Month: January 2026

काठमाडौं- काठमाडौं महानगरपालिकाका निवर्तमान मेयर बालेन्द्र शाहले राष्ट्रिय स्वतन्त्र पार्टी रास्वपाका वरिष्ठ नेताको कार्यभार सम्हालेका छन् । आइतबार बनस्थलीस्थित रास्वपाको केन्द्रीय कार्यालय पुगेर उनले वरिष्ठ नेताको पदभार ग्रहण गरेका हुन् ।

यसअघि उनले आइतबारै काठमाडौं महानगरको मेयर पदबाट राजीनामा दिइसकेका छन् । राजीनामा दिएर उनी बनस्थली पुगेर घण्टी बजाएका थिए । उनीसँगै जेन–जी अगुवा सुदन गुरुङ पनि घण्टीघर पुगेका थिए ।

घण्टीघरमा बालेनलाई स्वागत गर्न समर्थकको बाक्लो उपस्थिति रहेको थियो । उनलाई रास्वपा सभापति रवि लामिछानेले स्वागत गरेका थिए ।

काठमाडौं । मेयर बालेन साहले काठमाडौं महानगरपालिकाको मेयरबाट राजीनामा दिएका छन् ।  उपमेयर सुनिता डंगोललाई सम्बोधन गर्दै उनले केही बेरअघि राजीनामा दिएका हुन् ।

स्वतन्त्र उठेर मेयर जितेका बालेनले रास्वपामार्फत् औपचारिकरूपमा राजनीतिक दलमा भित्रिएर संसदीय चुनाव लड्ने तयारीसहित राजीनामा दिएका हुन् । उनी रास्वपाको वरिष्ठ नेता भइसकेका छन् । झापा ५ बाट एमाले अध्यक्ष केपी शर्मा ओलीसँग चुनाव लड्ने उनको तयारी छ ।

उनले आफूले स्वेच्छाले राजीनामा दिएको उल्लेख गरेका छन् ।‘यस पदमा रहँदा काठमाडौं महानगरपालिका र नगरवासीको हितमा सकेसम्म इमान्दारीपूर्वक कार्य गर्ने प्रयास गरेको छु । अबको दिनम महानगरपालिकाको नेतृत्व, सेवा प्रवाह र विकास-यात्रा थप प्रभावकारी, पारदर्शी र परिणाममुखी बनोस् भन्ने कामना गर्दै, तपाईं तथा नगर कार्यपालिकालाई सफलताको शुभेच्छा व्यक्त गर्दछु।धन्यवाद !’, बालेनले राजीनामा पत्रमा लेखेका छन् ।

काठ्माण्डौ- राष्ट्रिय स्वतन्त्र पार्टी (रास्वपा) का वरिष्ठ नेता एवं काठमाडौं महानगरपालिकाका प्रमुख बालेन शाहसँगै हामी नेपालका संयोजक एवं युवा अभियन्ता सुदन गुरुङ पनि राष्ट्रिय स्वतन्त्र पार्टी (रास्वपा) मा प्रवेश गर्ने भएका छन्।

जेन-जी आन्दोलनका अगुवा समेत रहेका गुरुङले आज दिउँसो ३:३० बजे आफू र बालेन शाहले औपचारिक रूपमा रास्वपा प्रवेश गर्न लागेको जानकारी दिएका हुन्।

पार्टी प्रवेशबारे जानकारी दिँदै गुरुङले यो निर्णय कुनै पद, शक्ति वा व्यक्तिगत स्वार्थका लागि नभई जनताको अपेक्षा र जिम्मेवारीप्रतिको प्रतिबद्धताका कारण लिएको बताए।

उनले भनेका छन्, ‘तपाईंहरूले माग गर्नुभएको जवाफदेहिता, दिशा र नतिजालाई अब संस्थागत रूपमा अघि बढाउने समय आएको छ। जनहित पहिलो प्राथमिकता रहनेछ, युवाको विश्वास सुरक्षित रहनेछ र परिवर्तनलाई स्थायी बनाइनेछ।’

