Author: The Everest Post

काठमाडौं : संघीय संसदअन्तर्गतको प्रतिनिधिसभाको सार्वजनिक लेखा समितिको सभापतिमा नेपाली कांग्रेसका सांसद भरतबहादुर खड्का निर्वाचित भएका छन्।

समितिको सभापति पदमा खड्कालाई  निर्वाचित गरियो भन्ने एक मात्रै प्रस्ताव परेपछि उनी निर्विरोध निर्वाचित भएका हुन्। सभापति पदका लागि कांग्रेस सांसद खड्काले बिहीबार मनोनयन दर्ता गराएका थिए।

काठमाडौं : प्रतिनिधिसभाका सभामुख डोलप्रसाद अर्यालले संसदलाई गतिशील र प्रभावकारी बनाउन नयाँ नजीरहरू स्थापित गर्दै जानुपर्ने बताएका छन्। शुक्रबार सिंहदरबारमा संसदीय रिपोर्टिङ गर्ने पत्रकारहरूसँगको अन्तक्रियामा सभामुख अर्यालले विगतका अव्यवहारिक नजीरहरूलाई छाड्दै नयाँ पुस्ताको अपेक्षा र प्रविधिको विकाससँगै संसदलाई गतिशील र प्रभावकारी बनाउन नयाँ नजीरहरू स्थापित गर्दै जानुपर्ने बताएका हुन्।

उनले देश र समाजको अपेक्षा र आवश्यकता अनुसार संसदलाई अघि बढाइने उल्लेख गरे । सभामुख अर्यालले विधेयक ड्राफ्ट गर्नुभन्दा अगाडि सरोकारवालासँगको छलफललाई प्राथमिकतामा राख्नुपर्नेमा जोड दिए । उनले यसैपटकदेखि संसदको बजेट अधिवेशनलाई फरक ढंगले अघि बढाउन आफूले काम गरिरहेको जानकारी दिए । सभामुख अर्यालले संसदले विधि,प्रक्रिया, कानुन, संविधानलाई पालना गर्दै कमिकमजोरी नहुने गरि छिटोछरितो ढंगबाट काम गर्ने प्रक्रियालाई अवलम्वन गरिने धारणा राखे।

उनले देशका हरेक नागरिकले आफ्नो सरकार भएको अपनत्व गर्ने गरि काम गर्नुपर्नेमा समेत जोड दिए । सभामुख अर्यालले नयाँ संसद भवनको निर्माण कार्य छिटै सम्पन्न हुने विश्वास व्यक्त गर्दै हाल समाचार संकलनका क्रममा देखिएका समस्याहरू हल गर्दै जाने प्रतिवद्धता जनाए।

काठमाडौं- प्रधानमन्त्री बालेन्द्र शाह (बालेन)ले आफूविरुद्ध दर्ता भएको अदालतको अवहेलना मुद्दामा वारेस अनुमतिमा सर्वोच्च अदालतमा दिएको निवेदनमाथि सुनुवाइ सकिएको छ ।

शुक्रबार (वैशाख ४) सर्वोच्चका न्यायाधीश हरिप्रसाद फुयाल र शान्तिसिंह थापाको इजलासमा सुनुवाइको पेसी तय भएको थियो । प्रधानमन्त्री बालेनका तर्फबाट सुनुवाइ सकिएर आदेशको तयारी भइरहेको छ ।

बालेन अवहेलना मुद्दामा तीन वर्षदेखि अदालती तारिखमा धाइरहेका छन् । यो मुद्दामा सर्वोच्चका न्यायाधीशद्वय ईश्वरप्रसाद खतिवडा र हरि फुयालको संयुक्त इजलासले यसअघि बालेनको मागअनुसार तारिखका लागि वारेस राख्न अनुमति दिन अस्वीकार गरेको थियो ।

