फरार सबैजसो कैदीबन्दीको घर ठेगानासम्म पुगेर खोज्ने काम भइसकेको छ,’ डीआईजी रानाले भने, ‘भेटिएका कैदीबन्दीलाई पक्राउ गरेर कारवाहीको दायरामा ल्याइएको छ । नभेटिएकाहरुको हकमा अहिले पनि व्यापक खोजी गरिरहेका छौँ ।’

डीआईजी रानाले भारततिर भागेका कैदीबन्दीलाई समेत नियन्त्रणमा लिन भारतीय पक्षसँग समन्वय भइरहेको जानकारी दिए ।

ब्लड डोनर्स अफ अमेरिका मार्फत अमेरिकामा रहेका नेपालीहरूको रक्तदानमा योगदान

Posted on by The Everest Post

टीका पौडेल ।

भूमिका

रक्तदान मानव जीवनको रक्षा गर्ने सबैभन्दा महान् र निःस्वार्थ सामाजिक कार्य हो। कुनै जात, धर्म, भाषा, राष्ट्रियता वा राजनीतिक सीमाले नछुने यो कार्यले मानवता नै सबैभन्दा ठूलो धर्म हो भन्ने सन्देश दिन्छ। संसारभर आपतकालीन अवस्था, दुर्घटना, शल्यक्रिया, क्यान्सर, थालासेमिया, सिकल सेल एनिमिया, प्रसूति जटिलता लगायतका अवस्थामा रक्तको आवश्यकता अपरिहार्य हुन्छ। यस्तो संवेदनशील र जीवन–मरणसँग जोडिएको क्षेत्रमा स्वेच्छिक रूपमा अघि बढेर सेवा गर्नु आफैंमा उच्च मानवीय चेतनाको परिचायक हो।

अमेरिकामा बसोबास गर्ने नेपाली समुदायले पछिल्ला वर्षहरूमा सामाजिक सेवामा उल्लेखनीय योगदान गर्दै आएको छ। शिक्षा, स्वास्थ्य, आपतकालीन राहत, संस्कृतिको संरक्षण, आपसी सहयोग र सामाजिक सचेतनाका क्षेत्रमा नेपालीहरूको सक्रियता बढ्दो छ। यिनै महान् सामाजिक कार्यहरूमध्ये रक्तदान अभियानलाई संगठित, नियमित र प्रभावकारी बनाउने उद्देश्यले स्थापना गरिएको संस्था हो — ब्लड डोनर्स अफ अमेरिका (Blood Donors of America – BDA) ।

ब्लड डोनर्स अफ अमेरिकाले स्थापना कालदेखि हालसम्म करिब १२,५०० पिन्टभन्दा बढी रक्तदान गराएर हजारौँ जीवन बचाउने पुण्य कार्य गरेको छ। विभिन्न राज्यहरूमा शाखा विस्तार गर्दै, अन्य नेपाली समुदायका संघसंस्थाहरूसँग सहकार्य गर्दै, यस संस्थाले अमेरिकामा नेपालीहरूको सामाजिक पहिचानलाई थप उचाइ दिएको छ।

ब्लड डोनर्स अफ अमेरिकाको स्थापना पृष्ठभूमि

अमेरिकामा नेपाली समुदायको जनसंख्या विस्तारसँगै स्वास्थ्यसम्बन्धी आपतकालीन अवस्थाहरूमा नेपाली मूलका व्यक्तिहरूलाई तत्काल रक्त उपलब्ध गराउन कठिनाइ देखिन थाल्यो। भाषा, अस्पताल प्रणालीको जटिलता, रक्त समूह मिलान, समयमै सूचना नपुग्ने अवस्था र समुदायभित्र समन्वयको अभावका कारण धेरै जटिल परिस्थितिहरू उत्पन्न भए।

यही समस्यालाई मध्यनजर गर्दै, सामाजिक सेवामा सक्रिय केही नेपाली अभियन्ता, स्वास्थ्यकर्मी र स्वयंसेवकहरूको पहलमा ब्लड डोनर्स अफ अमेरिका को स्थापना गरियो। संस्थाको मूल भावना थियो —

“रक्तदान जीवनदान हो, र जीवन बचाउनु हाम्रो सामूहिक दायित्व हो।”

स्थापनाको सुरुवाती चरणमा सीमित स्रोत, स्वयंसेवक र अनुभवका बाबजुद पनि संस्थाले स्पष्ट लक्ष्य, पारदर्शी कार्यशैली र समुदायकेन्द्रित सोचका कारण छोटो समयमै विश्वास जित्न सफल भयो।

संस्थाको उद्देश्य

ब्लड डोनर्स अफ अमेरिकाको उद्देश्य केवल रक्त संकलनमा सीमित छैन। यसले दीर्घकालीन सामाजिक रुपान्तरणलाई लक्ष्य राखेको छ। यसको प्रमुख उद्देश्यहरू निम्नानुसार छन् ।

• अमेरिकामा बसोबास गर्ने नेपाली समुदायभित्र स्वेच्छिक रक्तदान संस्कृतिको विकास गर्नु

• आपतकालीन अवस्थामा नेपाली मूलका व्यक्तिलाई समयमै रक्त उपलब्ध गराउनु

• रक्तदानसम्बन्धी भ्रम, डर र गलत धारणालाई हटाउँदै सचेतना अभिवृद्धि गर्नु

• युवापुस्तालाई सामाजिक सेवामा आकर्षित गर्दै नेतृत्व विकास गर्नु

• अन्य नेपाली तथा गैर–नेपाली संघसंस्थासँग सहकार्य गर्दै सामुदायिक एकता बलियो बनाउनु

• मानवताका आधारमा जात, धर्म, भाषा र राष्ट्रियताभन्दा माथि उठेर सेवा गर्नु

संगठनात्मक संरचना र शाखा विस्तार

ब्लड डोनर्स अफ अमेरिका एक गैर–नाफामुखी, स्वयंसेवकमा आधारित संस्था हो। संस्थाको केन्द्रीय समिति, सल्लाहकार समिति र विभिन्न राज्य तथा सहरमा शाखा संरचना रहेको छ।

हाल अमेरिकाका विभिन्न राज्यहरूमा यस संस्थाका शाखाहरू सक्रिय छन्। यी शाखाहरूले स्थानीय समुदायसँग समन्वय गरी रक्तदान कार्यक्रम आयोजना गर्छन्। प्रत्येक शाखामा संयोजक, स्वयंसेवक टोली र सूचना संकलन प्रणाली रहेको छ जसले आपतकालीन अवस्थामा छिटो प्रतिक्रिया दिन मद्दत पुर्‍याउँछ।

संस्थाको विशेषता भनेकै यसको समावेशी र सहकार्यमा आधारित संरचना हो। विभिन्न पृष्ठभूमिका नेपालीहरूलाई एउटै उद्देश्यमा जोड्नु यसको ठूलो सफलता हो।

वर्तमान क्रियाकलापहरू

रक्तदान कार्यक्रम

ब्लड डोनर्स अफ अमेरिकाले नियमित तथा विशेष रक्तदान कार्यक्रमहरू आयोजना गर्दै आएको छ। यी कार्यक्रमहरू नेपाली समुदायका चाडपर्व, सामाजिक कार्यक्रम वा अस्पतालहरूसँगको सहकार्यमा गरिन्छ।

आपतकालीन सहयोग

दुर्घटना, शल्यक्रिया, गम्भीर रोगका अवस्थामा संस्थाले आफ्नो डाटाबेसमार्फत छिटो रक्तदाता खोजी गरी जीवन बचाउने काम गरेको छ।

सचेतना अभियान

रक्तदानबारे भ्रम हटाउन, पहिलो पटक रक्तदान गर्नेहरूलाई हौसला दिन, स्वास्थ्यसम्बन्धी जानकारी दिन सामाजिक सञ्जाल, सेमिनार र समुदाय भेटघाट कार्यक्रम सञ्चालन गरिन्छ।

अन्य संघसंस्थासँग सहकार्य

नेपाली समाज, सांस्कृतिक संस्था, विद्यार्थी संघ, धार्मिक संस्था लगायतसँग सहकार्य गरी संयुक्त कार्यक्रमहरू सञ्चालन गरिन्छ।

सामाजिक प्रभाव र नेपाली समुदायमा योगदान

ब्लड डोनर्स अफ अमेरिकाले केवल रक्त संकलन मात्र गरेको छैन, यसले नेपाली समुदायमा सेवा, एकता र जिम्मेवारीको भावना विकास गरेको छ।

• हजारौँ जीवन बचाउने प्रत्यक्ष योगदान

• नेपाली समुदायको सकारात्मक छवि निर्माण

• युवामा सामाजिक उत्तरदायित्वको विकास

• आपसी सहयोग र विश्वासको सञ्जाल विस्तार

• अन्य समुदायसँग सहकार्य गर्दै अन्तर–सामुदायिक सम्बन्ध मजबुत

चुनौतीहरू

यति ठूलो सफलता हुँदाहुँदै पनि संस्थाले केही चुनौतीहरू सामना गरिरहेको छन् ।

• स्वयंसेवकहरूको निरन्तरता

• आर्थिक स्रोतको सीमितता

• सबै राज्यमा समान सक्रियता कायम राख्न कठिनाइ

• नयाँ पुस्तालाई निरन्तर संलग्न गराइराख्ने चुनौती

तर यी चुनौतीलाई अवसरका रूपमा लिँदै संस्था अझ सुदृढ हुँदै गएको छ।

भविष्यको सम्भावना

भविष्यमा ब्लड डोनर्स अफ अमेरिकाले डिजिटल डाटाबेस विस्तार, मोबाइल एप, युवामैत्री अभियान, अस्पतालहरूसँग थप सहकार्य र राष्ट्रियस्तरको रक्तदान नेटवर्क निर्माण गर्ने लक्ष्य लिएको छ।