गुरुङले आफ्नो यो राजनीतिक यात्रा आम सर्वसाधारणसँगै अघि बढ्ने प्रतिबद्धता समेत व्यक्त गरेका छन्।

काठमाण्डाै- निर्वाचन आयोगले नेपाली कांग्रेसकाे दोस्रो विशेष महाधिवेशनबाट निर्वाचित गगन थापा नेतृत्वको कार्यसमितिलाई पार्टीको आधिकारिकता दिने निर्णय गरेपछि शेरबहादुर देउवा पक्षधर नेताहरूले सडक आन्दोलन थालेका छन् । उनीहरूले आयोगको निर्णयलाई अवैधानिक भन्दै सडक प्रदर्शन थालेका हुन् ।

आज उनीहरूले काठमाण्डौको माइतीघरमा प्रदर्शन गरेका छन् । आयोगको कदम संविधान, कानून र पार्टी विधान विपरीत भएको भन्दै आज सर्वोच्च अदालतमा मुद्दा दायर गरेको देउवा पक्षले आन्दोलन पनि थालेको छ ।

यसअघि अस्ति शुक्रवार आयोगको निर्णय सार्वजनिक भएलगत्तै देउवा पक्षका नेता/कार्यकर्ताहरूले आयोग परिसरमा विरोध प्रदर्शन गरेका थिए । देउवा पक्षले निर्णयविरुद्ध देशभर प्रदर्शन र आन्दोलन गर्ने जनाएको छ ।

कांग्रेसका ५३ प्रतिशतभन्दा धेरै महाधिवेशन प्रतिनिधिको हस्ताक्षरका आधारमा काठमाण्डौमा विशेष महाधिवेशन गरि गगन थापा सभापतिमा चयन भइसकेका छन्  । देउवा पक्षले विशेष महाधिवेशनलाई विधान विपरीत भएको दाबी गर्दै आएको छ । कांग्रेसको विवाद बढ्दै गएपछि आउँदो चुनाव प्रभावित हुन सक्नेसम्मको आँकलन गरिएको छ ।

यसैबीच नेपाली कांग्रेसको शेरबहादुर देउवा समूह चुनावी तालिका स्थगनको मागसहित निर्वाचन आयोग जाने तयारीमा छ ।

काठ्माण्डौ- राष्ट्रिय सभाका तीन सदस्यले राजीनामा दिएका छन्।

नेपाली कम्युनिष्ट पार्टी (नेकपा)का नेताहरू वामदेव गौतम र नारायणकाजी श्रेष्ठ तथा नेकपा (एमाले) की भगवती न्यौपानेले राष्ट्रियसभा अध्यक्ष नारायणप्रसाद दाहालसमक्ष राजीनामा पेस गरेका हुन्।

नेकपा नेता गौतम बर्दिया-१, श्रेष्ठ सर्लाही-३ र न्यौपानेले तनहुँ-१ बाट प्रतिनिधिसभा सदस्य निर्वाचनमा उम्मेदवार बन्न पदत्याग गरेका हुन्। उनीहरूको कार्यकाल आगामी फागुन २० गतेसम्म थियो।

काठमाण्डाै- नेपाली कांग्रेसको गगन थापा समूहलाई आधिकारिकता दिने निर्वाचन आयोगको निर्णयविरुद्ध शेरबहादुर देउवा समूहले सर्वोच्च अदालतमा आज रिट दर्ता गरेको छ । सर्वोच्चले रिटको पेशी पर्सि ६ गतेका लागि तोकेको छ ।

तत्कालीन कार्यवाहक सभापति पूर्णबहादुर खड्काले रिट दर्ता गराएका हुन् । खड्कालगायतका नेताहरूले रिट दर्ता गरेर आजै पेशी चढाउन आग्रह गरे पनि सर्वोच्च प्रशासनले नियमावलीको व्यवस्था कारण आज सम्भव नहुने जवाफ दिएको छ ।

देउवा समूहको हिजो बसेको केन्द्रीय कार्यसमिति बैठकले विशेष महाधिवेशनबाट निर्वाचित गगन थापा समूहलाई आधिकारिकता दिने निर्वाचन आयोगको निर्णयविरुद्ध राजनीतिक र कानूनी रूपमा प्रतिवाद गर्ने निर्णय गरेको थियो ।