सर्वोच्चले यसअघि बालेनले ‘वारेस’ राख्न मागसहित दिएको निवेदनमा आदेश दिँदै भनेको छ, “विषयवस्तुको गम्भीरताअनुसार निज प्रतिवादी बालेन्द्र शाहलाई यस अपहेलना मुद्दामा तारिखमा राखी पुर्पक्ष गर्नु आवश्यक भएकाले निज स्वयंलाई तारिखमा राखी मुद्दामा पुर्पक्ष गर्नू ।”

सर्वोच्चले मुद्दाको तारिखमा स्वयम् हाजिर हुन भनेका कारण बालेन आफैँ सर्वोच्चमा उपस्थित हुँदै आएका छन् । उच्च अदालत पाटनले सिनेमा हल सञ्चालकलाई हिन्दी फिल्म नरोक्न महानगरविरुद्ध अन्तरिम आदेश जारी गरेपछि त्यतिबेला मेयर रहेका बालेनले कडा अभिव्यक्ति दिएका थिए ।

सामाजिक सञ्जालमार्फत् छिमेकी मित्रराष्ट्रसँग अदालत र सरकारलाई जोडेर आपत्तिजनक लाञ्छना लगाएको जिकिरसहित अधिवक्ता वर्षाकुमारी झाले अवहेलना मुद्दा दर्ता गरेकी थिइन् ।

बालेनले फेसबुकमा “सजाय भोग्न तयार छु, तर फिल्म चल्दैन र चल्न दिइनेछैन” भन्दै स्टाटस लेखेका थिए । बालेनले अदालतको आदेश नमान्ने घोषणा गरेको दाबीसहित उनीमाथि कारबाहीका लागि अधिवक्ता झाले अवहलेना मुद्दा दिएकी हुन् ।

०८० असार ७ गते सामाजिक सञ्जाल फेसबुकमार्फत यस्तो अभिव्यक्ति दिएको दाबी अधिवक्ता झाको छ । बालेनको त्यो अभिव्यक्तिले कानुनी विवादको रुप लिएको हो । निवेदनमा न्याय प्रशासन ऐन, ०७३ को दफा १७ र सर्वोच्च अदालत नियमावली, ०७४ को नियम ५९ बमोजिम अदालतको अवहेलनाजन्य कसुरमा हदैसम्मको सजाय गर्न माग छ ।

कानुन र अदालतको फैसलालाई अक्षरस पालना गर्ने/गराउने सार्वजनिक ओहदामा बसेको व्यक्तिले सामाजिक सञ्जालमा दिएको अभिव्यक्ति ‘क्षमायोग्य’ नरहेका दाबी अधिवक्ता झाको छ ।

प्रधानमन्त्री बालेन्द्र शाह (बालेन) ले प्रदेशका मुख्यमन्त्रीहरूसँग छलफल गरेका छन् । बिहीबार दिउँसो प्रधानमन्त्री तथा मन्त्रिपरिषद् कार्यालयमा उनले मुख्यमन्त्रीहरूसँग छलफल गरेका हुन् ।

छलफलमा पाँच वटा प्रदेशका मुख्यमन्त्रीहरू सहभागी भएका छन् ।

मधेस, बागमती, गण्डकी, लुम्बिनी र कर्णालीका मुख्यमन्त्री छलफलमा सहभागी भएका हुन् ।

कोशीका मुख्यमन्त्री हिक्मत कार्की मातृशोकमा रहेको र सुदूरपश्चिमका मुख्यमन्त्री कमलबहादुर शाह उपचारका लागि देशबाहिर रहेकाले छलफलमा सहभागी भएनन् ।

काठमाडौं- प्रधानमन्त्री बालेन्द्र शाह (बालेन) सातवटै प्रदेशका मुख्यमन्त्रीहरूसँग छलफलमा जुटेका छन् । केही बेरअघिदेखि सिंहदरबारस्थित प्रधानमन्त्री तथा मन्त्रिपरिषद्को कार्यालय छलफल सुरु भएको हो ।

