Author: The Everest Post

काठमाडौं । सम्पत्ति शुद्धीकरणको मुद्दामा हिरासतमा रहेका व्यापारीद्वय दीपक भट्ट र सुलभ अग्रवालको सात दिन म्याद थप भएको छ ।

काठमाडौं जिल्ला अदालतका न्यायाधीश तिलकबहादुर कार्कीको इजलासले दुवैजनालाई थप सात दिन हिरासतमा राखेर अनुसन्धान गर्न अनुमति दिएको हो ।

“अनुसन्धान गर्ने निकायको तर्फबाट उपस्थित अनुसन्धान अधिकृतले प्रस्तुत मुद्दाको अनुसन्धान कार्य अन्तिम चरणमा पुगेको, सम्पत्ति शुद्धीकरणको कसुर मा जोडिएको बिमा ऐन र धितोपत्र ऐन अन्तर्गतको सम्बद्ध कसुरको अनुसन्धान गर्न, राय प्रतिवेदन तयार गर्नको लागि म्याद थप आवश्यक परेको भनी माग गरेको देखिँदा बाँकी अनुसन्धान कार्य पुरा गरी, राय प्रतिवेदन तयार गरी अभियोगपत्र समेत दायर गर्ने प्रयोजनका लागि आरोपीहरू दिपक भट्ट र सुलभ अग्रवाललाई मिति २०८३/१/९ गते देखि लागू हुने गरी सम्पत्ति शुद्धीकरण  निवारण ऐन, २०६४ को दफा १७ को उपदफा (४) समेतका आधारमा दिन ७ (सात) म्याद थप गरिदिएको छ ।”

भट्ट  र  अग्रवालका तर्फबाट वरिष्ठ अधिवक्ताहरु कृष्णप्रसाद सापकोटा, सविता भण्डारी बराल, लभकुमार मैनाली, सुरेन्द्रकुमार महतो र अधिवक्ताहरू रमणकुमार कर्ण, समिरकुमार शर्मा र भावेश गौतमले बहस गरेका थिए ।

उनीहरूमाथि बिमा ऐन र धितोपत्र ऐन अनुसारको अनुसन्धान मात्र बाँकी रहेको जानकारी अदालतमा गराइएको छ ।

काठमाडौं । नेपाली कांग्रेसका सभापति गगन थापाले सरकारले गरेका राम्रा काममा पार्टीले समर्थन गर्ने बताएका छन् । विराटनगरमा पार्टीको समीक्षा कार्यक्रममा थापाले सरकारले गरेका खराब कामहरूको भने विरोध गर्ने बताए ।

निर्वाचनमा पार्टीले पराजय व्यहोरेको भए पनि हारेको भनेर मन साँघुरो बनाउनुपर्ने अवस्था नरहेको बताए । फेरि संगठित भएर आउने भन्दै थापाले लडेर आएको पार्टी जय वा पराजयबाट नखुम्चने उल्लेख गरे ।

बाहिर रहेकाहरूले पनि पार्टीमा सदस्यता जहाँ छ त्यहीँबाट नवीकरण गर्न पाइने उनको भनाइ छ । “क्रियाशील भएकाहरू आफैँ जानुहोस् भनेर गर्न खोजेको । डिजिटल्ली स्मार्ट बनाउन खोजेको हो,” उनले भने ।

केन्द्रीय कमिटीलाई पूर्णता दिएर केन्द्रीय महाधिवेशनमा लाग्ने उनको भनाइ छ । पार्टी सबैको हो भन्ने बनाउने जिम्मेवारी आफ्नो भएको उनको भनाइ छ । रिसाएका १० लाख मतदातालाई फिर्ता गरेर ल्याउन भरोसा दिलाएर अगाडि बढ्नुपर्ने उनले बताए । “नयाँ पुस्तालाई सँगै लिएर हिँड्नुपरेको छ । चार पुस्तासँगै लिएर अघि बढ्नुपर्नेछ,” उनले भने ।

काठमाडौं । नेपाली कम्युनिस्ट पार्टीका संयोजक पुष्पकमल दाहाल प्रचण्डले गृहमन्त्री सुधन गुरुङले राजीनामा दिएर राम्रो गरेको बताएका छन् ।