गगन थापा र विश्वप्रकाश शर्मा समूहले आह्वान गरेको विशेष महाधिवेशनले गएको पुस ३० गते नयाँ कार्यसमिति चयन गरिसकेको छ ।

काठमाडौं । रास्वपा वरिष्ठ नेता बालेन शाहले आफूले बुझाउन लागेको राजीनामा होल्ड गरेका छन् । उनी निकटस्थहरूले आजै राजीनामा दिने तयारी गरेको बताएका थिए । यद्यपि अन्तिम समयमा उनले राजीनामा होल्ड गरेका हुन् ।

उम्मेदवारी दर्ता गरेपछि स्वत: पद खारेज हुने कारण पनि उनले राजीनामा होल्ड गराएका हुन् ।

‘राजीनामा नदिइ उम्मेदवारी दर्ता गर्ने भनेर भनिहाल्न मिल्दैन । जेहोस् अन्तिम समयसम्म होल्ड गर्नुहुन्छ,’ बालेन निकट एक नेताले भने, ‘कांग्रेस अदालत गएको छ, त्यता केही होला, भोलि चुनाव सर्ने वा केही सम्भावना होला । यही अनिश्चितताले गर्दा अहिले राजीनामा होल्ड गरियो ।’

उनी केहीबेरमा रास्वपा कार्यालय घण्टीघर जाँदैछन् । मेयर पदबाट राजीनामा नदिइ उनी घण्टीघर जान लागेका हुन् ।

झापा–५ बाट चुनाव लड्ने तयारी गरेका बालेन त्यसअघि नै राजीनामा दिने तयारी गरेका हुन् । पर्सि (माघ ६) उम्मेदवारी दर्ताका लागि निर्वाचन आयोगले समय तोेकेको छ ।

जस अनुसार, दलहरूले उम्मेदवार फाइनल गरिरहेका छन् । यसैबीच रास्वपाले पनि आफ्ना उम्मेदवारहरू टुंगो लगाउँदैछ ।

आजै दिउँसो २ बजे पार्टी केन्द्रीय कार्यालय बनस्थलीमा केन्द्रीय समिति बैठक बस्न लागेको छ । बैठक बस्नुअघि पार्टीका वरिष्ठ नेता बालेन शाह पार्टी कार्यालय पुग्दैछन् ।

अहिले पार्टी कार्यालयमा नेता कार्यकर्ताको भिड बढ्दै गएको छ । नेताहरूका अनुसार, मेयर शाह दिउँसो १ बजे पार्टी कार्यालय पुग्ने कार्यक्रम छ ।

२ बजेदेखि केन्द्रीय समितिको बैठक बस्नेछ ।

पार्टी सभापति रवि लामिछाने लगायत आजै जनकपुर प्रस्थान गर्दैछन् । मेयर शाह पनि साँझ ५ बजे जनकपुरका लागि प्रस्थान गर्ने कार्यक्रम रहेको छ ।

काठमाडौं- निर्वाचन आयोगको निर्णयविरुद्ध नेपाली कांग्रेसको संस्थापनपक्ष  सर्वोच्च अदालत पुगेको छ।  गगन थापा नेतृत्वको नेपाली कांग्रेसलाई आधिकारिकता दिने निर्वाचन आयोगको निर्णयविरुद्ध रिट लिएर देउवा पक्षधर सर्वोच्च पुगेको हो। अहिले रिट अध्ययनको क्रममा रहेको नेता मीनबहादुर विश्वकर्माले जानकारी दिए।

माघ २ गते थापा नेतृ्त्वको कांग्रेसलाई आधिकारिकता दिने आयोगको निर्णय संविधान,प्रचलित कानुन र कांग्रेसको विधान विपरीत रहेको भन्दै यसलाई बदरको माग गरिएको छ।

निर्वाचन आयोगले विशेष महाधिवेशनबाट निर्वाचित थापालाई आधिकारिकता प्रदान गर्दै कांग्रेसको चुनाव चिह्न रुख र चारतारे झण्डा दिएको छ।