बैठक  विकास निर्माणका कार्यलाई तीव्रता दिने, स्रोत–साधनको समुचित बाँडफाँट सुनिश्चित गर्ने तथा प्रदेशहरूले भोगिरहेका विभिन्न प्रशासनिक र आर्थिक समस्याहरू समाधान गर्ने विषयमा केन्द्रित रहने प्रधामन्त्री कार्यालयले जनाएको छ ।

बालेनले यसअघि सबै दलका प्रत्यक्ष र समानुपातिकतर्फका सांसदहरूसँग क्षेत्रगत समस्याको विषयमा छलफल गरेका थिए ।

काठमाडौं । राष्ट्रिय प्रजातन्त्र पार्टी (राप्रपा)ले सातवटै प्रदेशमा चुनावी समीक्षा बैठक गर्ने भएको छ । राप्रपाको केन्द्रीय सचिवालयले प्रदेश कार्यसमितिसँगको परामर्शमा सबै प्रदेशमा हुने बैठकको मिति तय गरेको छ ।

पार्टी प्रवक्ता एवं प्रचार विभाग प्रमुख मोहनकुमार श्रेष्ठका अनुसार समीक्षा बैठक वैशाखको दोस्रो सातासम्म सम्पन्न हुनेछ । बैठकमा सम्बन्धित प्रदेश कार्यसमितिका अध्यक्ष, जिल्ला अध्यक्ष, क्षेत्रीय अध्यक्ष, प्रदेशसभा क्षेत्रीय अध्यक्ष, हालै सम्पन्न प्रतिनिधिसभा निर्वाचनका उमेदवार एवं जिल्ला निर्वाचन समितिका संयोजकहरूको सहभागिता रहनेछ ।

पार्टीको केन्द्रीय सचिवालयको आयोजनामा हुने सबै प्रदेशको समीक्षा बैठकमा अध्यक्ष राजेन्द्र लिङ्देन एवं केन्द्रीय पदाधिकारीहरू सहभागी हुने राप्रपाले जनाएको छ ।

काठमाडौँ । राष्ट्रिय स्वतन्त्र पार्टी (रास्वपा) का सांसदहरूले प्रतिनिधिसभाका विभिन्न विषयगत समिति र दुईवटा संयुक्त समितिको सभापति पदका लागि बिहीबार संघीय संसद् सचिवालयमा उम्मेदवारी दर्ता गराएका छन्।

कुल १२ वटा समितिमध्ये रास्वपाले ११ वटा समितिको नेतृत्वका लागि आफ्ना उम्मेदवारहरू अघि सारेको छ भने सार्वजनिक लेखा समितिमा प्रमुख प्रतिपक्षी दल नेपाली कांग्रेसलाई समर्थन गर्ने निर्णय गरेको छ।

सोही निर्णयअनुसार प्रतिनिधिसभाको कानुन, न्याय तथा मानवअधिकार समितिमा समीक्षा बास्कोटा, कृषि, सहकारी तथा प्राकृतिक स्रोत समितिमा अशोककुमार चौधरी, पूर्वाधार विकास समितिमा आशिष गजुरेल र महिला तथा सामाजिक मामिला समितिमा आकृति अवस्थीले उम्मेदवारी दर्ता गराएका छन्।

त्यसैगरी राज्य व्यवस्था तथा सुशासन समितिमा हरि ढकाल, शिक्षा, स्वास्थ्य तथा सूचना प्रविधि समितिमा ओजश्वी शेरचन, अर्थ समितिमा कृष्णहरि बुढाथोकी, उद्योग वाणिज्य र श्रम तथा उपभोक्ता हित समितिमा रहबर अन्सारी र अन्तर्राष्ट्रिय सम्बन्ध तथा पर्यटन समितिमा सुम्नीमा उदासले मनोनयन दर्ता गराएका छन्।

संयुक्त समितितर्फ संसदीय सुनुवाइ समितिको सभापतिमा बोधनारायण श्रेष्ठ र राज्यका निर्देशक सिद्धान्त, नीति र दायित्वको कार्यान्वयन अनुगमन तथा मूल्यांकन समितिमा गणेश कार्कीले उम्मेदवारी दिएका छन्।

