Author: The Everest Post

झापा : प्रतिनिधिसभा निर्वाचन अन्तर्गत झापा क्षेत्र–५ को जारी मत गणना अनुसार राष्ट्रिय स्वतन्त्र पार्टी ९रास्वा० उम्मेदवार बालेन (बालेन्द्र) शाहले मतान्तर झन फराकिलो बनाउँदै लगेका छन् । घण्टी चुनाव चिन्हमा उम्मेदवार बालेनले अहिलेसम्म ३४ हजार ८६३  मत प्राप्त गरेका छन्।

उनका मुख्य प्रतिष्पर्धी पूर्व प्रधानमन्त्री समेत रहेका नेकपा एमालेका अध्यक्ष केपी शर्मा ओलीले ९ हजार ६८ मत ल्याएका छन् । बालेन र ओलीबीचको मतान्तर २५ हजार ७९५ रहेको छ ।

यस्तै श्रम सँस्कृति पार्टीका समिर तामाङले ५,६४५, नेपाली कांग्रेसकी मन्धरा चिमोरियाले ९७४, नेपाली कम्युनिष्ट पार्टी (नेकपा) का रञ्जित तामाङले ८६२ र राप्रपाका लक्ष्मी संग्रौलाले ७७९मत प्राप्त गरेका छन् ।

२३ फागुन, काठमाडौं । बाँके क्षेत्र नम्बर ३ मा राष्ट्रिय स्वतन्त्र पार्टीका खगेन्द्र सुनार निर्वाचित भएका छन् । सुनारले २९ हजार ५५१ मत प्राप्त गरेका छन् । उनका नजिकका प्रतिस्पर्धीले एमालेका सुमन मल्लले १९६१५ मत पाएका छन् ।

नेपाली कांग्रेसका अमर सिंह पुनले १३ हजार २१५ मत प्राप्त गरेका छन् । नेपाली कम्युनिस्ट पार्टीका दिपककुमार गौरी मगरले ३ हजार ७७४ मत पाएका छन् ।

काठमाडौं : नेपाली कांग्रेसका महामन्त्री प्रदीप पौडेल पराजित भएका छन्। प्रतिनिधि सभाको निर्वाचन अन्तर्गत काठमाडौं-५ प्रतिनिधिसभा उम्मेदवार दिएका रास्वपाका सस्मित पोखरेलसँग भारी मतले पराजित भएका हुन्।

राष्ट्रिय स्वतन्त्र पार्टीका पोखरेल ३०,७३७ मत प्राप्त गर्दा कांग्रेसका महामन्त्री पौडेलले ९,१५९ मत मात्र प्राप्त गरेका हुन्। पोखरेल २१,५७८ मतान्तरले निर्वाचित भएका छन्।

विशेष महाधिवेशनमार्फत महामन्त्रीमा पौडेल निर्वाचित भएका थिए। कांग्रेसले २.० को घोषणा गरेर अगाडि बढेपनि मत परिणामा कुनै प्रभाव परेको देखिएन।

नेपाल कम्युनिष्ट पार्टी (एकीकृत मार्क्सवादी लेनिनवादी) का उम्मेदवार इश्वर पोखरेलले ४,७०१ मत ल्याएका छन्। पौडेलले अघिल्लो निर्वाचनमा इश्वर पोखरेललाई जितेर सांसद हुँदै मन्त्री बनेका थिए।

काठमाडौं । मोरङ क्षेत्र नम्बर ६ मा राष्ट्रिय स्वतन्त्र पार्टी (रास्वपा) की उम्मेदवार रुबिना आचार्य विजयी भएकी छिन् ।

उनी ५५ हजार ५१३ मतसहित विजयी भएकी हुन् । उनका निकटतम प्रतिस्पर्धी डा. शेखर कोइरालाले १२ हजार ८५० मत प्राप्त गरेका छन् ।

त्यस्तै, एमालेका बिनोद ढकालले ८ हजार ३१७ मत प्राप्त गरेका छन् । श्रम संस्कृति पार्टीका मात्रिका पौडेलले भने ३ हजार ४ सय मत प्राप्त गरेका छन् ।

काठमाण्डौ– प्रतिनिधिसभा सदस्य चुनावको मतगणना अन्तर्गत अहिलेसम्म २१ वटा निर्वाचन क्षेत्रको अन्तिम नतिजा सार्वजनिक भएको छ । निर्वाचन आयोगको पछिल्लो विवरण अनुसार राष्ट्रिय स्वतन्त्र पार्टी (रास्वपा)१४ क्षेत्रमा विजयी भएको छ । नेपाली कांग्रेसले ४, नेपाली कम्युनिष्ट पार्टी(नेकपा)ले २ क्षेत्र र एमालेले १ क्षेत्र जीतेको छ ।