काठमाडौं । काठमाडौं महानगरपालिकाका मेयर बालेन शाहले आज पदबाट राजीनामा दिँदै छन् । केहीबेरमा राजीनामा दिएर उनी आज दिउँसो २ बजे बस्ने रास्वपाको केन्द्रीय कमिटी बैठकमा सहभागी हुने तयारीमा छन् ।

रास्वपाको केन्द्रीय कमिटी बैठकबाट प्रतिनिधि सभा सदस्य निर्वाचनको उम्मेदवार टुंगो लगाइँदै छ । उम्मेदवार टुंगो लगाएर सभापति रवि लामिछाने र बालेन आजै जनकपुर जाने कार्यक्रम छ ।

बालेन झापा क्षेत्र नम्बर ५ बाट चुनाव लड्ने तयारीमा छन् । त्यसका लागि रास्वपाले सम्पर्क कार्यालय स्थापना गरिसकेको छ ।

इन्जिनियर विषय अध्ययन गरी र्‍यापरको छवि बनाएका बालेन २०७९ सालको निर्वाचनमा काठमाडौंको मेयर पदमा लोकप्रिय मतसहित निर्वाचित भएका थिए । जेनजी आन्दोलनपछि उनी रास्वपा प्रवेश गरेका थिए ।

गत पुस १३ गते रास्वपा सभापति रवि लामिछाने र मेयर बालेन शाहले एउटै दलमार्फत प्रतिनिधिसभा निर्वाचनमा प्रतिस्पर्धा गर्ने घोषणासहित ७ बुँदे सम्झौता गरेका थिए ।

काठमाण्डौं, ४ माघ ।
नेकपा एमालेले प्रतिनिधि सभाका लागि उम्मेदवारहरु छनौट गरेको छ । केही निर्वाचन क्षेत्रमा उम्मेदवार छनौट गर्ने अधिकार अध्यक्ष केपी शर्माले सुम्पिएको एमालेको सचिवालयले अधिकांश क्षेत्रमा भने उम्मेदवार टुंगो लगाएको हो ।

एमालेका केही प्रभावशाली नेताहरु त्यो सूचिमा नअटाउदा कतिपय अपराधिक पृष्ठभूमिका व्यक्तिहरु भने उम्मेदवारको सूचिमा परेका छन् ।

एमाले सचिव योगेश भट्टराई यस पटक एमालेको उम्मेदवारको सूचिमै परेनन् ।  एमाले नेताहरु ईश्वर पोख्रेल,  सुरेन्द्र पाण्डे, गोकुल बास्कोटा, राजन भट्टराई, ठाकुर गैरे, कृष्णगोपाल श्रेष्ठ, बिनोद ढकाल, छविलाल बिश्वकर्मा, निरज आचार्य टिकटबाट बञ्चित भए ।

त्यस्तै सुदूरपश्चिममा यस पटक तारा लामा तामाङ, नारदमुनी राना, ऐन महर, कर्ण थापा, झपट रावल र नर बहादुर धामी टिकटबाट बञ्चित भए ।

गत निर्वाचनमा जितेका  लामा यो पटक सूचीमा परेनन् । उनी कैलाली र कञ्चपुरका आठ निर्वाचन क्षेत्रमा जित्ने एमालेका एक्ला उम्मेदवार थिए ।

सुदूरपश्चिमको पहाडी जिल्लाबाट सधै टिकट पाउने एक जना भाग्यमानीमा दामोदर भण्डारी हुन् । उनी पटक पटक मन्त्री समेत हुने भाग्यमानी हुन् ।

त्यस्तै २०७४ मा कैलाली क्षेत्र नम्बर ५ मा नेपाली काँग्रेसका उम्मेदवार डा. आरजु राणा देउवालाई पराजित गरेका नारद मुनी राना पनि उम्मेदवारको सूचिमा अटाएनन् । यस पटक ओलीको रोजाईमा कैलाली जिल्ला अध्यक्ष यज्ञराज ढुंगाना परेका छन् । उनले कैलाली क्षेत्र नम्बर ५ को टिकट पाएका छन् ।

