एनआरएनए अमेरिकाद्वारा डा. त्रिपाठी सम्मानित
कोलोराडो(अमेरिका), २६ फागुन ।
अन्तर्राष्ट्रिय महिला दिवसका अवसरमा गैर आवासीय नेपाल संघ(एनआरएनए) एनसीसी अमेरिकाद्धारा रिभाईभ मेडिकल वेलनेसकी सिईओ तथा रिजेनेरेटिभ स्पेशलिष्ट डा. शारदा काफ्ले त्रिपाठी सम्मानित भएकी छन् ।
ब्लड डोनर्स अफ अमेरिका(बीडीए) कोलोराडो च्याप्टरकी पूर्व अध्यक्ष समेत रहेकी त्रिपाठीलाई सामाजिक तथा स्वास्थ्य क्षेत्रमा पु¥याएको योगदानको कदर गर्दै एनआरएनए कोलोराडोले सम्मान गरेको हो ।
अन्तर्राष्ट्रिय महिला दिवसका अवसरमा आईतवार नेपाली घरमा आयोजित कार्यक्रममा कोलोराडो राज्य सभा सदस्य केनी न्यूयाङ र वेष्टमिनिष्टर नगरकी मेयर क्लेरा कार्मेलियाले डा. त्रिपाठीलाई प्रशंसा पत्र प्रदान गरेकी थिईन् ।
एनआरएनए एनसीसी अमेरिकाले डक्टर अफ नर्स प्राक्टिसनर त्रिपाठी सहित बिभिन्न बिधा र क्षेत्रमा योगदान पु¥याउने प्रेरणादायी नौ जना महिलालाई सम्मान गरेको हो ।
डा. त्रिपाठी सहित सगरमाथा आरोही एकल महिला नीमा डोमा शेर्पा, ओलम्पियन निष्मा गुरुङ, महिला उद्यमी तथा समाजसेवी दिल कुमारी श्रेष्ठ, समाजसेवी मीना पौडेल, गायिका निर्मला श्रेष्ठ, लेखिका प्रमिला शर्मा, समाजसेवी उत्तरा श्रेष्ठ, उद्यमी तथा सांस्कृतिक दूत मिना मास्केलाई सम्मान गरिएको थियो ।
एनआरएनए कोलोराडो च्याटर र नेपाल वुमन थ्राईभ(एनडब्लुटी) को सहकार्यमा आयोजित कार्यक्रम एनआरएनए कोलोराडो च्याप्टरकी महिला उपाध्यक्ष नमुना गैरको अध्यक्षतामा सम्पन्न भएको थियो ।
यो पनि
को हुन् डा. शारदा काफ्ले त्रिपाठी ?
ट्रेन्डिङ
सम्बन्धित