पार्टी केन्द्रीय कार्यालयमा आयोजित कार्यक्रमपश्चात् पत्रकारको जिज्ञासामा गृहमन्त्री गुरुङले राजीनामा दिएर राम्रो गरेको बताएका हुन् ।

काठमाडौं । गृहमन्त्री सुधन गुरुङको राजीनामालगत्तै प्रधानमन्त्री बालेन्द्र शाह (बालेन) ले सुरक्षा संठगन प्रमुखहरूलाई सिंहदबार बोलाएका छन् ।

प्रधानमन्त्रीको निर्देशनपछि नेपाल प्रहरी सशस्त्र प्रहरी बल र राष्ट्रिय अनुसन्धान विभागका प्रमुखहरू प्रधानमन्त्री कार्यालय सिंहदबार पुगेका छन् ।

मन्त्रीपदबाट राजीनामा दिनुअघि प्रहरी महानिरीक्षक दानबहादुर कार्की र सुधन गुरुङबीच पनि भेट भएको थियो ।

राजीनामालगत्तै प्रधानमन्त्री बालेनले पनि सुरक्षा संगठन प्रमुखहरूलाई भेटका लागि सिंहदबार बोलाएका हुन् ।

काठमाडौं- तत्काललाई गृहमन्त्रालयको जिम्मेवारी प्रधानमन्त्री बालेन शाहले नै सम्हाल्ने भएका छन् । आज सुधन गुरुङले गृहमन्त्री पदबाट राजीनामा दिएसँगै प्रधानमन्त्रीले उक्त जिम्मेवारी आफू मातहत नै राखेको प्रधानमन्त्रीको सचिवालयले जानकारी दिएको छ ।

विवादित व्यापारी दीपक भट्टसँग साझेदार रहेको तथ्य बाहिरिएपछि उनी पनि विवादमा तानिएका थिए । त्यसपछि उनले आफूमाथि पनि निष्पक्ष छानबिन होस् भन्दै पदबाट राजीनामा दिएका हुन् ।

अहिलेको सरकार बनेको २६ दिनमा गृहमन्त्री सुधन गुरुङले राजीनामा दिएका हुन् । उनको सम्पत्तिमाथि प्रश्न उठेपछि उनले प्रधानमन्त्रीलाई भेटेर राजीनामा बुझाएका हुन् ।

केही दिनअघि उनले सम्पत्ति विवरण सार्वजनिक गरेका थिए । त्यो सम्पत्ति विवरण नै अस्वाभाविक रहेको भन्दै प्रश्न उठिरहेको बेलामा उनले माइक्रो इन्स्योरेन्स लगायतमा लगरेको अर्को लागनीको विवरण पनि बाहिर आयो ।

उनले सञ्चालन गरेको सामाजिक संस्था हामी नेपालमा आएको सहयोग रकम पनि व्यक्तिगत खाता मार्फत् कारोबार गर्ने गरेको लगायतका विषय बाहिरिएपछि गुरुङलाई पदबाट बाहिरिनका लागि सर्वत्र दबाब परेको थियो । त्यही दबाबमा बीच उनले बुधबार पदबाट राजीनामा दिएका हुन् ।

गृह मन्त्री सुदन गुरुङले पदबाट राजीनामा दिएकाे घाेषणा गरेका छन् ।

प्रधानमन्त्री बालेन्द्र शाहसँगको छलफलपछि उनले सामाजिक संजालमार्फत पदबाट राजीनामा दिएको घोषणा गरेका हुन् ।

पछिल्लो समय व्यवसायी दिपक भट्टसँग विभिन्न व्यवसायमा साझेदारी रहेको, जेन्जी आन्दोलनपछि ५० लाख बढीको सेयर खरिद गरेको, फेवातालको अतिक्रमित जग्गा भाडामा लिएर व्यवसाय संचालन गरेको लगायतका विषयमा उनी संलग्न रहेको भन्दै चौतर्फी विरोध भइरहेको थियो ।

उनले फेसबुक मार्फत लेखेका राजीनामा यस्तो छ : 

‘म, सुदन गुरुङ, मिति २०८२ चैत १३ गतेदेखि गृह मन्त्रीको जिम्मेवारीमा इमानदारीपूर्वक काम गर्दै आएको छु। पछिल्ला दिनहरूमा नागरिक स्तरबाट मेरो शेयर लगायतका विषयमा उठेका प्रश्न, टिप्पणी र जनचासोलाई मैले गम्भीर रूपमा लिएको छु।