डोटीबाट आकांक्षी रहेका चक्र मल्ल पनि त्यो सूचिमा परेनन् । बझाङबाट सिफारिस भएको ऐन महर आउट हुदा जिल्लाबाट सिफारिस नै नभएका अफिलाल ओखेडा ईन भए ।

गोरखाबाट अपराधिक पृष्ठभूमिका मिलन गुरुङ(चक्रे) यस पटक एमालेका तर्फबाट टिकट पाउने भाग्यमानी दरिएका छन् । दैलेखबाट सिफारिस गरिएका बिष्णु रिजाल त्यो सूचिमा परेनन् । सधै रुपन्देहीबाट चुनाव लड्दै आएका बिष्णु पौडेल पाल्पा उक्लिएका छन् ।

एमालेका उम्मेदवारहरू 
सुदूरपश्चिम प्रदेश
कैलाली
१ द्वारिका न्यौपाने
२ सूर्यबहादुर थापा
३ गौरीशंकर चौधरी
४ लेखराज भट्ट
५ यज्ञराज ढुङ्गाना
कञ्चनपुर
१ कमला बोहरा
२ वचनबहादुर सिंह
३ दीपक भट्ट
अछाम
१ झपटबहादुर बोहरा
२ यज्ञ बोगटी
बाजुरा
१ लालबहादुर थापा
डोटी
१ दीपक धामी
डडेल्धुरा
१ चक्र स्नेही
बझाङ
१ अफिलाल ओखेडा
बैतडी
१ दामोदर भण्डारी
दार्चुला
१ गणेशसिंह ठगुन्ना
⸻
कर्णाली प्रदेश
सल्यान
१ गुलाबजंग शाह
रुकुम पश्चिम
१ नन्दराम देवकोटा
सुर्खेत
१ धुर्व शाही
२ कुलमणि देवकोटा
कालिकोट
१ नागेन्द्र शाही (नेसनल)
जुम्ला
१ शान्तिलाल महत
२ शान्तिबहादुर महत
मुगु
१ पूर्णबहादुर रोकाया
हुम्ला
१ दल फडेरा
डोल्पा
१ लङ्क रोकाया
दैलेख
१ रविन्द्रराज शर्मा
२ लक्ष्मीराज शर्मा
जाजरकोट
१ डम्मरबहादुर सिंह
⸻
लुम्बिनी प्रदेश
नवलपरासी
१ रामप्रसाद पाण्डे
२ भगवतीप्रसाद यादव
रुपन्देही
१ अध्यक्षले टुङ्गाउने
२ अध्यक्षले टुङ्गाउने
३ बासुदेव घिमिरे
४ अध्यक्षले टुङ्गाउने
५ खिमलाल भट्टराई
कपिलवस्तु
१ विश्राम चौधरी
२ अध्यक्षले टुङ्गाउने
३ बिरेन्द्र कडौनिया
दाङ
१ महासचिवको इच्छा बुझेर अध्यक्षले टुङ्गाउने
२ महासचिवको इच्छा बुझेर अध्यक्षले टुङ्गाउने
३ घनश्याम पाण्डे
बाँके
१ सूर्य ढकाल
२ अध्यक्षले टुङ्गाउने
३ दलबहादुर सुनार
बर्दिया
१ सालिकराम अधिकारी
२ विमला विक
पाल्पा
१ नारायण आचार्य
२ विष्णुप्रसाद पौडेल
रुकुम पूर्व
१ अध्यक्षले टुङ्गाउने
रोल्पा
१ गोकुल घर्ती
प्यूठान
१ सूर्यबहादुर थापा
अर्घाखाँची
१ पिताम्बर भुसाल
गुल्मी
१ प्रदीप ज्ञवाली
२ गोकर्ण बिष्ट
⸻
गण्डकी प्रदेश
नवलपुर
१ भागीरथ सापकोटा
२ तिलबहादुर महत क्षेत्री (तिलक)
गोरखा
१ आर.सी. लामिछाने
२ मिलन गुरुङ
लमजुङ
१ पृथ्वी सुब्बा गुरुङ
तनहुँ
१ भगवती न्यौपाने
२ केदार सिग्देल
स्याङ्जा
१ मिनप्रसाद गुरुङ
२ खिमबहादुर थापा
म्याग्दी
१ हरिकृष्ण श्रेष्ठ
कास्की
१ बैणबहादुर क्षेत्री
२ कृष्ण थापा
३ दामोदर बैरागी