निष्कर्ष तथा सहभागिताकालागि अनुरोध

ब्लड डोनर्स अफ अमेरिका केवल एउटा संस्था मात्र होइन, यो मानवता, सेवा र एकताको आन्दोलन हो। अमेरिकामा रहेका नेपालीहरूले स्थापना कालदेखि हालसम्म करिब १२,५०० पिन्टभन्दा बढी रक्तदान गरेर जुन महान् पुण्य कार्य गरेका छन्, त्यो इतिहासमा सदैव स्मरणीय रहनेछ।

रक्तदान गर्न सक्ने हरेक स्वस्थ व्यक्तिले वर्षमा कम्तीमा एक पटक रक्तदान गरेमा अनगिन्ती जीवन बचाउन सकिन्छ। त्यसैले हामी सबैलाई यस महान् अभियानमा जोडिन, स्वयंसेवक बन्न, रक्तदान गर्न, सचेतना फैलाउन र संस्थालाई नैतिक तथा भौतिक सहयोग गर्न हार्दिक अनुरोध गर्दछौँ।

रक्तदान गरौँ, जीवन बचाऔँ —

मानवताको सेवामा ब्लड डोनर्स अफ अमेरिका।

(कोलोराडो निवासी लेखक पौडेल ब्लड डोनर्स अफ अमेरिकाका कार्यकारी उपाध्यक्ष हुन् । )

के धनगढीमा गुरुकुल परम्परा विश्वविद्यालय सम्भव छ ? 

Posted on by The Everest Post

-प्रेम राज अवस्थी

न्युयोर्क टाइम्समा २०२६ जनवरी १ मा प्रकाशित डेभिड डेस्टिनोको आशावादसम्बन्धी लेख पढ्दा, विश्वव्यापी निराशा र अनिश्चितताबीच आध्यात्मिक चेतनाको अपरिहार्यतालाई औँल्याएको पाए। उक्त लेखले शान्ति अन्ततः आध्यात्मिक चिन्तनमै छ भन्ने मेरो धारणालाई थप बलियो बनायो।

त्यस पछि, मेरो मन सुदूरपश्चिमतर्फ गयो। गएको दशैँमा धनगढीमा प्रत्यक्ष अनुभूत गरिएका अनुभवहरू, चिया गफका क्रममा उठेका विचारहरू र त्यहाँको सामाजिक–बौद्धिक वातावरण सम्झँदा, केही विचारहरू लिपिबद्ध गरौँ लाग्यो।

एक दशकयता धनगढी सुदूरपश्चिम प्रदेशको आर्थिक, सामाजिक, राजनीतिक तथा प्रशासनिक केन्द्रका रूपमा स्थापित भएको छ। यससँगै यहाँ शैक्षिक र आध्यात्मिक गतिविधिहरू पनि क्रमशः विस्तार भइरहेका छन्। अब, यहाँ वैदिक र आध्यात्मिक अध्ययनको लागि एक विशिष्ट विश्वविद्यालय भए हुने थियो भन्ने चाहना पाइन्छ।

हुन त नेपालमा धेरै विश्वविद्यालयहरू स्थापना भइसकेका छन्, अब संख्या भन्दा गुणस्तरमा ध्यान दिनुपर्छ भन्ने तर्क बलियो छ। २७ लाख जनसंख्या भएको सुदूरपश्चिम प्रदेशमा पनि एउटा विश्वविद्यालय छ, जसका आङ्गिक क्याम्पसहरू सहित करिब १७,००० विद्यार्थी अध्ययनरत छन्। तर, वैदिक दर्शन र आध्यात्मिक चिन्तनमा केन्द्रित, परम्परागत सांस्कृतिक ज्ञानलाई आधुनिक शिक्षासँग जोड्ने शैक्षिक प्रणालीको आवस्यकता बिधमान विश्वविद्यालयहरुले पूर्ति गर्न सक्दैनन् । 

यही सन्दर्भमा, धनगढीमा वैदिक अध्ययनसँगै आधुनिक शिक्षालाई समेट्ने, गुरुकुल परम्परामा आधारित विश्वविद्यालय स्थापना कत्तिको आवश्यक र सम्भव छ ? के यस्तो विश्वविद्यालय केवल अर्को शैक्षिक संस्था मात्र हुनेछ, वा यसले समाजको नैतिक, आध्यात्मिक तथा पर्यावरणीय पुनर्जागरणको आधार निर्माण गर्न सक्छ ? के यसले सुदूरपश्चिम मात्र होइन, सम्पूर्ण नेपाललाई शान्ति र दिगो विकासतर्फ उन्मुख गराउन योगदान दिन सक्छ ?

आज विश्व तीव्र भौतिक विकास, प्रविधिको प्रगति र उपभोगमुखी संस्कृतिको उत्कर्षमा पुगेको छ। नेपालले पनि पछिल्ला वर्षहरूमा सडक, पुल, भवन र सहरी विस्तारमा उल्लेखनीय प्रगति गरेको छ। तर विकासको यो रूपले मात्र समाजलाई सही दिशा दिन सकेको छैन। यही प्रगतिसँगै मानसिक अशान्ति, हिंसा, असहिष्णुता र प्रकृतिसँगको द्वन्द्व पनि समानान्तर रूपमा बढ्दै गएको छ। विश्व स्वास्थ्य सङ्गठनका अनुसार विश्वभर करिब ९७ करोडभन्दा बढी मानिस कुनै न कुनै मानसिक विकारबाट पीडित छन्, जसमा डिप्रेसन सबैभन्दा सामान्य समस्या हो। नेपालमा पनि युवालगायत अन्य उमेर समूहमा तनाव, चिन्ता र उद्देश्यहीनताको समस्या गम्भीर बन्दै गएको छ। 

भौतिक समृद्धिले सुविधा त दिएको छ, तर सन्तोष र आन्तरिक शान्ति दिन सकेको छैन। अझ, सुदूरपश्चिम त दोहोरो सङ्कटमा छ, एकातिर गरिबी, बेरोजगारी र पलायन, अर्कोतिर मूल्य, संस्कार र उद्देश्यको क्षय। राज्यले समाजलाई नैतिक र बौद्धिक मार्गदर्शन गर्ने संरचनामा लगानी गर्न नसकेको यथार्थता पनि यसै सन्दर्भमा जोडिन्छ।

साथै, प्रकृतिसँगको असन्तुलनले पछिल्ला पाँच दशकमा विश्वको औसत तापक्रम करिब १ डिग्री सेल्सियसले वृद्धि भइरहेको छ, जसको प्रत्यक्ष असर हिमालदेखि तराईसम्म परेको छ। सुदूरपश्चिम पनि बाढी, खडेरी, जलस्रोतको ह्रास र जैविक विविधताको सङ्कटजस्ता चुनौतीहरूबाट प्रभावित छ। यस्तो अवस्थामा प्रकृति र चेतनाबिचको सहअस्तित्व तथा ऋत–सन्तुलनको सिद्धान्त प्रतिपादन गर्ने वैदिक दर्शन प्रासङ्गिक बनेको छ। 

यदि वैदिक मूल्यहरूलाई आधुनिक विज्ञान, पर्यावरणीय अनुसन्धान र सार्वजनिक नीतिसँग एकीकृत गर्न सकियो भने दिगो विकासको वैकल्पिक मोडल सम्भव हुन सक्छ। वैदिक ज्ञान, योग, ध्यान र अहिंसामूलक जीवनदर्शनले व्यक्तिको अन्तर्मन सन्तुलित गर्न, समाजलाई सहिष्णु र प्रकृतिसँग मैत्री बनाउन महत्त्वपूर्ण भूमिका खेल्न सक्छ। 

जलवायु सङ्कटको युगमा वैदिक जीवनदर्शन समाधानको एक आधार बन्न सक्छ। साथै, गुरुकुल परम्परामा आधारित शिक्षालाई आधुनिक विज्ञान र प्रविधिसँग जोड्दा युवाहरूमा बलियो नैतिक र बौद्धिक आधार प्रदान गर्न सकिन्छ। 

नेपालका युवाहरू अवसरको अभावका कारण ठुलो सङ्ख्यामा पलायन भइरहेका छन्। यहाँ केवल श्रम पलायन भइरहेको छैन, चेतना, नेतृत्व र भविष्यको पनि पलायन भएको छ। 

यदि वैदिक अध्ययनसँगै प्रविधि, व्यवस्थापन, उद्यमशीलता र नीति–अध्ययनलाई समेटेर स्वदेशमै अवसर सिर्जना गर्न सके, हाल भइरहेको ‘ब्रेन ड्रेन’ लाई ‘ब्रेन गेन’ मा रूपान्तरण गर्न सकिन्छ कि ?