मेरो लागि पदभन्दा ठूलो कुरा नैतिकता हो, र जनविश्वासभन्दा ठूलो शक्ति कुनै हुँदैन। आज देशमा सुशासन, पारदर्शिता र जवाफदेहिताको माग गर्दै उठिरहेको न्भल श्  आन्दोलनले पनि यही सन्देश दिएको छ सार्वजनिक जीवन स्वच्छ हुनुपर्छ, नेतृत्व उत्तरदायी हुनुपर्छ।मेरा ४६ जना भाइ बहिनिहरुको रगत र बलिदानी को आडमा बनेको सरकारलाई कसैले प्रश्न गर्छ भने त्यसको जवाफ नैतिकता हो।  

त्यसैले, मसँग सम्बन्धित विषयमा निष्पक्ष छानबिन होस् र पदमा रहँदा conflict of interest  नदेखियोस र  त्यसमा कुनै असर नपरोस् भन्ने उद्देश्यले मैले आजकै मितिदेखि लागू हुने गरी गृह मन्त्री पदबाट राजीनामा दिएको छु।

मैले आफ्नो तर्फबाट नैतिक जिम्मेवारी निर्वाह गरेको छु। अब मेरो अपिल छ, प्रिय सञ्चारकर्मी मित्रहरू, आम नेपाली दाजुभाइ, दिदीबहिनी र युवाहरू, यदि हामी साँच्चै परिवर्तन चाहन्छौँ भने सत्य, इमानदारी र आत्मशुद्धिको बाटोमा सबै उभिनैपर्छ।कति मिडियाकर्मी साथी हरु को कहा कहा स्वीट शेयर छ बिस्तारै आउला, रामराज्यको चाहना राख्नेहरूले त्याग र नैतिक साहस पनि देखाउन सक्नुपर्छ।’

काठ्माण्डौ- सुदन किरातीले प्रगतिशील लोकतान्त्रिक पार्टी (प्रलोपा) को साधारण सदस्य समेत नरहने गरी पार्टी परित्याग गरेका छन्। उनले सामाजिक सञ्जाल फेसबुकमार्फत आफू अब उक्त दलमा आबद्ध नरहने जानकारी दिएका हुन्।

पार्टी छोड्ने निर्णय सार्वजनिक गर्दै उनले लेखेका छन्, ‘प्रगतिशील लोकतान्त्रिक पार्टी (प्रलोपा) को साधारण सदस्य समेत नरहने निर्णय गरेको जानकारी गराउन चाहन्छु। करिब ५ महिनाको यस यात्रामा मार्गदर्शन गर्नुहुने आदरणीय नेताहरू, हातेमालो गर्ने सम्पूर्ण साथीहरू तथा कर्मचारीहरूप्रति हार्दिक धन्यवाद व्यक्त गर्दछु।’

आफ्नो आगामी कदमबारे स्पष्ट पार्दै उनले अगाडि लेखेका छन्, ‘जनसमुदायको भरोसा र सहिदको अधुरो सपनालाई मुटुमा बोकेर जस्तोसुकै परिस्थिति आएपनि देश र जनताको सेवा, समर्पण र समाज रूपान्तरणको यात्राबाट पछि नहट्ने वाचा गर्दछु। मेरो लागि आगामी बाटो सजिलो नहुन सक्छ तर जनताको विश्वास र सहिदको बलिदानले देखाएको मार्गमा निरन्तर अघि बढिरहने छु।’

