इलाका प्रहरी कार्यालय टीकापुर ब्यारेकको छतबाट खसेर प्रहरीको मृत्यु
२६ फागुन २०८२ १२:५३
टीकापुर- इलाका प्रहरी कार्यालय टीकापुरको ब्यारेकको छतबाट खसेर यहाँ कार्यरत प्रहरी जवान सन्देश चदाराको मृत्यु भएको छ ।
सोमबार राति करिब ११ बजेतिर कार्यालयसँगै रहेको व्यारेक भवनको छतबाट खसेर अन्दाजी ३० वर्षीय चदाराको मृत्यु भएको इलाका प्रहरी कार्यालय टीकापुरका सूचना अधिकारी प्रहरी निरीक्षक मुकेश न्यौपानेले जानकारी दिए ।
न्यौपानेका अनुसार चदारा बझाङको तलकोट गाउँपालिका–१ का बासिन्दा हुन् ।घटनाको कारण खोज्न अनुसन्धान भैरहेको छ।
मृतकको शव परीक्षणका लागि टीकापुर अस्पतालमा राखिएको छ ।
ट्रेन्डिङ
सम्बन्धित