सुदूरपश्चिमको सांस्कृतिक र आध्यात्मिक परम्परा, प्रकृति संगको सामिप्यता तथा सामुदायिक भावना जस्ता मौलिक सामाजिक पुँजीलाई ज्ञान, अनुसन्धान र नीतिगत संवादसँग प्रभावकारी रूपमा जोड्न सके सुदूरपश्चिमले विशिष्ट पहिचान निर्माण गर्न सक्छ। यही सम्भावनालाई मूर्त रूप दिन प्रदेशको केन्द्र धनगढीमा गुरुकुल परम्परामा आधारित विश्वविद्यालय स्थापना गर्नु समयसापेक्ष र सम्भव देखिन्छ।

विगतमा सुदूरपश्चिम विश्वविद्यालय धनगढीमा हुनुपर्ने मागसहित भएका आन्दोलनहरूले पनि यस सहरलाई शैक्षिक गन्तव्य बनाउने स्थानीय चाहना पुष्टि गर्दछ। गेटामा सुरुवात हुन गैरहेको शहीद दशरथ चन्द स्वास्थ्य विज्ञान विश्वविद्यालयले यस क्षेत्रलाई शैक्षिक केन्द्र बनाउने दिशामा थप ऊर्जा दिएको छ।

धनगढीको हरिद्वार र दिल्लीजस्ता वैदिक ज्ञान केन्द्रहरूसँगको निकटता, साथै खप्तड, शैलेश्वरी, बैजनाथ, उग्रतारा र निगलासैनी जस्ता आध्यात्मिक क्षेत्रहरूको ‘गेटवे’ भएकोले गुरुकुल परम्परामा आधारित विश्वविद्यालयले यी स्थानहरूलाई ज्ञान–पर्यटन र साधना–मार्गसँग जोड्दै प्रदेशलाई आध्यात्मिक पर्यटनको हबका रूपमा विकास गर्न सकिन्छ।

प्रदेश सरकार र स्थानीय तहको सहकार्यमा गुरुकुल परम्परामा आधारित विश्वविद्यालय स्थापना अघि बढाउन सरकारी बजेटसँगै एन्डोमेन्ट फन्ड र वैदिक परम्परामा आधारित, भूमि दान, गौशाला, कृषि, योग–ध्यान कार्यक्रम, प्रकाशन तथा ज्ञान–पर्यटनलाई आय–आर्जनका स्रोतका रूपमा विकास गर्न सकिन्छ। भारतका केही गुरुकुलहरूले यस्तै मिश्रित वित्तीय मोडलमार्फत आत्मनिर्भरता हासिल गरेका उदाहरणहरू छन्।

पाँचदेखि दस वर्षको स्पष्ट रोडम्यापसहित पूर्ण रूपमा गुरुकुल परम्परामा आधारित विश्वविद्यालय स्थापना गर्न सकिन्छ। यसले वेद, उपनिषद्, दर्शन, व्याकरण र आयुर्वेदलगायत शान्ति, अहिंसा, असमानता, पर्यावरणीय सङ्कट र नैतिक पतनजस्ता समकालीन समस्यामाथि वैदिक दृष्टिकोणबाट विमर्श र अनुसन्धान गर्ने सशक्त थलोको रूपमा काम गर्न सक्छ। नीति–निर्माता, विद्वान, युवा र साधकबिच संवाद र सहकार्य मार्फत यस्तो विश्वविद्यालयले सुदूरपश्चिमलाई विचार र बौद्धिक चिन्तनको हबमा रूपान्तरण गर्न सक्छ।

यो पहल केवल भवन, जनशक्ति र पाठ्यक्रममा गरिने लगानी मात्र नभएर भावी सन्तति र समाजको समग्र भविष्यका लागि गरिने दीर्घकालीन लगानी हुने छ। यसले सुदूरपश्चिमका लागि मात्र नभई सम्पूर्ण नेपालका लागि नै अनुकरणीय नमुना प्रस्तुत गर्न सक्छ र सुदूरपश्चिम लाई शान्ति र समृद्धिको नयाँ अध्याय लेख्दै, आफ्नो विशिष्ट पहिचान स्थापित गर्न सघाउने छ।

( यदि यस लेखसम्बन्धी कुनै टिप्पणी वा जिज्ञासा भएमा कृपया प्रेम राज अवस्थी लाई [email protected] मार्फत सम्पर्क गर्नुहोला )

 

Bal Joshi : The Running Monk

Posted on by The Everest Post

Dirgha Raj Upadhyay in Texas

Everyone in the world is running some kind of race. Some chase recognition. Some chase money. Others run simply to stay ahead of others. But there are some who run for others.

They are not trying to overtake anyone, they do not do it for fame, they are not getting paid to do it. But they run to pay for the upliftment of those less privileged.

Bal Joshi, 41, is originally from Surkhet. His father was involved in the democratic movement during the days of absolute monarchy and he remembers frequent police searches of the house.

Joshi was born in Surkhet, where his family lived in the district headquarters before later moving to a village when he was still very young. It was there that he started his primary education, walking four hours roundtrip every day between home and school. He ran most of the way, and without realizing it he has been running ever since.

At the age of 15, Joshi moved to Nepalganj to continue his education. He initially stayed with his uncles, but eventually began living on his own. The transition to city life was difficult, and he experienced significant economic hardship while trying to pursue his studies. There were times when he struggled to meet basic needs, and at one point he sold his calculator just to get by.

When he was 17, after hearing that his father was seriously ill, Joshi travelled to Gujarat to bring him back home. His father died soon after. After his father’s death, Joshi took on responsibility for supporting his family. It was his mother who taught him that despite scarcity, life had to be lived with dignity.

Joshi started working at a newspaper at the age of 16 as a proofreader, and later became a journalist within the same organization. He went on to work with other media outlets as well. During the civil war between the Maoists and the Nepal government, when children were being orphaned as a result of violence by both sides, Joshi joined the Sahara Group. At 19, he began managing an orphanage that took in conflict-affected children.

In Bajhang, after the army killed a man on suspicion of being a Maoist, his wife jumped into the Seti River and ended her life. Their two children were taken into army custody. During the rescue process, Joshi met Sunaina Adhikari of the ICRC and back in Nepalganj they decided to get married.

The conflict was still raging in western Nepal in 2005, when Joshi went to the United States. He initially took a job at a Subway outlet soon after arriving, but worked there only briefly before moving on to a jewellery company, where he worked while supporting his family and continuing his studies. In 2008, he moved to Texas and settled in Dallas, where he began his banking career at Wells Fargo. He later joined Hancock Whitney Bank, where he is now a Senior Vice President.

It was his daughter who first encouraged him to start running, and later a colleague pushed him to take it more seriously. His first formal race was a half marathon in December 2021. Since then, Joshi has completed more than two dozen full marathons and over a dozen ultramarathons.

Last year, Joshi returned to Nepal to run the Everest Marathon, and raised $42,000 using the One Step Foundation platform, supporting work in health care, child welfare and cultural preservation in Nepal and around the world.

In June this year, Joshi and his family climbed Kilimanjaro, raising $19,000 for 80 HIV-affected orphaned children in Tanzania. During the Diwali festival he ran 220 km in Nevada’s Red Canyon and raised $25,000 for cataract surgeries through the Ruit Foundation in Nepal.

Joshi does not run competitions, and is not trying to break any records. His motto is: “My race, my pace.”

Turning his childhood scarcity into helping others, he says: “We all share sunlight, rain, air, and soil, nothing is truly just your own. I grew up without shoes, and I am fortunate to be able to distribute shoes to those who walk barefoot.”

We ask Bal Joshi what (and where) next ? His answer: the World Marathon Challenge that will go around the world to run seven marathons on seven continents in seven days beginning in Antarctica at end-January. Joshi aims to run wearing the daura suruwal and Nepal’s flag to show where he comes from, and how far in life he has come.

Nepali-Born Runner Bal Joshi to Participate in World Marathon Challenge

Posted on by The Everest Post

Dallas, USA —

Nepali-born runner Bal Joshi, who currently lives in the United States, is set to participate in the World Marathon Challenge, widely regarded as one of the most demanding endurance events in the world, beginning in the last week of January.

Known as the “777 Challenge,” the event requires runners to complete seven full marathons on seven continents over seven consecutive days, covering a total distance of 184.4 miles, or approximately 294 kilometers. With long intercontinental flights, limited sleep, and no recovery days between races, the challenge tests both physical endurance and mental resilience.

The 2026 edition of the World Marathon Challenge will begin on January 31 in Antarctica and conclude on February 6 in Miami, United States. Joshi will be the only participant born in Nepal taking part in this year’s event.

Joshi will complete the challenge wearing traditional Nepali attire, daura suruwal. While a Nepali runner has participated in the event in the past, Joshi will be the first to do so in traditional dress, using the global platform to showcase Nepal’s culture and identity.

This year’s challenge will feature 54 runners from more than 30 countries, including the United States, China, India, Australia, the United Kingdom, Spain, Canada, Norway, Denmark, Hong Kong, New Zealand, and Romania.

All participants will arrive in Cape Town, South Africa, on January 28, before being flown to Antarctica on January 30 aboard a chartered aircraft. The first marathon will take place in Antarctica on January 31, followed by races in Cape Town on February 1, Perth, Australia, on February 2, Dubai on February 3, Madrid, Spain, on February 4, Brazil on February 5, and the final marathon in Miami on February 6.

