ग्रेटर सार्लोट नेप्लिज एशोसियसनको अध्यक्षमा खनाल निर्वाचित

नर्थ क्यारिलोना, ३० डिसेम्बर
ग्रेटर सार्लोट नेप्लिज एशोसियसन(जीसीएनए) नर्थ क्यारिलोनाको अध्यक्ष पदमा परमानन्द खनाल निर्विरोध निर्वाचित भएका  छन् ।

त्यस्तै उपाध्यक्षमा सुरज खनाल, महासचिवमा निराला अर्याल, सचिवमा सन्ध्या दाहाल, कोषाध्यक्षमा मनोज भट्टराई निर्वाचित भएका  छन् ।

यसैगरी सदस्यमा अशिमा सुवेदी, सञ्जय घिमिरे, केदार तिमिल्सेना, मनोज कार्की, रोशन पाण्डेय, अलिशा गिरी,सुमना अधिकारी, सविता अधिकारी, विभुषण बस्नेत आशिष लम्साल निर्वाचित भए ।

अध्यक्ष खनालले निर्वाचन प्रकृया पुरा गर्ने निर्वाचन समितिका साथै संस्थाको साधारण सभा सम्पन्न गर्ने सबैलाई धन्यवाद दिए ।

उनले जीसीएनएका सम्पूर्ण सदस्यहरुको साथ र सहयोगमा नेपालको भाषा, संस्कृति, परम्पराको जगेर्नाका साथै नेपालीहरुका बीचमा भातृत्व र सहकार्यको परम्परालाई मजबुत बनाउने प्रतिबद्धता गरे ।