अन्तर्राष्ट्रिय महिला दिवस केन्टुकीमा भव्य रुपमा मनाईयो
केन्टुकी, २६ फागुन ।
११६ औं अन्तर्राष्ट्रिय महिला दिवस अमेरिकाको केन्टुकी राज्यको लेक्जिंटनमा भव्यताका साथ मनाईएको छ ।
अन्तर्राष्ट्रिय महिला दिवसका अवसरमा केन्टुकीमा बसोबास गर्ने नेपालीहरुको साझा संस्था एशोसियसन अफ नेपाली ईन केन्टुकी(एन्का) द्धारा आईतवार लेक्जिंटनमा आयोजित कार्यक्रमका वक्ताहरुले महिला दिवसको महत्व र त्यसको सान्दर्भिकताका बारेमा चर्चा गरे ।
कार्यक्रमका अतिथि तथा सहभागीहरुले महिला दिवसका अवसरमा शुभकामना दिनुका साथै महिलाका अधिकारका बारेमा चर्चा गरे ।
केन्टुकीस्थित मानसिक स्वास्थ्य अस्पताल, द रिज बिह्यावियर हेल्थ सिष्टमको स्वास्थ्य विभागमा टीम लिडरका रुपमा कार्यरत रेखा जोशीले मानसिक स्वास्थ्य र अध्यात्मिक जीवनको अन्तरसम्बन्ध र महिलाहरुको अधिकारका बारेमा चर्चा गरिन् ।
कार्यक्रमको शुरुवाती सञ्चालन सचिव बिपिन पन्तले गरेपनि उनले कार्यक्रम सञ्चालनको जिम्मेवारी उमा उप्रेतीलाई हस्तान्तरण गरेका थिए ।
कार्यक्रममा सामाजिक अभियन्ता तथा सामाजिक अभियन्ता डमरु पौडेल, मेन्टल हेल्थ प्राक्टिसनर सविता घले लोहनी, सदीक्षा पौडेल, निरु थापा, मञ्जु रिजाल, श्रद्धा लामिछाने, सृजना मरासिनी, रुद्री केसी, लीला अधिकारी, रेखा भट्ट लगायतले मन्तव्य व्यक्त गरेका थिए ।
एंकाकी उपाध्यक्ष बिन्दु लामिछानेको अध्यक्षतातामा सम्पन्न कार्यक्रममा संस्थाका अध्यक्ष सन्त कुँवरले स्वागत मन्तव्य व्यक्त गरेका थिए ।
ट्रेन्डिङ
सम्बन्धित
