नवौं अन्तर्राष्ट्रिय नेपाली साहित्य सम्मेलनमा रक्तदान गरिने

कोलोराडो, १६ बैशाख ।
नवौं अन्तर्राष्ट्रिय नेपाली साहित्य सम्मेलनको अवसरमा कोलोराडोमा रक्तदान कार्यक्रम आयोजना गरिने भएको छ ।

ब्लड डोनर्स एशोसियसन (बीडीए)कोलोराडो च्याप्टरले सम्मेलन आयोजक अन्तर्राष्ट्रिय नेपाली साहित्य समाज र अनेसास कोलोराडो च्याप्टरसंगको सहकार्यमा रक्तदान कार्यक्रम आयोजना गर्न लागेको हो ।

बीडीए कोलोराडो च्याप्टरका अध्यक्ष नवराज मरासिनीले २४ मे आईतवार विहान ९ बजे शुरु हुने रक्तदान कार्यक्रम दिउँसो १ बजे सम्म सञ्चालन हुने जानकारी दिए ।

अध्यक्ष मरासिनीले सम्मेलन आयोजनास्थल वेष्टमिनिस्टरस्थित डु«री प्लाजामा ‘रक्तदान जीवन दान’ भन्ने मूलमन्त्र सहित आयोजना गर्न लागिएको रक्तदान कार्यक्रममा सहभागी भई रक्तदान गर्न रक्तदाताहरुलाई आग्रह गरे ।

अध्यक्ष मरासिनीले रक्तदान कार्यक्रममा कम्तिमा २५ जनाले रक्तदान गर्ने अनुमान गरिएको बताए ।

अन्तर्राष्ट्रिय नेपाली साहित्य समाजको आयोजनामा मे २२ देखि २५ सम्म कोलोराडोको वेष्टमिनिस्टरमा आयोजना हुने नवौं अन्तर्राष्ट्रिय नेपाली साहित्य सम्मेलनमा संसारभरीबाट दुई सयभन्दा बढि साहित्यकारहरु सहभागी हुने अनुमान गरिएको छ ।