बागलुङ
१ हिरा केसी
२ मञ्जु शर्मा चालिसे
मुस्ताङ
१ इन्द्रधारा बिष्ट
मनाङ
१ पोल्देन सोताङ गुरुङ
पर्वत
१ पदम गिरी
⸻
बागमती प्रदेश
सिन्धुली
१ प्रदीप केसी (कटुवाल)
२ मनोजजंग थापा
रामेछाप
१ माधवप्रसाद ढुङ्गेल
दोलखा
१ पार्वत गुरुङ
सिन्धुपाल्चोक
१ आङदोर्जे शेर्पा
२ शेरबहादुर तामाङ
काभ्रे
१ अमित लामा
२ अध्यक्षले टुङ्गाउने
धादिङ
१ भूमी त्रिपाठी
२ धनबहादुर घले
नुवाकोट
१ बद्री मैनाली
२ केशव पाण्डे
रसुवा
१ प्रेमबहादुर तामाङ
मकवानपुर
१ रामेश्वर राना
२ महेश बर्तौला
चितवन
१ कृष्णराज पाठक (कमल)
२ अस्मिन घिमिरे
३ शंकरराज थपलिया
काठमाडौं
१ मोहन रेग्मी
२ मणिराम फुयाल
३ रामेश्वर फुयाल
४ अध्यक्षले टुङ्गाउने
५ अध्यक्षले टुङ्गाउने
६ अमनकुमार मास्के
७ अध्यक्षले टुङ्गाउने
८ राजेश शाक्य
९ अध्यक्षले टुङ्गाउने
१० विनोद श्रेष्ठ
ललितपुर
१ चेतनाथ सञ्जेल
२ प्रेमबहादुर महर्जन
३ अध्यक्षले
भक्तपुर
१ सोम प्रसाद मिश्र
२ महेश बस्नेत
⸻
मधेश प्रदेश
सप्तरी
१ सुमन प्याकुरेल
२ सतिश सिंह
३ ताराकान्त चौधरी
४ बालकृष्ण चौधरी
सिराहा
१ केदार यादव
२ नविनकुमार यादव
३ लिलानाथ श्रेष्ठ
४ बिल्टु यादव
धनुषा
१ रामचन्द्र मण्डल
२ उमाशंकर अग्रहरि
३ जुली महतो
४ रघुवीर महासेठ
महोत्तरी
१ लक्ष्मी महतो कोइरी
२ रामपरिक्षण यादव
३ अध्यक्षले टुङ्गाउने
४ सरोज यादव
सर्लाही
१ अध्यक्षले टुङ्गाउने
२ अध्यक्षले टुङ्गाउने
३ हरि उप्रेती
रौतहट
१ अजय गुप्ता
२ शैलेन्द्र साह
३ कुन्दन कुशवाहा
४ रामजी शाह
बारा
१ अच्युत मैनाली
२ बलवीर चौधरी
३ ज्वाला शाह
४ किसान श्रेष्ठ
पर्सा
१ अध्यक्षले टुङ्गाउने
२ अध्यक्षले टुङ्गाउने
३ प्रमोद जैसवाल
४ जालिम मियाँ अन्सारी
⸻
कोशी प्रदेश
ताप्लेजुङ
१ अध्यक्षले टुङ्गाउने
पाँचथर
१ ऐन्द्रसुन्दर नेम्वाङ
इलाम
१ काजिमान कागते
२ सुहाङ नेम्वाङ
झापा
१ रामचन्द्र उप्रेती
२ देवराज घिमिरे
३ अध्यक्षले टुङ्गाउने
४ मनोज ताम्ली
५ केपी शर्मा ओली
संखुवासभा
१ डा. अर्जुन कार्की
धनकुटा
१ राजेन्द्र राई
भोजपुर
१ शेरधन राई
तेह्रथुम
१ भानुभक्त ढकाल
सुनसरी
१ सूर्य पन्दाक
२ र ३ जगदीश कुसियात (सो मध्य १ अध्यक्षले टुङ्गाउने)
४ भगवती चौधरी
मोरङ
१ घनश्याम खतिवडा
२ दिलीप बगेडिया
३ दिलीप राई
४ जीवन घिमिरे
५ अध्यक्षले टुङ्गाउने
६ अध्यक्षले टुङ्गाउने
सोलुखुम्बु
१ कल्पना राई
ओखलढुंगा
१ अस्मिता थापा
उदयपुर
१ दुर्गा थापा स्वोती
२ अमर रायमाझी
खोटाङ
१ देवविक्रम राई