Participants will face extreme and rapidly changing weather conditions, ranging from minus 10 degrees Celsius in Antarctica to approximately 25 degrees Celsius in Dubai, with temperatures in Madrid expected to be around 5 degrees Celsius.

There will be no rest days and no hotel stays for recovery. After completing each marathon, runners must immediately prepare for the next while traveling between continents on chartered flights arranged by the organizers.

Joshi began running to maintain his health but has been running for social and humanitarian causes since 2021. He has completed more than two dozen marathons worldwide and, over the past four years, has raised over USD 200,000 through sponsors. The funds have been distributed through the One Step Foundation to support children’s education, healthcare, sports initiatives, and meal programs for senior citizens in Nepal, the United States, and Africa.

Born in Surkhet, Nepal, the 42-year-old has lived in the United States for nearly two decades. He currently resides in Grapevine, Texas, within the Dallas–Fort Worth Metroplex, and works as a senior bank executive, balancing a demanding professional career with endurance athletics and humanitarian work.

Joshi says he sees the World Marathon Challenge as an opportunity to represent Nepal on a global stage, honoring his roots while carrying both the Nepali and American flags throughout the journey.

सात महादेश, सात दिने वर्ल्ड म्याराथन च्यालेञ्जमा दौडिदै जोशी

Posted on by The Everest Post

ड्यालस (अमेरिका), २५ पुस ।

सात महादेशमा सातदिनसम्म लगातार सञ्चालन हुने ‘वर्ल्ड म्याराथन च्यालेञ्ज’मा नेपाली मूलका अमेरिकी धावक बाल जोशी सहभागी हुने भएका छन् ।

३१ जनवरी २०२६ मा अन्टार्टिकाबाट शुरु भएर ६ फेब्रुअरीमा अमेरिकाको मायामीमा सम्पन्न हुने सात दिने ‘वर्ल्ड म्याराथन च्यालेञ्ज’मा सहभागी हुने जोशी एक्लो नेपाली हुन् ।

जोशी २६ दशमलव २ माइल (४२ दशमलव १९ किलोमिटर) दूरी रहने फूल म्याराथनका सात वटा सिरिजमा २९४ किमी दूरी सात दिनमा दौडिने छन् । उनी नेपाली पोशाक दौरा सुरुवालमा दौडिने छन् । २०१५ बाट शुरु भएको यो म्याराथनमा नेपाली पोशाकमा दौडिने जोशी पहिलो नेपाली हुनेछन् ।

यस पटकको म्याराथनमा अमेरिका, चीन, भारत, अष्ट्रेलिया, बेलायत, बेल्जियम, स्पेन, पोर्चुगल, क्यानडा, युक्रेन, नर्वे, अष्ट्रिया, डेनमार्क, हङ्गकङ्ग, न्यूजील्याण्ड, रोमानिया सहित ३० भन्दा बढि देशका ५४ जना धावक सहभागी हुनेछन् ।

वर्ल्ड म्याराथन च्यालेञ्जमा सहभागी हुन सम्पूर्ण धावकहरु २८ जनवरीमा अफ्रिकाको केप टाउन पुग्नेछन् । आयोजकले उनीहरुलाई त्यहाँबाट ३० जनवरीमा चार्टर गरिएको बिमानमा अन्टार्टिका पु¥याउनेछ ।

३१ जनवरीमा अन्टार्टिकाबाट शुरु हुने म्याराथन दोस्रो दिन १ फेब्रुअरीमा अफ्रिकाको केपटाउनमा सञ्चालन हुनेछ । त्यस्तै तेस्रो म्याराथन २ फेब्रुअरीमा अष्ट्रेलियाको पर्थमा, चौथो म्याराथन ३ फेब्रुअरीमा एसियाको दुबईमा, पाँचौ म्याराथन ४ फेब्रुअरीमा स्पेनको म्याड्रिडमा, छैठौ म्याराथन ५ फेब्रुअरीमा ब्राजिलमा र सातौ तथा अन्तिम म्याराथन ६ फेब्रुअरीमा अमेरिकाको मायामीमा सञ्चालन हुनेछ ।

धावकहरु अन्टार्टिकाको माईनस २० डिग्री सेल्सियस तापक्रमदेखि दुबईको २५ डिग्री सेल्सियसमा दौडिनेछन् । म्याड्रिडको तापक्रम भने ५ डिग्री सेल्सियस रहनेछ ।

सहभागीहरुको आराम तथा बासका लागि होटलको व्यवस्था गरिएको छैन् । एक महादेशमा म्याराथनमा दौडिएपछि धावकले अर्को म्याराथनका लागि तयार हुनुपर्नेछ । आयोजकले चार्टर्ड जहाज मार्फत धावकहरुलाई त्यहाँबाट अर्को महादेशमा    लैजानेछ ।

स्वस्थ रहन दौडिन थालेका जोशी २०२१ देखि सामाजिक कार्य र मानव कल्याणका निम्ति दौडिदै आएका छन् । संसारका विभिन्न देशमा झण्डै दुई दर्जनभन्दा बढि म्याराथनमा सहभागी भएका जोशीले चार वर्षयता स्पोन्सरहरुबाट प्राप्त गरेको दुई लाख डलरभन्दा बढि रकम वान स्टेप फाउण्डेसन मार्फत नेपाल, अमेरिका र अफ्रिकामा बालबालिकाको शिक्षा,स्वास्थ्य, खेलकुद र जेष्ठ नागरिकहरुको भोजनका लागि सहयोग गरेका छन् ।

सुर्खेतमा जन्मिएका ४१ वर्षीय जोशी दुई दशकदेखि अमेरिकामा छन् । टेक्सासको ड्यालस फोर्टवर्थ मेट्रोप्लेक्सको ग्रेपभाइन सिटीमा बस्ने जोशी पेशाले बैंकर्स हुन् ।

नेपाल र अमेरिकाको झण्डा बोकेर नेपाली पोशाकमा दौडिने जोशीले यो म्याराथनलाई नेपाली सम्पदा र नेपालको प्रचारप्रसार गर्ने अवसरका रुपमा लिएका छन् ।

संसारका दुई दर्जनभन्दा बढि म्याराथनमा सहभागी भएपछि उनले अत्यन्त चुनौतीपूर्ण मानिने यो म्याराथनमा सहभागी निर्णय लिए । ‘त्यसमाथि थोरै दिनमा नेपाली भेषभुषा र सम्पदाको प्रचार प्रसार गर्ने यो उपयुक्त अवसर लाग्यो’, उहाँले भन्नुभयो, ‘त्यही कारण यो म्याराथनमा सहभागी हुदैछु ।’

लोकसेवा आयोगको उपसचिव तहको परीक्षा स्थगित

Posted on by The Everest Post

काठमाडौं : लोकसेवा आयोगले उपसचिव (अप्राविधिक) वा सो सरह पदको परीक्षा स्थगित गरेको छ। निर्वाचन आयोगको आग्रहमा आयोगले माघ १० गतेदेखि २८ गतेसम्म तय गरिएको परीक्षा स्थगित गरिएको हो।

आयोगका उपसचिव कुलप्रसाद सापकोटाका अनुसार २०८२ असोज २९ गते प्रकाशित सूचनाको विज्ञापन नं. १६६६४-१६६९१/०८२-८३ (आ.प्र./खुला/समावेशी) न्याय/प्रशासन/लेखापरीक्षण/संघीय संसद सेवा, रा.प. द्वितीय श्रेणी, उपसचिव (अप्राविधिक) वा सो सरह पदको मिति २०८२ माघ १० देखि मिति २८ गते सम्मको परीक्षा कार्यक्रम आयोगको पुस २४ को निर्णयानुसार स्थगित गरिएको हो। स्थगित भएको परीक्षा कार्यक्रम १५ दिनको सूचना दिई पछि प्रकाशन गरिने आयोगले जनाएको छ।

यसअघि निर्वाचन आयोगले आगामी निर्वाचनलाई लक्षित गर्दै सम्पूर्ण परीक्षा स्थगित गर्न लोकसेवा आयोगलाई पत्राचार गरेको थियो। माघ पहिलो सातादेखि आचारसंहिता लागू गरेको र कर्मचारी निर्वाचनमा खट्नुपर्ने भएकाले माघमा हुने उपसचिव (अप्राविधिक/प्राविधिक) तहको परीक्षा स्थगित गर्न आयोगले पत्राचार गरेको थियो।

अमेरिका र नेपालबीच सांस्कृतिक सम्पदा संरक्षण सम्झौता

Posted on by The Everest Post

काठमाडौं- संयुक्त राज्य अमेरिका र नेपालबीच सांस्कृतिक सम्पदा संरक्षण सम्झौता भएको छ । सांस्कृतिक कलाकृति तथा सम्पदाको अवैध ओसारपसार (तस्करी) रोक्न र संरक्षण गर्न द्विपक्षीय सम्झौता भएको हो ।

यो सम्झौता सन् १९७० को युनेस्को महासन्धिअन्तर्गत अमेरिकी विदेश मन्त्रालयको सांस्कृतिक सम्पदा केन्द्रको नेतृत्वमा स्थापित छ । यो सम्झौताले नेपालको अमूल्य सांस्कृतिक धरोहरलाई अवैध आयात–निर्यातबाट जोगाउँदै लुटपाट भएका वस्तुहरू फिर्ता गर्न सहजीकरण गर्ने र वैध सांस्कृतिक, शैक्षिक तथा वैज्ञानिक आदानप्रदानलाई प्रोत्साहन दिने उद्देश्य राखेको छ ।

