संसद् विघटन, २१ फागुनमा निर्वाचन

काठमाडौं २८ भाद्र ।नवनियुक्त प्रधानमन्त्री सुशीला कार्कीको सिफारिसमा राष्ट्रपति रामचन्द्र पौडेलले प्रतिनिधिसभा विघटन गरेका छन् ।

आगामी २१ फागुनमा मध्यावधि निर्वाचनको मिति तोकिएको छ । ‘सम्माननीय राष्ट्रपति श्री रामचन्द्र पौडेलज्यूले प्रधानमन्त्री श्री सुशीला कार्कीज्यूको सिफारिसबमोजिम ०८२ साल भदौ २७ गते शुक्रबार राति ११ बजेदेखि लागू हुने गरी वर्तमान प्रतिनिधिसभा विघटन गर्नुभएको छ ।

मिति ०८२ साल फागुन २१ गते बिहीबारका दिन नयाँ प्रतिनिधिसभाको निर्वाचन गर्ने गरी मिति तोक्नुभएको छ,’ राष्ट्रपति कार्यालयले शुक्रबार मध्यराति जारी गरेको विज्ञप्तिमा भनिएको छ ।