रास्वपा

१। रुविना आचार्य स् मोरङ ६ मा विजयी हुँदा कांग्रेसका डा। शेखर कोइराला पराजित भएका छन् । आचार्यले ५५ हजार ५१३ मत ल्याउँदा कोइरालाले १२ हजार ८५० मत मात्रै ल्याएका छन् ।
२। डीपी अर्याल स् काठमाण्डौ ९ मा ३५ हजार ९३ मत ल्याएर विजयी भएका छन् । कांग्रेसकी नानुमाया बास्तोलाले ५ हजार ४६० मत ल्याए।
३। मनिष झा– धनुषा ३ मा विजयी हुँदा कांग्रेसका विमलेन्द्र निधि पराजित भएका छन्  । झाले ४३ हजार १४२ र निधिले १५ हजार ९९२ मत ल्याए।
४। सन्तोष राजवंशी– मोरङ ४ मा विजयी हुँदा कांग्रेसका गुरुराज घिमिरे पराजित भए। राजवंशीले ४० हजार ८३३ मत ल्याउँदा घिमिरेले १२ हजार ८१८ मत ल्याए।
५। बिना गुरुङ – कास्की ३ मा विजयी हुँदा कांग्रेसका मनोज गुरुङ पराजित भए । बिनाले ३७ हजार ७५० मत ल्याउँदा मनोजले १२ हजार ७८० मत ल्याए ।
६। प्रदीप बिष्ट – काठमाण्डौ १० मा विजयी हुँदा कांग्रेसका हिमाल कार्की पराजित भएका छन्  । बिष्टले ३७ हजार ४६९ र कार्कीले ८ हजार १०० मत ल्याए।
७। उत्तम प्रसाद पौडेल – कास्की २ मा विजयी हुँदा एमालेका रश्मि आचार्य पराजित भए। पौडेलले ३१ हजार ९११ र आचार्यले ७ हजार ४९३ मत ल्याए।
८। सस्मित पोखरेल – काठमाण्डौ ५ मा विजयी हुँदा कांग्रेसका प्रदीप पौडेल र एमालेका ईश्वर पोखरेल पराजित भए। पोखरेलले ३० हजार ७३७ मत ल्याउँदा पौडेलले ९ हजार १५९ र पोखरेलले ४ हजार ७०१ मत ल्याए ।
९। पुकार बम – काठमाण्डौ ४ मा विजयी हुँदा कांग्रेसका सचित तिमल्सिेना र एमालेका राजन भट्टराई पराजित भए । पुकारले २९ हजार २४२, सचिनले ८ हजार ८२४ र भट्टराईले ५ हजार ७३३ मत ल्याए।
१०। गणेश पराजुली – काठमाण्डौ ७ मा २७ हजार ८०५ मत ल्याएर विजयी भएका छन्  ।
११। राजुनाथ पाण्डे – काठमाडौ–३ मा विजयी हुँदा उज्यालो नेपाल पार्टीका अध्यक्ष कुलमान घिसिङ पराजित भए। रास्वपाका पाण्डेले १८ हजार ७५७ मत ल्याएर विजयी हुँदा घिसिङले ११ हजार १७१ मत ल्याए।
१२। विराजभक्त श्रेष्ठ – काठमाण्डौ–८ बाट विजयी भएका छन्  । उनले २४ हजार ५९२ मत प्राप्त गरे। उनका निकटतम प्रतिस्पर्धी नेपाली कम्युनिष्ट पार्टी(नेकपा) का सुमन सायमीले ३ हजार २१७ मत ल्याए।
१३। शिशिर खनाल – काठमाण्डौ–६ बाट विजयी भएका छन् । खनालले २७ हजार ७१९ मत ल्याएर विजयी हुँदा उनका निकटतम प्रतिस्पर्धी नेपाली कांग्रेसका कृष्ण बानियाँ क्षेत्रीले ६ हजार ६४७ मत पाए ।
१४। रञ्जु न्यौपाने (दर्शना) – काठमाण्डौ १ बाट १५ हजार ४ सय ५५ मतसहित विजयी भए। उनका प्रतिस्पर्धी नेपाली कांग्रेसका प्रबल थापाले ६ हजार ३६४ मत ल्याउनु प्राप्त गरे।

