बालेन सरकार निषेध, प्रतिशोध र मुठभेडको बाटोमा- थापा

काठमाण्डौं, १४ चैत ।
राप्रपाका पूर्व अध्यक्ष कमल थापाले बालेन सरकार निषेध, प्रतिशोध र मुठभेडको बाटोमा लागेको बताएका छन् ।

पूर्व प्रधानमन्त्री केपी शर्मा ओली र पूर्व गृहमन्त्री रमेश लेखकको पक्राउपछि सामाजिक सञ्जालमा थापाले यस्तो प्रतिक्रिया दिएका हुन् ।

सुशासन र आर्थिक समृद्धिको लक्ष्यसहित गठन भएको बालेन सरकार निषेध, प्रतिशोध र पूर्वाग्रहको बाटोमा लागेको देखिन्छ, सामाजिक सञ्जाल फेसबुकमा थापा लेख्छन्, वर्तमान समयमा द्वन्द्व र मुठभेड कसैको प्राथमिकता हुनु हुँदैन। वास्तवमा, सुशासन र समृद्धिका लागि कानुनी राज्यको पालना, आपसी मेलमिलाप र एकता नै पहिलो सर्त हुन् ।