रास्वपा संसदीय दलको बैठकले यी उम्मेदवारहरूको नाम टुङ्गो लगाएको हो भने समितिमा रहने सदस्यहरूको चयन यसअघि नै भइसकेको छ।

काठमाडौं- राष्ट्रिय स्वतन्त्र पार्टी (रास्वपा)को संसदीय दलको उपनेतामा गणेश पराजुली चयन भएका छन् । पराजुली दलको उपनेतामा चयन भएको रास्वपाका महामन्त्री तथा प्रमुख सचेतक कविन्द्र वुर्लाकोटीले जानकारी दिए ।

पराजुली काठमाडौंं–७ बाट निर्वाचित सांसद हुन् । ०७९ को निर्वाचनमा पनि उनी सोही क्षेत्रबाट निर्वाचित भएका थिए । आज बसेको संसदीय दलको बैठकले बुर्लाकोटीलाई प्रमुख सचेतक बनाएको हो ।

बैठकले प्रकाशचन्द्र परियार र क्रान्तिशिखा धिताललाई सचेतकको जिम्मेवारी दिएको छ ।

काठ्माण्डौ- राष्ट्रिय स्वतन्त्र पार्टी (रास्वपा) का सभापति रवि लामिछानेले सम्पत्ति छानबिन र पब्लिक अडिटबाट आफ्नो पार्टीका कोही पनि नेता बाहिर नरहेको बताएका छन्।

बिहीबार संसद् भवन परिसरमा सञ्चारकर्मीहरूसँग कुरा गर्दै उनले अन्य दलका नेताहरूलाई जस्तै रास्वपाका नेताहरूलाई पनि कानुन र नियम समान रूपमा लागू हुने बताए।

प्रधानमन्त्री र मन्त्रीहरूको सम्पत्ति विवरण सार्वजनिक गर्दा स्रोत खुलाउनुपर्नेमा जोड दिँदै सभापति लामिछानेले आफूहरूले छानबिन आयोग नै गठन गरिसकेको जानकारी दिए।

उनले भने, ‘हामी कोही पनि छानबिनबाट बाहिर छैनौं। मेरो त बैंक स्टेटमेन्ट नै सार्वजनिक छ। अरूलाई जे नियम लागू हुन्छ, रास्वपाका नेतालाई पनि त्यही नियम लागू हुन्छ, हामी कोही अलग होइनौं।’

सोही अवसरमा सभापति लामिछानेले पार्टीको संसदीय दलको उपनेतामा गणेश पराजुलीलाई चयन गरिएको औपचारिक घोषणासमेत गरे। उनले यसअघि निर्णय सार्वजनिक गर्न प्राविधिक रूपमा छुटेको उल्लेख गर्दै अब पराजुलीले उपनेताको जिम्मेवारी सम्हाल्ने जानकारी दिए।

संसद्को भूमिकाबारे बोल्दै उनले संसद् मर्यादित र सक्रिय हुनुपर्नेमा जोड दिए। समाजमा व्याप्त बेथिति र भ्रष्टाचारका खिलहरू निकाल्न आफूहरू प्रतिबद्ध रहेको उनको भनाइ थियो।

काठमाडौं । नेपाली कांग्रेसले भरत खड्कालाई संघीय संसद् प्रतिनिधिसभा अन्तर्गतको सार्वजनिक लेखा समितिको सभापति बनाउने भएको छ ।

लेखा समितिको सभापति कांग्रेसले पाउने भएपछि पार्टीले खड्कालाई अघि सारेको हो । कांग्रेस नेता अर्जुननरसिंह केसीले खड्कालाई लेखा समिति सभापति बनाउने निर्णय गरेको जानकारी दिए ।

सिंहदरबारमा बसेको विपक्षी दलहरूको बैठकले प्रमुख पतिपक्षी दललाई लेखा समितिको सभापति दिने निर्णय गरेको थियो ।