कांग्रेस
१। दैलेख १ मा बासना थापा १२ हजार ३७२ मत ल्याएर विजयी भएका छन् । निकटम प्रतिष्पर्धी एमालेका रविन्द्रराज शर्माले ११ हजार ७९६ मत ल्याए ।
२। रसुवा १ मा मोहन आचार्य १० हजार ६५६ मत ल्याएर विजयी भएका छन्  । निकटम प्रतिष्पर्धी रास्वपाका बसन्त भट्टले ५ हजार ५७१ मत ल्याए ।

३। मुस्ताङबाट योगेश गौचन थकाली ३ हजार ३०७ मत ल्याएर विजयी भएका छन्  । प्रतिस्पर्धी एमालेका ईन्द्रधार विष्टले एक हजार ८०३ मत प्राप्त गरे ।

४। मनाङबाट टेकबहादुर गुरुङ २ हजार ४१५ मतसहित विजयी हुँदा उनका प्रतिस्पर्धी नेकपाकी एशोदा गुरुङ (सुवेदी)ले ४५४ मत ल्याए ।

नेकपा
१। कालिकोटबाट महेन्द्रबहादुर शाहीले ११ हजार ३३८ मत ल्याएर विजयी भएका छन्  । प्रतिष्पर्धी एमालेका नगीन्द्र शाहीले १० हजार ३५२ मत ल्याए ।
२। रुकुम पूर्वबाट नेपाली कम्युनिष्ट पार्टी (नेकपा)का संयोजक एवं पूर्वप्रधानमन्त्री पुष्पकमल दाहाल ‘प्रचण्ड’ विजयी भएका छन् । उनले १० हजार २४० मत प्राप्त गरी विजयी भएका हुन् । उनका प्रतिस्पर्धी एमालेका लीलामणि गौतमले ३ हजार ४६२ मत प्राप्त गरे ।

एमाले
१। बाँके २ बाट मोहम्मद इस्तियाक राईले २४ हजार ६४७ मत ल्याएर विजयी भएका छन् । प्रतिष्पर्धी रास्वपाका विवेककुमार श्रेष्ठले १८ हजार ६७९ मत ल्याए।

कास्की : कास्की क्षेत्र नं ३ मा राष्ट्रिय स्वतन्त्र पार्टी (रास्वपा)की उम्मेदवार बिना गुरुङ विजयी भएकी छन्।  गुरुङले ३७,७५० मत पाएर विजयी भएकी छन्।

उनका निकटतम प्रतिद्वन्दी नेपाली कांग्रेस मनोज गुरुङले १२,७८० मत ल्याए। त्यस्तै नेकपा एमालेका उम्मेदवार दामोदर पौडेलले ७,९०६ मत प्राप्त गरे।

२२ फागुन, झापा । झापा क्षेत्र नम्बर ५ मा रास्वपाका उम्मेदवार बालेन शाहले आफ्नो अग्रता कायमै राखेका छन् ।

पछिल्लो विवरण अनुसार, रास्वपाका उम्मेदवार शाहले १८ हजार ८४३ मत प्राप्त गरेका छन् ।

दोस्रोमा नेकपा एमालेका उम्मेदवार केपी शर्मा ओलीले ४४४२ मत प्राप्त गरेका छन् ।

ओलीभन्दा बालेन १४ हजार ४ सय १ मतले अघि छन् ।

तेस्रो स्थानमा रहेको श्रम संस्कृति पार्टीका उम्मेदवार समीर तामाङले २०९१ मत प्राप्त गरेका छन् ।

नेपाली कम्युनिस्ट पार्टीका उम्मेदवार रन्जित तामाङ ४९६ मत प्राप्त गरेका छन् ।

काठमाडौं । काठमाडौं क्षेत्र नम्बर १० मा राष्ट्रिय स्वतन्त्र पार्टीका उम्मेदवार विजयी भएका छन् । ३७ हजार ४६९ मतसहित रास्वपाका प्रदीप विष्ट विजयी भएका हुन् ।

दोस्रोमा नेपाली कांग्रेसका हिमाल कार्की छन् । उनले ८,१०० मत ल्याएका छन् । त्यस्तै, नेकपा एमालेका उम्मेदवार विनोद श्रेष्ठ ४,८६४ मतसहित तेस्रो स्थानमा छन् ।

काठमाडौं । काठमाडौं क्षेत्र नम्बर ७ मा रास्वपाका गणेश पराजुली विजयी भएका छन् । पराजुलीले २७,८०५ मतसहित विजयी भएका हुन् ।