सम्झौताअन्तर्गत धार्मिक वास्तुकलाका अंगहरू, अनुष्ठान तथा पूजाआजामा प्रयोग हुने वस्तुहरू, हस्तलिखित पाण्डुलिपिहरू लगायतका सामग्रीहरू संरक्षित छन् । यस्ता वस्तुहरू अमेरिकामा आयात गर्न नेपाली निर्यात प्रमाणपत्र अनिवार्य हुनेछ ।

यसले सङ्ग्रहालयहरू र संकलकहरूलाई अवैध वस्तु प्राप्त गर्नबाट रोक्न मद्दत गर्नेछ र नेपालको सांस्कृतिक सम्पदालाई मौलिक स्थानमै संरक्षण गर्न योगदान पुर्‍याउनेछ । यो सम्झौताले सांस्कृतिक पर्यटनलाई पनि टेवा पुर्‍याउने अपेक्षा गरिएको छ ।

अमेरिकाले यस्तै प्रकृतिका सम्झौता इटाली, ग्रीस, इजिप्ट, चीन, पेरु, कम्बोडिया, पाकिस्तान र भारतसहित ३० भन्दा बढी देशहरूसँग गरिसकेको छ । नेपालसँगको यो सहकार्यले दुवै देशबीचको सम्बन्धलाई थप सुदृढ बनाउने विश्वास गरिएको छ ।

नेपाल सरकार र अमेरिकी अधिकारीहरूले यो सम्झौतालाई विश्वव्यापी सांस्कृतिक संरक्षण प्रयासको महत्त्वपूर्ण हिस्सा भएको बताएका छन् । यसले नेपालको धनी सांस्कृतिक विरासतलाई अन्तर्राष्ट्रिय स्तरमा सुरक्षित राख्न मद्दत गर्ने विश्वास लिइएको छ । -न्युज एजेन्सी नेपाल

व्यवसायीहरूका समस्या समाधान गर्न तयार छौं: राष्ट्र बैङ्क, धनगढी कार्यालय प्रमुख केसी

Posted on by The Everest Post

यशोदा शर्मा 
कैलाली । नेपाल राष्ट्र बैङ्क धनगढी कार्यालयका प्रमुख केशव बहादुर केसीले व्यवसायीहरूका समस्याहरू समाधान गर्न आफू तयार रहेको बताएका छन् ।  आज धनगढीमा आयोजित तथ्याङ्क प्रदायक स्रोत व्यवसायका प्रतिनिधिहरूसँग अन्तरक्रिया कार्यक्रममा व्यवसायीहरूले उठाएका विभिन्न मुद्दा र समस्याहरूलाई सम्बोधन गर्दै प्रमुख केसीले व्यवसायीहरूका समस्याहरू सम्बोधन गर्न आफू कटिबद्ध रहेको बताएका हुन्।

उनले भने,” तपाईँहरू समस्यामा पर्नुका कारणहरू के के छन् लेखेर दिनुस्, तीसँग सम्बन्धित कागजातहरू हाम्रो कार्यालयमा बुझाउनुस्, हामी तपाईँहरूका समस्याहरू सकेसम्म समाधान गर्ने प्रयास गर्छौँ। उनले थपे, एउटा व्यक्ति खराब होला तर पुरै संस्था नै नराम्रो हुन्छ भन्ने हुँदैन त्यसैले तपाईँहरूका जस्तोसुकै गुनासोहरू हामी जतिखेर पनि  सम्बोधन गर्न तयार छौँ।”

अहिले बैङ्किङ क्षेत्र नभए पनि हुन्छ, हामीलाई बैङ्क नै चाहिँदैन भन्ने सोचाई ग्राहकहरूमा रहे पनि देशको आर्थिक वृद्धिमा बैङ्कहरूको भूमिका महत्त्वपूर्ण रहेको उनले बताए । साथै बैङ्किङ प्रणालीलाई बलियो बनाउन सबैलाई सहयोग गर्न समेत उनले अनुरोध गरेका छन्।

यस्तै कार्यक्रममा राष्ट्र बैङ्क आर्थिक अनुसन्धान विभागका निर्देशक राजेन्द्र राज सुवेदीले उपभोग वृद्धिका लागि बाहिरबाट आएको आयातित वस्तुभन्दा  राष्ट्रिय वस्तु तथा सेवाको उत्पादनलाई बढाउनुपर्नेमा जोड दिएका छन् ।

व्यवसायीहरूका समस्या र सुझावहरू सङ्कलन गर्नका लागि उक्त कार्यक्रम आयोजना गरिएको हो।

कार्यक्रममा विभिन्न उद्योग तथा बैङ्किङ क्षेत्रमा आबद्ध व्यवसायीहरू सहभागि थिए।

बाबुको पहिचान नखुलेकाको हकमाआमाको नामबाट नागरिकता दिने व्यवस्था कार्यान्वयन

Posted on by The Everest Post

काठमाण्डाै- सरकारले बाबुको पहिचान नखुलेकाको हकमा आमाको नामबाट नागरिकता दिने नागरिकता ऐन २०६३ को व्यवस्था कार्यान्वयनमा ल्याएको छ ।

नेपाली नागरिक आमाबाट जन्मिएका सन्तानले आमाको नामबाट नागरिकता प्राप्त गर्ने व्यवस्थालाई सहज बनाउन नेपाल नागरिकता ऐन २०६३ लाई संशोधन गर्न बनेको नेपाल नागरिकता (चौथो संशोधन) ऐन २०८२ गएको असोज ५ गते राष्ट्रपतिबाट प्रमाणीत भएको थियो । सरकारले यही पुस ११ गते मन्त्रिपरिषद्बाट ऐन स्वीकृत गरेर पुस २१ गते राजपत्रमा प्रकाशन गर्दै कार्यान्वयनमा लगेको हो ।

गृह मन्त्रालयले त्यसलाई कार्यान्वयनमा लैजान ७७ वटै जिल्ला प्रशासन कार्यालयलाई परिपत्रसमेत गरिसकेको छ ।

नयाँ व्यवस्थाअनुसार बाबु र आमामध्ये कुनै एकले जन्मको आधारमा नेपाली नागरिकता प्राप्त गरेको र अर्को नागरिकता प्राप्त नहुँदै मृत्यु भएको वा पहिचान नखुलेकाको सन्तान, नेपाली आमाबाट विदेशमा जन्म भइ बाबुको पहिचान नभइ नेपालमा स्थायी बसोबास गरेका सन्तानका सम्बन्धमा प्रमुख जिल्ला अधिकारीले आवश्यक छानबिन गरि अङ्गीकृत नेपाली नागरिकता प्रदान गर्न सक्ने व्यवस्था थप गरिएको छ ।

 

महिला टी–२० विश्वकप ग्लोबल छनोट : नेपालले समूह चरणका ४ वटै खेल त्रिवि मैदानमा खेल्ने

Posted on by The Everest Post

काठमाण्डाै- आउँदो माघ ४ गतेदेखि घरेलु मैदानमा हुने आईसीसी महिला टी–२० विश्वकप ग्लोबल छनोटको खेल तालिका सार्वजनिक भएको छ ।

नेपाल क्रिकेट सङ्घ (क्यान) ले सार्वजनिक गरेको तालिका अनुसार समूह चरणमा नेपालका चार वटै खेल कीर्तिपुरको त्रिवि क्रिकेट मैदानमा हुने भएको छ । यसअघि समूह चरणमा नेपालका दुई वटा खेल माथिल्लो मूलपानी क्रिकेट मैदानमा हुने तालिका थियो ।

तालिकाअनुसार नेपालले पहिलो खेलमा माघ ४ गते थाइल्यान्डसँग, दोस्रो खेलमा माघ ८ गते नेदरल्यान्ड्ससँग, तेस्रो खेलमा माघ १० गते जिम्बावेसँग र चौथो खेलमा माघ १२ गते स्कटल्यान्डसँग खेल्नेछ ।

१० वटा टोली सहभागी प्रतियोगिता माघ १८ गतेसम्म चल्नेछ । प्रतियोगितामा दुवै समूहबाट शीर्ष तीनमा पर्ने टोलीहरू ‘सुपर–सिक्स’ मा पुग्नेछन् । ‘सुपर–सिक्स’ बाट शीर्ष चार वटा टोली आउँदो वर्ष इङ्ग्ल्यान्ड र वेल्समा हुने महिला टी–२० विश्वकपमा छनोट हुनेछन् ।

​​

 

१० लाख मतपत्र छपाइको काम अन्तिम चरणमा

Posted on by The Everest Post

काठमाण्डाै- निर्वाचन आयोगले नमूना मतपत्रको छपाइ अन्तिम चरणमा पुर्‍याएको छ । आउँदो फागुन २१ गते हुने प्रतिनिधिसभा चुनावको मतदाता शिक्षाका लागि १० लाख थान नमूना मतपत्र छपाइको काम अन्तिम चरणमा पुगेको हो ।

आयोगले हिजोदेखि जनक शिक्षा सामग्री केन्द्रमा नमूना मतपत्र छपाइ शुरू गरेको हो । आजसम्ममा नमूना मतपत्र छापेर भोलिदेखि समानुपातिकतर्फको मतपत्र छपाइ शुरू गर्ने तयारी रहेको आयोगका प्रवक्ता नारायणप्रसाद भट्टराईले जानकारी दिए ।

