भुटानमा हुने साफ यू–१७ महिला च्याम्पियनसिप खेल्ने राष्ट्रिय महिला टिमको बिदाइ
काठमाडौं : भुटानमा हुने साफ यू–१७ महिला च्याम्पियनसिप खेल्न जाने यू–१७ राष्ट्रिय महिला टिमको बिदाइ गरिएको छ।
आइतबार एन्फा कम्प्लेक्स सातदोबाटोमा एन्फाका पदाधिकारीहरूले यू–१७ राष्ट्रिय महिला टिमलाई बिदाइ गरेका हुन्। बिदाइ कार्यक्रममा यू–१७ राष्ट्रिय महिला टिमका मुख्य प्रशिक्षक चेतनारायण श्रेष्ठले गत वर्ष नेपालमै भएको साफ यू–१६ महिला च्याम्पियनसिपको टिम भन्दा अहिलेको यू–१७ टिम राम्रो बनेको बताए।
यू–१७ राष्ट्रिय महिलालाई बलियो बनाउन निकै मेहनत गरेकाले अब उपाधिका साथ फर्कने लक्ष्य लिइएको उनले बताए। त्यस्तै यू–१७ राष्ट्रिय महिला टिमकी कप्तान भूमिका बुढाथोकीले आफूहरूको प्रशिक्षण निकै राम्रो भएको र अव राम्रो खेल प्रदर्शन गरेर नतिजा आफ्नो पक्षमा ल्याउने बताए।
साफ यु–१७ महिला च्याम्पियनसिप यही अगस्ट २० देखि ३१ सम्म भुटानमा हुनेछ। च्याम्पियनसिपमा नेपाल र भुटानसँगै भारत र बंगलादेशले प्रतिस्पर्धा गर्नेछन्। खेलहरू डबल राउण्ड रोविन लिगको आधारमा हुनेछ। लिग चरणपछि अंक तालिकाको शीर्ष स्थानमा रहने टोली च्याम्पियन बन्नेछ।
ट्रेन्डिङ
ताजा समाचार
सम्बन्धित
