प्रादेशिक कविता महोत्सव २०८३ भव्य रुपमा सम्पन्न

धनगढी २० वैशाख ।  सुदूरपश्चिम प्रज्ञा प्रतिष्ठानले धनगढीमा आयोजना गरेको प्रादेशिक कविता महोत्सव २०८३ भव्य रुपमा शनिबार भव्य रुपमा सम्पन्न भएको छ ।

सुदूरपश्चिम प्रज्ञा प्रतिष्ठानले आयोजना गरेको प्रादेशिक कविता महोत्सव २०८३मा कविता प्रतियोगिताबाट नितिका अवस्थी (कैलाली) प्रथम, डिल बहादुरमहरा (डोटी) द्वितीय, हिरा भट्ट (बैतडी) तृतीय स्थान हासिल गर्नुभएको छ । त्यसैगरि सान्त्वना स्थान प्राप्त गर्ने लवदेव धामी, हरिप्रिया जोशी, बिमला कडायत, खिमानन्द बड रहनुभएको छ ।

कविता प्रतियोगितामा प्रथम, द्वितीय, तृतीय र सान्त्वना स्थान प्राप्त गर्ने प्रतिष्पर्धीहरुलाई कार्यक्रमका सभापति, प्रमुख अतिथिले प्रमाण पत्र, नगद रकम र दोसल्ला ओढाई सम्मान गर्नु भएको थियो ।
कविता महोत्सवमा स प्रा गणेश दत्त जोशी, डा योगेन्द्र बजगाई, डा तुलसी शर्मा, कवि निरञ्जना चन्द, जगदीश ओझा निर्णायक रहनुभएको थियो ।

कविता महोत्सवमा ६वर्ष देखि ८०बर्ष सम्मका उर्जावान कविहरूले विविध खाले कविता प्रस्तुत गर्नुभएको थियो ।
सुदूरपश्चिम प्रज्ञा प्रतिष्ठानका उपकुलपति डा. टी एन जोशीको सभापतित्वमा सम्पन्न भएको कार्यक्रममा प्रमख अतिथि सुदूरपश्चिम प्रदेश सरकारका पूर्व मुख्यमन्त्री राजेन्द्र सिंह रावल रहनुभएको थियो ।

कार्यक्रममा विशिष्ट अतिथिहरुमा सुदूरपश्चिम विश्व विद्यालयका भाषा तथा लोक साहित्य निर्देशक प्रा. डा. हरिशचन्द्र भट्ट, कवियत्री निरञ्जना चन्द निरु, वडा नं ४ कार्यालयका वडा अध्यक्ष बुद्धि बहादुर खड्का, अतिथिहरुमा जोरायल गाउँपालिकाका अध्यक्ष दुर्गादत्त ओझा, कैलाली जनपुस्तकालयका अध्यक्ष शिव राज ओझा लगायत रहनुभएको थियो ।

कार्यक्रमका वक्ताहरुले सुदूरपश्चिम प्रज्ञा प्रतिष्ठानले साहित्य, संस्कृति, लोक भाषाका क्षेत्रमा महत्वपूर्ण योगदान दिएको बताए । उनले यस क्षेत्रका व्यक्तिहरुलाई साहित्य, संस्कृति, लोक भाषाका लागि प्रतिष्ठानले महत्वपूर्ण अवसर पनि प्रदान गरेकोमा प्रशंसा व्यक्त व्यक्त गरे ।
कार्यक्रममा विभिन्न कृतिहरुको लोकार्पण गरिएको थियो ।

प्रादेशिक कविता महोत्सव २०८३ को कार्यक्रमको संचालन के.पी कलौनी गरेका थिए । कार्यक्रममा विभिन्न व्यक्तिहरुलाई सम्मान गरिएको थियो ।