उहाँका अनुसार समानुपातिकतर्फको मतपत्रमा बन्दसूची बुझाएका ५८ दलको चुनाव चिह्न रहनेछ । समानुपातिकतर्फको मतपत्र देशैभर एकै आकारमा हुनेछ । समानुपातिकको मतपत्र २ करोड ८ लाख ५० हजार थान छाप्ने आयोगले जनाएको छ ।

माघ ९ गतेसम्ममा समानुपातिकतर्फको मतपत्र छापिसकेर माघ १२ गतेदेखि प्रत्यक्षतर्फको मतपत्र छपाइ शुरू गर्ने योजना रहेको जनक शिक्षा सामग्री केन्द्रले जनाएको छ ।

प्रत्यक्षतर्फको उम्मेदवारी मनोनयन दर्ता माघ ६ गते हुँदैछ । प्रत्यक्षतर्फको मतदानका लागि २ करोड थान मतपत्र छापिने छ । यस पटक १ करोड ८९ लाख ३ हजार ६ सय ८९ जना मतदाता छन् । कुल मतदाताको ५ देखि १० प्रतिशत सङ्ख्यामा बढाएर मतपत्र छापिनेछ ।

मतपत्र छपाइ स्थलमा नेपाली सेनाले सुरक्षा दिइरहेको जनक शिक्षा सामग्री केन्द्रले जनाएको छ ।

‘Lumbini Marriott Resort & Spa’ निर्माणका लागि होटल व्यवस्थापन सम्झौता

Posted on by The Everest Post

काठमाडौं : लुम्बिनीमा Lumbini Marriott Resort & Spa निर्माणका लागि होटल व्यवस्थापन सम्झौता गरिएको छ। परियोजनाका प्रवर्तक निलडिग्री कन्स्ट्रक्सन र Marriott International बीच Global Hospitality Licensing S.A.R.L. मार्फत सम्झौता सम्पन्न भएको हो।

सम्झौतामा Marriott International का Senior Vice President (Development–South Asia) नीरज गोविल, Vice President किरण एन्डिकोट, र जूही रोय लगायतका अधिकारीहरूको उपस्थितिमा हस्ताक्षर गरिएको उल्लेख छ।

यस परियोजनाअन्तर्गत लुम्बिनीमा अन्तर्राष्ट्रिय मापदण्डको वाटर रिर्सोट तथा स्पा संचालन गरिनेछ। रिसोर्टमा वाटर फाउन्टेन, वाटर शो, म्युजिकल फाउन्टेन, 3D वाटर स्क्रिन, मोटर बोटिङ, मिनी क्रुज, वाटर रेस्टुरेन्ट, वाटर स्पा लगायतका गतिविधि समेटिने विज्ञप्तिमा उल्लेख छ।

रिसोर्टलाई वातावरणमैत्री बनाउने उद्देश्यले यसलाई Green Certification (Gold) प्राप्त हुने लक्ष्य लिइएको छ। वातावरण संरक्षण, ऊर्जा–दक्ष प्रणाली, पानी व्यवस्थापनजस्ता अभ्यासमार्फत यो प्रमाणपत्र लिने तयारी गरिएको विज्ञप्तामा जनाइएको छ। साथै, नेचुरोथेरापी र अर्गानिक उपचार प्रवर्द्धन गर्दै Organic Five Star Wellness Luxury Resort का रूपमा विकास गर्ने योजना पनि समेटिएको छ।

परियोजनाले स्पोर्ट्स टुरिज्म प्रवर्द्धन गर्ने लक्ष्य लिएको छ। बहुआयामिक खेल तथा स्वास्थ्य पर्यटनलाई एकै ठाउँबाट प्रवर्द्धन गर्ने गरी मल्टी–स्पेसालिटी रिसोर्टको अवधारणा अघि बढाइएको छ। साथै, लुम्बिनीको सांस्कृतिक तथा धार्मिक पहिचान जोड्न बुद्ध थिम पार्क, मिनी स्तूप, मिनी बुद्ध संग्रहालय, मेडिटेशन जोन र सांस्कृतिक केन्द्र निर्माण गरिनेछ।

रिसोर्टको सञ्चालन व्यवस्थापनका लागि Vice President–Operations and Assets Development विजयनन्मरन सन्मुगम नेतृत्वमा कार्य अगाडि बढाइने विज्ञप्तामा उल्लेख छ। परियोजनाबाट लुम्बिनी क्षेत्रमा प्रत्यक्ष र अप्रत्यक्ष रोजगारी, आन्तरिक तथा बाह्य पर्यटन वृद्धि, स्थानीय उत्पादनको उपयोग र समग्र प्रदेशको आर्थिक क्रियाकलापमा टेवा पुग्ने अपेक्षा लिइएको छ।

पटक-पटक सांसद र मन्त्री भएका ठाकुरको अझै मरेन सांसद बन्ने तृष्णा

Posted on by The Everest Post

 काठमाडौं ।  आगामी माघ ११ गते हुने राष्ट्रिय सभा निर्वाचनमा उम्मेदवारी दिन लोसपा अध्यक्ष महन्थ ठाकुर आफ्ना पार्टी नेताकार्यकर्ताको सहारामा बुधबार दिउँसो करिब २: ३० बजेतिर जनकपुरको निर्वाचन कार्यालय पुगे ।

८३ वर्षीय ठाकुर निर्वाचन कार्यालय पुग्दा दुईजना कार्यकर्ताले दुवै हात कसेर समात्दै ल्याएका थिए । वृद्ध अवस्थाका उनलाई हिँड्नका लागि कार्यकर्ताले सहायता गरिरहेका थिए । केहीबेर कार्यालयमा बसे । कार्यकर्ताहरुले मनोनयनपत्र तयार गरे । सहीछाप गरेर उनले मनोनयन दर्ता गराए ।

पुनः त्यसै गरी कार्यकर्ताकै सहारामा उनी त्यहाँबाट निस्किए । कार्यालय अगाडि उपस्थित सञ्चारकर्मीले उम्मेदवारीको विषयमा जिज्ञासा राखे । तर बिना सहारा उभिने अवस्थामा समेत नभएका ठाकुर बोलेनन् । सञ्चारकर्मीको आग्रहमा उनको तर्फबाट लोसपा वरिष्ठ नेता शरतसिंह भण्डारी नै बोले ।

‘कांग्रेस, एमाले, जसपा र लोसपाबीच राष्ट्रिय सभा निर्वाचनको लागि सहमति भएको थियो । त्यसमा अन्य तर्फ लोसपाका राष्ट्रिय अध्यक्ष महन्थ ठाकुरले उम्मेदवारी दर्ता गराउनु भयो’ भण्डारीले भने ।

जबकी उनै ठाकुर गत २०७९ को प्रतिनिधि सभाबाट दोस्रो पटक महोत्तरी क्षेत्र नं. ३ मा चुनाव लड्दा अन्तिम पटक जनतासँग मत मागेका थिए । मत माग्न जाँदा उनी भन्थे, ‘यो मेरो अन्तिम चुनाव हो, यसपछि म चुनाव लड्ने छैन ।’

तर, जेनजी आन्दोलनको क्रममा संसद्‌ विघटनसँगै आगामी फागुन २१ मा पुनः चुनाव घोषणा भएको छ । अगामी माघ ११ मा राष्ट्रिय सभा चुनाव हुँदैछ । आफैं उठबस समेत गर्न अप्ठेरो अवस्थामा उनी पुनः राष्ट्रिय सभा सदस्य चुनावको लागि उम्मेदवार बनेका छन् ।

उनी आफ्नै दल लोसपासहित नेकपा एमाले, नेपाली कांग्रेस र जसपाका नेपालका साझा उम्मेदवार हुन् । यसले राजनीति उथलपुथल नभए करिब उनी राष्ट्रिय सभामा सुरक्षित हुने छन् ।

ठाकुर राजनीति जीवनमा धेरै संघर्ष गर्दै उतार चढाव झेलेका नेता हुन् । त्यसले उनको व्यक्तित्वको प्रशंसा पनि हुन्छ । कतिपयले आदर्शवादी नेता मान्छन् । तर यो अवस्थामा पनि राष्ट्रिय सभा सदस्यको लागि दिएको उम्मेदवारीले कतिपयले उनलाई पदलोभी नेता भनेर सामाजिक सञ्जालमा व्यापक टिप्पणी भइरहेको छ ।

उमेर र शरीरले साथ नदिएपनि अध्यक्ष ठाकुरको लामो मजबुत वैचारिक अनुभव आज देश र मधेशलाई आवश्यक परेकोले उनको उम्मेदवारी परेको लोसपा मधेश प्रदेश अध्यक्षसमेत रहेको पूर्व मुख्यमन्त्री जितेन्द्र सोनलको तर्क छ ।

‘ शरीरले वृद्ध भएपनि वैचारिक रुपमा मजबुत हुनुहुन्छ । उहाँको लामो राजनीतिक अनुभव छ । वैचारिक रुपमा मजबुत नै हुनुहुन्छ । उहाँको विचार अहिले देश र मधेशलाई आवश्यक छ । परिस्थितिको माग पनि हो’ नेता सोनल भन्छन् ।

कुनै पनि अग्रजले लामो समय दिएको योगदानको कदर गर्नु र सम्मान गर्नु पनि दायित्व रहेको उनको भनाइ छ ।