नेपाली कांग्रेसका प्रमोदहरि गुरागाईं ३९८२ मत ल्याएर दोस्रो स्थानमा रहँदा पराजुलीले जित हासिल गरेका हुन् ।

सुर्खेत । कालिकोटमा नेपाली कम्युनिस्ट पार्टी (नेकपा) का महेन्द्रबहादुर शाही विजयी भएका छन् ।

उनी ११ हजार ३३८ मतसहित निर्वाचित भएका कालिकोटका मुख्य निर्वाचन अधिकृत कुलप्रसाद दाहालले रातोपाटीलाई बताए । यहाँ नेकपा एमालेका नगिन्द्र शाही निकटम प्रतिद्वन्द्वी बने । नगिन्द्रले १० हजार ३ सय ५२ मत ल्याए । त्यस्तै नेपाली कांग्रेसले हर्षबहादुर शाहीले ७ हजार १३३ मत पाए ।

काठमाडौं । राष्ट्रिय स्वतन्त्र पार्टीले कुनै किसिमको विजय र्‍याली नगर्ने भएको छ ।

निर्वाचन हुनुको पृष्ठभूमिमा भएको जेनजी आन्दोलन र मध्यपूर्वको घटनालाई ध्यानमा राख्दै रास्वपाले विजय उत्सव नमनाउने भएको हो ।

रास्वपा उपसभापति डिपि अर्यालले आफ्ना उम्मेदवारलाई एक भिडियो सन्देश जारी गर्दै अबिरजात्रा र र्‍याली नगर्न भनेका हुन् ।

रास्वपा सभापति रवि लामिछाने र वरिष्ठ नेता बालेन शाहको निर्देशन रहेकाले अब मतदाताको म्यान्डेट अनुसार काम गरेपछि विजयी र्याली मनाउने अर्यालले बताएका छन् ।

‘यसपटकको निर्वाचन आउनुमा हाम्रा साना नानीबाबु, जेनजी उमेरसमूहका छोराछोरीले ज्यान गुमाएको पिडा अझै सेलाएको छैन,’ अर्यालले भनेका छन्, ‘साथै सबै नेपालीले सुशासन र भ्रष्टाचारको अन्त्य होस् भन्नुभएको कुरा पनि याद गर्नुपर्छ । सँगसँगै मध्यपुर्वमा भएको घटनालाई पनि याद गर्नुपर्छ । त्यसैले अबिरजात्रा गर्ने मुडमा हामी छैनौं ।’

आफूहरूलाई काम गर्नका लागि जनताले यो उल्लेख्य मत दिएको बताउँदै अर्यालले जनताले दिएको म्यान्डेट पूरा भएपनि जनताको घरदैलोमा पुगेर धन्यवाद ज्ञापन गर्ने पनि बताए ।

‘यो मत हामीलाई जनताले काम गर्नु भनेर दिनुभएको म्यान्डेट हो । त्यो पुरा गरेपछि यहाँहरुसँग घरदैलोमा अबिरजात्रा गर्ने दिन त आइनै हाल्छ । सबैभन्दा पहिला हामीले काम गर्नुपर्नेछ,’ अर्यालले भनेका छन् ।

पोखरा । कास्की क्षेत्र नम्बर २ मा राष्ट्रिय स्वतन्त्र पार्टी(रास्वपा) उम्मेदवार उत्तमप्रसाद पौडेलको जित सुनिश्चित भएको छ । ५२ हजार ७३६ मत खसेकोमा हालसम्म ४१ हजार ५४१ सदर मत गणना भएको छ । यस्तै एक हजार ५७२ मत बदर भएको छ ।

अब ११ हजार १९५ मत गन्न बाँकी हुँदा रास्वपा उम्मेदवार पौडेल १८ हजार ८१७ मतान्तरले अगाडि छन् । उत्तमले २५ हजार १३७ मत ल्याउँदा निकटतम प्रतिद्वन्द्वी नेकपा एमालेका रश्मी आचार्यले ६ हजार ३२० मत ल्याएका छन् ।

नेपाली कांग्रेसका माधवप्रसाद बास्तोला तेस्रो हुँदै ४ हजार ६६९ मत ल्याएका छन् । नेपाली कम्युनिष्ट पार्टीका हेमबहादुर थापा पराजुलीले एक हजार १०७ मत ल्याउँदा राप्रपाका उम्मेदवार हेमजङ गुरुङले एक हजार २५८ मत ल्याएका छन् ।