यस्तो छ सुदन किरातीको फेसबुक पोस्ट
प्रगतिशील लोकतान्त्रिक पार्टी (प्रलोपा) को साधारण सदस्य समेत नरहने निर्णय गरेको जानकारी गराउन चाहन्छु। करिब ५ महिनाको यस यात्रामा मार्गदर्शन गर्नुहुने आदरणीय नेताहरू, हातेमालो गर्ने सम्पूर्ण साथीहरू तथा कर्मचारीहरूप्रति हार्दिक धन्यवाद व्यक्त गर्दछु। 
यस अवधिमा प्राप्त अनुभवहरूलाई मैले अमूल्य सम्पत्तिको रूपमा आत्मसाथ गरेको छु। संगठनसँगको औपचारिक सम्बन्ध अन्त्य भएपनि आगामी दिनहरूमा आपसी सम्मान, सद्भाव र मित्रवत सम्बन्ध यथावत् रहने विश्वास लिएको छु।
साथै, जनसमुदायको भरोसा र सहिदको अधुरो सपनालाई मुटुमा बोकेर जस्तोसुकै परिस्थिति आएपनि देश र जनताको सेवा, समर्पण र समाज रूपान्तरणको यात्राबाट पछि नहट्ने वाचा गर्दछु। मेरो लागि आगामी बाटो सजिलो नहुन सक्छ तर जनताको विश्वास र सहिदको बलिदानले देखाएको मार्गमा निरन्तर अघि बढिरहने छु।
धन्यवाद !

काठमाडौं : सरकारले समस्याग्रस्त सहकारी व्यवस्थापन समितिको अध्यक्ष पदमा डिल्लीराज आचार्यलाई नियुक्त गर्ने निर्णय गरेको छ । सिंहदरबारमा मंगलबार बसेको मन्त्रिपरिषद् बैठकले आचार्यलाई समस्याग्रस्त सहकारी व्यवस्थापन समितिको अध्यक्ष पदमा नियुक्त गर्ने निर्णय गरेको सञ्चार तथा सूचना प्रविधिमन्त्री बिक्रम तिमिल्सिनाले जानकारी दिए ।

बैठकले समितिको सदस्य पदमा नवराज सिंहखडा र रोशनबहादुर शाक्यलाई मनोनित गरेको छ । त्यस्तै मन्त्रिपरिषद्ले नेपाल धितोपत्र बोर्डको अध्यक्ष नियुक्तिको लागि राष्ट्रिय योजना आयोगका उपाध्यक्ष डा. गुणाकर भट्टको संयोजकत्वमा सिफारिस समिति गठन गरेको छ । समितिको सदस्यमा अर्थ मन्त्रालयका सचिव डा. घनश्याम उपाध्याय र भुवनकुमार दाहाल रहेको मन्त्री तिमिल्सिनाले बताए ।

त्यस्तै बैठकले प्रतिनिधि सभा सदस्य निर्वाचन ऐन २०७४ लाई संशोधन गर्न बनेको विधेयक, मतदाता नामावली ऐन २०७३ लाई संशोधन गर्न बनेको विधेयक र नेपाल विशेष सेवा ऐन २०८२ लाई संशोधन गर्न बनेको विधेयक संघीय संसदमा पेश गर्न स्वीकृति दिने निर्णय समेत गरेको छ ।

काठ्माण्डौ- सरकारले नेपाल धितोपत्र बोर्डको अध्यक्ष नियुक्ति गर्न तीन सदस्यीय सिफारिस समिति गठन गरेको छ ।

मन्त्रिपरिषद्को सिंहरदबारमा बसेको बैठकले राष्ट्रिय योजना आयोगका उपाध्यक्ष डा. गुणाकर भट्ट संयोजक रहने गरी तीन सदस्यीय सिफारिस समिति गठन गरेको हो ।

प्रतिनिधिसभा नियमावली २०८३ को मस्यौदा सभामुखलाई बुझाइएको छ ।

सत्तारुढ दल राष्ट्रिय स्वतन्त्र पार्टीका सांसद गणेश पराजुलीको नेतृत्वमा बनेको समितिले मस्यौदा सभामुख डोलप्रसाद अर्याललाई बुझाएको हो ।

मंगलबार दिउँसो राज्य व्यवस्था तथा सुशासन समितिको सभाहलमा सभामुख अर्याललाई समिति संयोजक पराजुलीसहित समिति सदस्यहरूले नियमावलीको मस्यौदा बुझाएका हुन् ।

काठमाडौं । मन्त्रिपरिषद् बैठक जारी छ । मंगलबार (वैशाख ८) दिउँसो सिंहदबारस्थित प्रधानमन्त्री तथा मन्त्रिपरिषद्को कार्यालयमा बैठक बसेको हो ।

बैठकमा गृहमन्त्री सुधन गुरुङसहितका मन्त्रीहरू सहभागी छन् । बैठकबाट विभिन्न निर्णय गरिनेछ ।