‘पार्टीमा कोही अग्रज बुज्रुक भए उहाँको अनुभव र सम्मान पनि गर्नुपर्छ’ उनले भने ।

महोत्तरीको पिपरा गाउँपालिका एकरहिया घर भएका ठाकुरले २०७४ र २०७९ सालमा लोसपाबाट प्रतिनिधिसभामा चुनाव जितेका थिए ।

विद्यार्थी कालदेखि नेपाली कांग्रेस निकट विद्यार्थीमा लागेर राजनीति यात्रा अघि बढाएका ठाकुरले जेलनेल भोगे ।

२०३६ बहुदलीय व्यवस्था र २०४६ मा भएको पञ्चायती व्यवस्थाविरुद्धको आन्दोलनमा उनको सक्रिय भूमिका थियो ।

पहिलो पटक २०४८ सालमा कांग्रेसबाट सर्लाही क्षेत्र नम्बर ५ बाट चुनाव जित्दै उनी संसदीय राजनीतिमा प्रवेश गरेका थिए । त्यस बेला उनी उपसभामुख बने । पुनः २०५१ को मध्यावधि निर्वाचनमा सर्लाहीबाटै चुनाव जितेपछि मन्त्री भएका थिए ।

हिमशिखर बहुउद्देश्यीय सहकारी लिमिटेडद्वारा कैलारी गाउँपालिकामा डस्टबिन वितरण

Posted on by The Everest Post

पश्चिम टुडे, पुष २४, धनगढी ।  हिमशिखर बहुउद्देश्यीय सहकारी संस्था लिमिटेडको १८औँ वार्षिकोत्सवको अवसरमा संस्थाको सामाजिक उत्तरदायित्व अन्तर्गत कैलारी गाउँपालिकामा सरसफाइ प्रवर्द्धन गर्ने उद्देश्यले डस्टबिन वितरण गरेको छ ।
कार्यक्रममा कैलारी गाउँपालिकाका अध्यक्ष राज समझ चौधरी, वडा न। ७ का अध्यक्ष दिपेन्द्र बहादुर बम,  हिमशिखर बहुउद्देश्यीय  सहकारी संस्थाका अध्यक्ष रोशन सिह, उपाध्यक्ष बिमल कुमार जोशी, सचिव तिलक बहादुर बोहरा, कोषाध्यक्ष श्याम बहादुर बिष्ट संचालक समितिका पदाधिकारी, मुख्य कार्यालयका व्यवस्थापक महेन्द्र शाही र अन्य कर्मचारी तथा स्थानीयवासीहरूको उल्लेखनीय उपस्थिति रहेको थियो।
यस कार्यक्रमबाट स्वच्छ, सफा तथा स्वस्थ वातावरण निर्माणमा सहयोग पुग्ने विश्वास लिइएको छ।संस्थाले वातावरण संरक्षण तथा सरसफाइ प्रवर्द्धन गर्ने उद्देश्यले गाउँपालिकाका विभिन्न सार्वजनिक स्थानमा डस्टबिन वितरण गरेको हो।
कार्यक्रममा बोल्दै संस्थाका अध्यक्ष रोशन सिंहले स्वच्छ र सफा वातावरण निर्माणमा सहकारीको भूमिका महत्वपूर्ण रहेको बताउनुभयो।
संंस्थाका धनगढी शाखा, अत्तरिया, बढैपुर, हसुलिया शाखामा पनि वार्षिकोत्सब कार्यक्रम मनाईएको प्रमुख प्रशासन मोहन सिंंहले पश्चिम टुडेलाई जानकारी दिए ।

बरु विष पिउँछु, पार्टी फुट्न दिन्नँ : गगन थापा

Posted on by The Everest Post

काठमाडौं । नेपाली कांग्रेसका महामन्त्री गगनकुमार थापाले जुनसुकै अवस्थामा पार्टी एकता कायम राख्ने बताएका छन् । साँच्चिकै अप्ठेरो अवस्था आए विष पिएर भए पनि एकता कायम राख्ने उनको भनाइ छ ।

कांग्रेस नेता डा. चन्द्र भण्डारी र डा. सुनील शर्मासँगको संवादको क्रममा महामन्त्री थापाले यस्तो बताएका हुन् ।

‘तपाईंहरूलाई साक्षी राखेर देशभरका कार्यकर्ता र शुभचिन्तकलाई आश्वस्त बनाउन चाहन्छु, पार्टी फुट्दैन । कसैले चाहेर पनि पार्टी फुट्दैन,’ उनले भनेका छन्, ‘साँच्चिकै अप्ठेरो अवस्था आयो भने त बरु विषय पिउँछु नि म । बरु आफूले विष पिएर भए पनि यसको एकता जोगाइराख्नेछु ।’

थापाले जेनजी आन्दोलनपछिको अवस्थामा नौजवानहरूले नेपाली कांग्रेसमाथि प्रशस्तै प्रश्न उठाइरहेको तर, तिनीहरूलाई चित्तबुझ्दो जवाफ दिन नसकिएको बताए ।

‘हाम्रो प्रयास भनेको पार्टीलाई सान्दर्भिक बनाइराखौं भन्ने हो । नौजवानका भावनालाई सम्बोधन नगर्ने हो भने पार्टी मृत बन्छ । त्यसैले जीवन्त पार्टी बनाउन खोजेका हौं,’ उनले भने ।

विघटित प्रतिनिधिसभाका सदस्यसमेत रहेका तीन नेताबीच पार्टीको आन्तरिक जीवनबारे छलफल भएको थियो ।

डा. भण्डारीले यतिबेला नेपाली कांग्रेसलाई संसारभर रहेका नेपाली जनताले चासो र चिन्ताका साथ हेरिरहेको भन्दै एकताको सन्देश दिनुपर्ने बताए ।

‘जेनजी आन्दोलनपछि नेता–कार्यकर्ताको घर जलेका छन् । कार्यकर्ता निराश छन् । जेनजी आन्दोलनपछि पनि नेता किन परिवर्तन भएनौं भनिरहेका छन्,’ उनले भने, ‘जनतालाई सन्देश दिनुपर्नेछ, पार्टी हाम्रो हो । देश हाम्रो हो । जनता हाम्रा हुन् । प्रजातन्त्र हामीले ल्याएको हो । यो संविधान हामीले बनाएको हो । त्यसैले यसको संरक्षण र सुधारका निम्ति हामी राम्रो पार्टी बनाउँछौं भन्ने सन्देश दिनुपर्नेछ । दुई महामन्त्रीले अब पार्टीको नेतृत्व गर्दैछौं भनेर सन्देश दिनुस् ।’

पुस २७ र २८ गते दोस्रो विशेष महाविधेशन गर्ने कांग्रेसको घोषणा

Posted on by The Everest Post

काठमाडौँ- नेपाली कांग्रेसका विशेष महाधिवशेन पक्षधरले पुस २७ र २८ गते काठमाडौँमा विशेष महाधिवेशन गर्ने घोषणा गरेका छन् ।

महाधिवेशन पक्षधरले गठन गरेको सूचना प्रसार प्रसार उपसमितिले बुधबार काठमाडौँमा पत्रकार सम्मेलन गर्दै पुस २७ र २८ गते भृकुटी मण्डपमा विशेष महाधिवेशन गर्ने घोषणा गरेको हो ।

महाधिवेशन पक्षधररूको तर्फबाट सुवास पोखरेलले पत्रकार सम्मेलन गरी घोषणा गरेका हुन् ।

सुदूरपश्चिममा एमालेकी भण्डारीले गरिन् उम्मेदवारी दर्ता

Posted on by The Everest Post

कैलाली। राष्ट्रिय सभा निर्वाचनका लागि सुदूरपश्चिम प्रदेशमा नेकपा एमालेले उम्मेदवारी दर्ता गराएको छ ।

कांग्रेस र एमालेबीच भएको सहमतिअनुसार महिलातर्फ एमालेकी लिला भण्डारीले उम्मेदवारी दर्ता गराएकी हुन ।

भण्डारीले प्रदेश सभा सदस्य धर्मराज पाठकले प्रस्ताव र सन्तोष शर्मा थापाको समर्थनमा उम्मेदवार दिएको निर्वाचन अधिकृतको कार्यालयले जनाएको छ ।

यसअघि नेपाली कम्युनिस्ट पार्टी (नेकपा) का तर्फबाट महिलामा रोजी बस्नेत र अन्यमा टिकाराम जैशीले उम्मेदवारी दर्ता गराएका छन् ।

नेपाली कांग्रेसका खम्मबहादुर खातीले भने अन्यमा उम्मेदवारी दर्ता गर्ने तयारीमा छन् ।

सुदूरपश्चिममा नेकपाको उम्मेदवारी दर्ता

Posted on by The Everest Post

कैलाली- कांग्रेस र एमालेसँग सहमति नजुटेपछि नेपाली कम्युनिस्ट पार्टीले राष्ट्रिय सभा निर्वाचनमा एकल उम्मेदवारी दर्ता गरेको छ ।

सुदूरपश्चिममा रिक्त रहेको महिलातर्फ रोजी बस्नेत सुनार, पुरुषतर्फ टीकाराम जैशीले उम्मेदवारी दर्ता गरेका छन् ।