उज्यालो नेपाल पार्टीका कुशल गुरुङले ९२७ मत प्राप्त गरेका छन् । निर्वाचन आयोगले गणना सकेर मतपरिणाम घोषणा गर्ने तयारी गरेको छ ।

कास्की-२ मा अघिल्ला निर्वाचनहरूमा एमालेले जित्दै आएको थियो । रास्वपा सभापति रवि लामिछानेसँगै टेलिभिजनमा काम गरेका पौडेलले यसपटक एमालेको विरासत तोड्दै संसद्को यात्रा तय गरेका छन् ।

प्रतिनिधि सभा निर्वाचन २०८२ अन्तर्गत रसुवा निर्वाचन क्षेत्र नम्बर १ मा नेपाली कांग्रेसका उम्मेदवार मोहन आचार्य भारी मतका साथ विजयी भएका छन्। अन्तिम मत परिणाम अनुसार आचार्यले १० हजार ६ सय ४५ मत प्राप्त गर्दै आफ्नो जित सुनिश्चित गरेका हुन्।

उनका निकटतम प्रतिद्वन्द्वी राष्ट्रिय स्वतन्त्र पार्टीका बसन्त भट्टले ५ हजार ५ सय ७१ मत प्राप्त गरेका छन्। त्यस्तै, नेकपा एमालेका उम्मेदवार प्रेम बहादुर तामाङ ४ हजार ६ सय ८८ मतका साथ तेस्रो स्थानमा रहेका छन्। उज्यालो नेपाल पार्टीका मान बहादुर तामाङले १ हजार ४ सय ५३ मत प्राप्त गरेका छन्।

काठमाडौँ । काठमाडौँ निर्वाचन क्षेत्र नम्बर ३ मा उज्यालो नेपाल पार्टीका अध्यक्ष कुलमान घिसिङ पराजित भएका छन्। बिहीबार सार्वजनिक अन्तिम मतपरिणाम अनुसार राष्ट्रिय स्वतन्त्र पार्टी (रास्वपा) का उम्मेदवार राजुनाथ पाण्डेले घिसिङलाई भारी मतान्तरले पराजित गर्दै जित हात पारेका हुन्।

निर्वाचन अधिकृत चमिला भट्टराईका अनुसार विजयी पाण्डेले १८ हजार ७५७ मत प्राप्त गर्दा उनका निकटतम प्रतिद्वन्द्वी घिसिङले ११ हजार १७१ मत मात्रै ल्याउन सके। राजुनाथ पाण्डेले कुलमानलाई ७ हजार ५८६ मतको अन्तरले पछि पारेका हुन्।

निर्वाचनमा पराजय भोगेपछि उज्यालो नेपालका अध्यक्ष घिसिङले सामाजिक सञ्जाल फेसबुकमार्फत आफ्नो प्रतिक्रिया दिँदै विजयी पाण्डेलाई बधाई तथा सफल कार्यकालको शुभकामना दिएका छन्। उनले चुनावी परिणाम जे जस्तो भए पनि आफू पछि नहट्ने संकेत गरेका छन्।

घिसिङले आफूलाई मतदान गर्ने मतदाताप्रति आभार प्रकट गर्दै सुशासन, समृद्धि र उज्यालो नेपाल निर्माणको अभियानमा आगामी दिनमा अझ बढी सक्रिय रहने प्रतिबद्धता जनाएका छन्।

आफ्ना नेता, कार्यकर्ता र समर्थकहरूलाई धन्यवाद दिँदै घिसिङले जनताको माया र विश्वास नै आफ्नो लागि मुख्य प्रेरणाको स्रोत रहेको उल्लेख गरेका छन्। उनले आगामी दिनमा देश र जनताको सेवामा थप जिम्मेवार भएर लाग्ने र समृद्ध नेपाल निर्माणको यात्रालाई निरन्तरता दिने उद्घोष समेत गरेका छन्।

काठमाडौं  : काठमाडौं क्षेत्र नं ३ मा उज्यालो नेपालका अध्यक्ष कुलमान घिसिङ पराजित भएका छन्। उक्त क्षेत्रबाट राष्ट्रिय स्वतन्त्र पार्टीका उम्मेदवार राजुनाथ पाण्डे विजयी भएका छन्।

उनले १८ हजार ७५७ मत ल्याएर विजयी भएका हुन्। उनका निकटतम प्रतिद्वन्द्वी घिसिङले ११ हजार १७१ मत ल्याए। त्यस्तै कांग्रेसका रमेश अर्यालले ६ हजार र एमालेका रामेश्वर फुयालले ३ हजार ८१६ मत ल्याए।