धनगढी, ३ पुस ।
नेपाल कम्युनिष्ट पार्टीले पूर्व मन्त्री प्रेम आलेलाई कैलाली क्षेत्र नम्बर ५ मा प्रतिनिधि सभाको उम्मेदवार बनाएको छ ।

नेकपा अध्यक्ष पुष्पकमल दाहालले आलेलाई क्षेत्र नम्बर ५ मा प्रतिनिधि सभाको टिकट दिएका हुन् ।

डोटीबाट तीन पटक प्रतिनिधि सभा सदस्य निर्वाचित भएका आले दुई पटक मन्त्री भएका थिए । उनी दुई पटक नेकपा एमाले र एक पटक नेपाल कम्युनिष्ट पार्टी (एकीकृत समाजवादी) बाट निर्बाचित भएका थिए ।

यस पटक भने उनी कैलाली झरेका हुन् ।

पर्यटनमन्त्री रहदा गरेका थुप्रै महत्वपूर्ण कामका कारण आले जनतामाझ लोकप्रिय भएका थिए ।

काठमाडौँ । आगामी फागुन २१ गते हुने प्रतिनिधि सभा निर्वाचनका लागि प्रत्यक्षतर्फका उम्मेदवारहरूको अन्तिम टुङ्गो लगाउन आज नेकपा एमालेको केन्द्रीय सचिवालयको बैठक बस्ने भएको छ ।

निर्वाचन कार्यतालिका अनुसार माघ ६ गते १६५ वटै निर्वाचन क्षेत्रमा उम्मेदवार मनोनयनको कार्यक्रम रहेकाले एमालेले त्यसअघि नै उम्मेदवारको नामावलीलाई अन्तिम रूप दिन लागेको हो।

प्रचार तथा प्रकाशन विभागका संयोजक मीनबहादुर शाहीका अनुसार पार्टी केन्द्रीय कार्यालयमा दिउँसो १ बजेका लागि बैठक बोलाइएको छ। एमालेका निर्वाचन क्षेत्रीय समन्वय कमिटी, जिल्ला र प्रदेश कमिटीहरूले यसअघि नै सम्भावित उम्मेदवारहरूको नाम सिफारिस गरिसकेका छन्। हालसम्मको सिफारिस अनुसार पार्टी अध्यक्ष केपी शर्मा ओलीसहित करिब ३५ जना नेताहरूको नाम सर्वसम्मत रूपमा आएको छ।

अहिलेसम्म अन्य कुनै पनि राजनीतिक दलसँग चुनावी गठबन्धन गर्ने औपचारिक निर्णय नभएकाले एमालेले सबै निर्वाचन क्षेत्रमा आफ्नै चुनाव चिह्न सूर्यवाहक उम्मेदवारहरू उठाउने तयारी गरेको छ।

दुर्गम क्षेत्रका उम्मेदवारहरूलाई मनोनयनका लागि सम्बन्धित निर्वाचन क्षेत्र पुग्न समय लाग्ने भएकाले पनि सचिवालयले भोलि नै नामहरू टुङ्ग्याउन लागेको शाहीले जानकारी दिए। यसअघि सम्पन्न केन्द्रीय कमिटी बैठकले उम्मेदवार चयनको अन्तिम जिम्मेवारी सचिवालयलाई दिएको थियो।