यस अघि कांग्रेसले खम्ब खाती र एमालेले लीला भण्डारीको नाम टुंगो लगाइसकेको छ । केही बेरमा एमाले कांग्रेसले पनि उम्मेदवारी दिने तयारी गरेको छ

अमेरिकाको भिसा आवेदन दिँदा धरौटी राख्नुपर्ने देशको सूचीमा नेपाल

Posted on by The Everest Post

काठमाण्डाै- अमेरिकाले नेपाललाई पनि भिसा लिँदा धरौटी अर्थात् ‘भिसा बन्ड’ राख्नुपर्ने देशहरूको सूचीमा राखेको छ ।

अमेरिकाको विदेश मन्त्रालयले जारी गरेको सूचनाअनुसार यही जनवरी २६ तारिखदेखि बी–वान, बी–टु अर्थात् पर्यटक वा व्यावसायिक भिसा लिने नेपालीले पनि ५ हजार, १० हजार वा १५ हजार अमेरिकी डलर धरौटी पेश गर्नुपर्ने छ ।

भिसाका लागि हुने अन्तर्वार्ताका क्रममा कन्सुलर अफिसरले व्यक्तिको अवस्था हेरेर धरौटीको रकम तय गर्नेछन् । धरौटी राख्दैमा भिसा जारी हुने सुनिश्चित भने हुँदैन ।

अमेरिकाले अहिलेसम्म ३८ देशका नागरिकका लागि धरौटी राख्नुपर्ने प्रावधान राखेको छ । जसमा दक्षिण एशियाका देशहरू बङ्गलादेश र भुटान पनि छन् ।

अमेरिकाको यात्रा गरेर निश्चित समयभित्र अमेरिकाबाट बाहिरिएपछि वा भिसा कायम रहेको अवधिभित्र अमेरिकाको यात्रा नगरेमा भिसावाहकको रकम फिर्ता हुन्छ । भिसा भएको तर अमेरिका प्रवेश गर्ने अनुमति नपाएको अवस्थामा पनि धरौटी फिर्ता हुन्छ ।

अमेरिकाले बी–वान/बी–२ भिसावाहकका लागि अमेरिका प्रवेश गर्न र बाहिरिनका लागि तीन वटा विमानस्थल पनि तोकेको छ । बस्टन लोगन अन्तर्राष्ट्रिय विमानस्थल (बीओएस), न्यूयोर्कमा रहेको जोनएफ केनडी अन्तर्राष्ट्रिय विमानस्थल (जेएफके) र वाशिङ्टनमा रहेको डलस अन्तर्राष्ट्रिय विमानस्थल (आईएडी) बाहेक अन्य विमानस्थल प्रयोग गरेर प्रवेश वा बहिर्गमनको अनुमति नहुने अमेरिकी विदेश मन्त्रालयले जनाएको छ ।

राष्ट्र बैंकले निष्कासन गर्‍यो २५ अर्बको बन्ड

Posted on by The Everest Post

 काठमाडौं – नेपाल राष्ट्र बैंकले बुधबार पनि २५ अर्ब रुपैयाँ बराबरको बन्ड निष्कासन गरेको छ । केन्द्रीय बैंकले वित्तीय प्रणालीको अधिक तरलतालाई दीर्घकालीन व्यवस्थापनका लागि बन्डको प्रयोग बढाएको हो ।

बैंकले मंगलबार मात्र २५ अर्बको सोही प्रकृतिको बन्ड निष्कासन गरेको थियो । त्यसअघि गत साता ३ पटक गरेर ७५ अर्ब रुपैयाँ बराबरको बन्ड निष्कासन गरेको थियो । मंगलबारको बन्ड सहित बैंकले वित्तीय प्रणालीको एक खर्ब तरलता खिचिसकेको छ ।

बैंकले बुधबार पनि अधिक तरलता खिच्नका लागि एक वर्षे अवधिको नेपाल राष्ट्र बैंक बन्ड नै जारी गरेको हो । बुधबार निष्कासन भएको सो बन्डमा लगानी गर्ने बैंक तथा वित्तीय संस्थाले अर्धवर्षिक रुपमा ब्याज पाउने राष्ट्र बैंकले जनाएको छ ।

‘नेपाल राष्ट्र बैंक ऋणपत्र २०८२ ङ’ नामको ऋणपत्रमा वाणिज्य बैंक, विकास बैंक र फाइनान्स कम्पनीले लगानी गर्न सक्छन् । बोलकबोल माध्यबाट ब्याजदर निर्धारण हुनेछ । मंगलबार निष्कासन भएको बण्डको कुपन रेट २.६९ कायम भएको छ ।

न्यूनतम ५ करोड र बढीमा ५ करोड रुपैयाँले निःशेष भाग जाने गरी कुल आह्वान रकमसम्म आवेदन गर्न सकिने उक्त ऋणपत्र बैंक तथा वित्तीय संस्थामा धितोका रूपमा प्रयोग गर्न सकिने छ । ऋणपत्रको स्वीकृत बोल रकम सम्बन्धित बोलवालाको लगानी पोर्टफोलियो हुने भएकाले उक्त रकमलाई अनिवार्य नगद मौज्दातमा गणना गर्न पाइने छैन ।

तर, यस बैंकको निर्देशन बमोजिम कायम राख्नुपर्ने वैधानिक तरलता अनुपात र खुद तरल सम्पत्ति अनुपातमा उक्त रकम गणना गर्न सकिने केन्द्रीय बैंकले जनाएको छ ।

ऋणपत्र निष्कासन मितिमा काउन्टरपार्टीको खातामा पर्याप्त मौज्दात नभए त्यस्ता काउन्टरपार्टीको स्वीकृत बोल रकम रद्द गरी त्यसको २.५० प्रतिशत दरले हर्जाना सहित ६ महिनासम्म खुला बजार कारोबार तथा ब्याजदर करिडोर अन्तर्गत कुनै पनि बोलकबोलमा सहभागी हुन बन्देज लगाइने केन्द्रीय बैंकले जनाएको छ ।

एमालेले टुंगो लगायो राष्ट्रिय सभाका ८ उम्मेदवार

Posted on by The Everest Post

काठमाडौं । नेकपा एमालेले राष्ट्रिय सभा निर्वाचनका लागि ८ जना उम्मेदवार टुंगो लगाएको छ । १८ सदस्यका लागि हुन लागेको निर्वाचनका लागि एमालेले ८ जनाको नाम टुंगो लगाएको हो ।

एमालेले कोशी प्रदेशमा रोशनी मेचे र सोम पोर्तेल, मधेश प्रदेशमा रेखा झा, बागमतीमा प्रेम दंगाल र गण्डकी प्रदेशमा सम्झना देवकोटालाई राष्ट्रिय सभा उम्मेदवार बनाउने भएको छ ।

यसैगरी एमालेले लुम्बिनीमा रामकुमारी झाँक्री, कर्णालीमा मीना रखाल र सुदूरपश्चिममा लिला भण्डारीलाई उम्मेदवार बनाउने निर्णय गरेको छ ।

आगामी माघ ११ गने हुने निर्वाचनका लागि आज मनोनयन दर्ता हुँदैछ । आजै मनोनयन दर्ता हुने भए पनि दलहरुबीच भागबन्डाको सहमति भइसकेको छैन ।

कांग्रेस, एमाले, नेपाली कम्युनिस्ट पार्टी र जनता समाजवादी, नेपालबीच सहमति गर्ने प्रयास भए पनि सफल भएको छैन । जसअनुसार एमाले-कांग्रेसलाई ७-७, नेकपालाई ३ र जसपा नेपाललाई एक सिट दिने गरी सहमति प्रयास भएको छ । सहमतिको प्रयास जारी रहेका बेला एमालेले उम्मेदवार छनोट गरेको जनाएको छ ।

कांग्रेसले टुंगो लगायो राष्ट्रियसभाका उम्मेदवार

Posted on by The Everest Post

काठमाडौं : नेपाली कांग्रेसले आगामी माघ ११ गते हुने राष्ट्रिय सभा निर्वाचनका लागि उम्मेदवारको टुंगो लगाएको छ। बुधबार बिहान बसेको कार्यसम्पादन समितिको बैठकले ९ उम्मेदवारको टुंगो लगाएको कांग्रेस नेता मीनबहादुर विश्वकर्माले जानकारी दिए।

जसअनुसार कोशी प्रदेशबाट सुनिल बहादुर थापा,मधेश प्रदेशबाट धमेन्द्र पासवान र रञ्जित कर्ण,बागमती प्रदेशबाट गीता देवकोटा,गण्डकी प्रदेशबाट जगत तिमल्सिना,लुम्बिनी प्रदेशबाट बासुदेव जंगली र चन्द्रबहादुर केसी,कर्णाली प्रदेशबाट ललितबहादुर शाही र सुदूरपश्चिम प्रदेशबाट खम्मबहादुर खाता उम्मेदवार बनेका हुन्।

राष्ट्रिय सभा निर्वाचनमा कांग्रेस, नेकपा एमाले र जसपा नेपालबीच तालमेल सहमति भएको छ। जसअनुसार कांग्रेसले ९ सिट र एमालेले ८ सिट पाएका छन्। सिट संख्यामा सहमति जुट्न नसकेपछि माओवादी भने राष्ट्रिय सभा गठबन्धनबाट बाहिरिएको छ।

उम्मेदवारहरूले आजै उम्मेदवारी दर्ता गराउँदैछन्।

खोज्नुहोस