बीडीए कोलोराडोको कार्यक्रममा २० जनाद्वारा रक्तदान

डेनभर (कोलोराडो),
ब्लड डोनर्स अफ अमेरिका कोलोराडो च्याप्टरको आयोजनामा शनिवार कोलोराडोमा रक्तदान कार्यक्रम सम्पन्न भएको छ ।

विश्व रक्तदाता दिवस तथा ब्लड डोनर्स अफ अमेरिकाका संस्थापक अध्यक्ष स्व. अर्जुन मैनालीको स्मृतिमा कोलोराडोमा आयोजित रक्तदान कार्यक्रममा २० जनाले रक्तदान गरे ।

नेपाली घरको सहकार्य तथा भाटाल्यान्टको प्राविधिक सहयोगमा नेपाली घरमा आयोजित कार्यक्रममा ब्लड डोनर्स अफ अमेरिकाका वरिष्ठ उपाध्यक्ष टीका पौडेलेले शनिवार ४३ औं पटक रक्तदान गरे ।

कार्यक्रममा नारायण पोख्रेल, फणेन्द्र क्षेत्री, लुना लुइटेल पौडेले, गुनराज घिमिरे, संझना पाण्डे, नुरहरी पोख्रेल, बिमला पौडेल, सुधा भण्डारी, दीलकुमारी श्रेष्ठ, विजयदेव अधिकारी, उपेन्द्र घिमिरे, बिष्णुराज घिमिरे, विकास त्रिपाठी, समीका डिस्कोल, सुरज लामिछाने, उषा लम्साल, लक्षुमन रिजाल, क्लारा शाय, नवराज मरासिनी र किसाम थापा लगायतले रक्तदान गरे ।

उक्त कार्यक्रममा रक्तदाता नारायण पोखरेल र विष्णु राज घिमिरेले रेड ब्लड सेल दान गरेका थिए ।

ब्लड डोनर्स अफ अमेरिका कोलोराडो च्याप्टरका अध्यक्ष नवराज मरासिनीने कार्यक्रम सफल बनाउन सहयोग पुर्‍याउने नेपाली घरका अध्यक्ष बसन्त लम्साल, वरिष्ठ उपाध्यक्ष गंगा चौलागाई, महासचिव भोला कटुवाल, पुष्करराज बस्नेत, बीडीएका केन्द्रीय सल्लाहकार भुषणलाल श्रेष्ठ, वरिष्ठ उपाध्यक्ष टीका पौडेल लगायत सबैप्रति आभार व्यक्त गरे ।