प्रतिनिधिसभाका संसदीय समिति सभापतिका लागि आज मनोनयन दर्ता हुँदै छ ।

संसद्को प्रमुख दल राष्ट्रिय स्वतन्त्र पार्टी (रास्वपा)ले लेखा समितिको सभापति प्रमुख प्रतिपक्षी दललाई दिने निर्णय गरेको छ ।

काठमाडौं । संघीय संसद् प्रतिनिधिसभा अन्तर्गतको सार्वजनिक लेखा समितिको सभापति नेपाली कांग्रेसले पाउने भएको छ ।

सिंहदरबारमा बसेको विपक्षी दलहरूको बैठकले प्रमुख पतिपक्षी दललाई लेखा समितिको सभापति दिने निर्णय गरेको हो ।

प्रतिनिधिसभाका संसदीय समिति सभापतिका लागि आज मनोनयन दर्ता हुँदै छ ।

संसद्को प्रमुख दल राष्ट्रिय स्वतन्त्र पार्टी (रास्वपा)ले लेखा समितिको सभापति प्रमुख प्रतिपक्षी दललाई दिने निर्णय गरेको छ ।

काठमाडौं । सभामुख डीपी (डोलप्रसाद) अर्याललाई भेट्न विपक्षी दलका नेताहरू पुगेका छन् ।

बिहीबार विपक्षी दल नेपाली कांग्रेस, नेकपा (एमाले) र नेपाली कम्युनिस्ट पार्टीका सांसद सभामुख अर्याललाई भेट्न पुगेका हुन् ।

विपक्षी दलसँगको सम्बन्ध के हुने भन्नेलगायत विषयमा छलफल हुने बताइएको छ ।

काठ्माण्डौ- सत्ता नेतृत्वकर्ता दल राष्ट्रिय स्वतन्त्र पार्टी (रास्वपा)ले प्रतिनिधिसभा अन्तर्गतका १० विषयगतमध्ये ८ वटा समितिमा सभापतिका उम्मेदवार टुंग्याएको छ। बिहीबार सिंहदरबारमा रहेको संसदीय दल कार्यालयमा बसेको बैठकले उम्मेदवारको नाम टुंगो लगाएको हो।

रास्वपाले राज्य व्यवस्था तथा सुशासन समितिमा हरि ढकाल, उद्योग, वाणिज्य, श्रम तथा उपभोक्ता हित समितिमा मनिष झा, अन्तर्राष्ट्रिय सम्बन्ध र पर्यटन समितिमा सुम्निमा उदास र कानून, न्याय तथा मानवअधिकार समितिमा समीक्षा बाँस्कोटालाई नेतृत्व दिने भएको हो।

यस्तै सुशान्त वैदिकलाई अर्थ समिति, आशिष गजुरेललाई पूर्वाधार विकास समिति, अशोककुमार चौधरीलाई कृषि, सहकारी तथा प्राकृतिक स्रोत समिति, शिक्षा, रहबर अन्सारीलाई शिक्षा, स्वास्थ्य तथा सूचना प्रविधि समितिको सभापतिको उम्मेदवार बनाउने भएको छ।

विगतको अभ्यासलाई निरन्तरता दिँदै सार्वजनिक लेखा समितिको सभापति प्रमुख प्रतिपक्ष नेपाली कांग्रेसलाई दिने निष्कर्ष निकालेको रास्वपाले महिला तथा सामाजिक मामिला समितिको सभापतिमा उम्मेदवार टुंगो लगाएको छैन।

राष्ट्रिय सभासँगको संयुक्त समितिमध्ये संसदीय सुनुवाई समितिमा सभापति खाली छ। यसमा पनि नाम टुंगो लाग्न बाँकी छ।

समितिका सभापतिहरूका लागि बिहीबार नै मनोनयनको समय तोकिएको छ। निर्वाचन भने शुक्रबार हुनेछ।