विश्व रक्तदाता दिवसको अवसरमा रक्तदानसंगै अन्तरक्रिया कार्यक्रम आयोजना गरिदै
कोलोराडो, (अमेरीका)
ब्लड डोनर्स अफ अमेरिका (बीडीए) कोलोराडो च्याप्टरले विश्व रक्तदाता दिवस यसवर्ष विविध कार्यक्रम आयोजना गरी मनाउदैछ ।
बीडीए कोलोराडोका अनुसार विश्व रक्तदाता दिवस बीडीएका संस्थापक अध्यक्ष स्वर्गीय अर्जुन मैनालीको स्मृतिमा रक्तदानसंगै अन्तरक्रिया कार्यक्रम आयोजना गरी मनाईदैछ । बीडीए अमेरिका स्वर्गीय मैनालीको नेतृत्वमा सन् २००९ मा स्थापना भएको हो।
बीडीए कोलोराडोका अध्यक्ष नवराज मरासिनीले नेपाली घरको सहकार्य तथा भाटालान्टको प्राविधिक सहयोगमा नेपाली घरमा १३ जुनमा रक्तदान कार्यक्रम र १४ जुनमा जुम मार्फत ‘मानवताका लागि एक थोपा : रक्तदान गरौं, जीवन बचाऔं’ शीर्षकमा अन्तरक्रिया कार्यक्रम आयोजना गरिने बताए ।
अध्यक्ष मरासिनीले नेपाली घरमा १३ जुनमा विहान ९ देखि १२ बजेसम्म सञ्चालन हुने कार्यक्रममा १६ वर्षभन्दा माथि उमेरका कम्तिमा एक सय १० पाउण्ड तौल भएका व्यक्तिले रक्तदान गर्न सक्ने बताए ।
नेपाली घरका कार्यबाहक अध्यक्ष गंगा चौलागाईले रक्तदान कार्यक्रममा सहभागी भई रक्तदान गर्न नेपाली समुदायलाई आह्वान गरेका छन् ।
ट्रेन्डिङ
सम्बन्धित
