‘लिटल प्रिन्स एण्ड प्रिन्सेज’ ट्यालेन्ट सो सम्पन्न

धनगढी १५ फागुन । धनगढीस्थित वैशेषिक पाठशाला माध्यमिक विद्यालय को आयोजनामा २ दिने ‘लिटल प्रिन्स एण्ड प्रिन्सेज’ नामक ट्यालेन्ट सो कार्यक्रम शुत्रबार सम्पन्न भएको छ ।

एल. के.जि. देखि यू.के.जी तहसम्मको लिटल किड (छात्रा तर्फ) विजेता प्रतिज्ञा मल्ला र फस्ट रनर अप कुसुम बिष्ट भएका छन् । छात्र तर्फ विजेता आयुषा साउँद र फस्ट रनर अप बिमलेन्द्र धामी भएमा छन् ।

कक्षा १-२ अन्तर्गत लिटल जुनियर प्रिन्समा विजेता समर्पण जोशी र फस्ट रनर अप सुषान्त सिंह भएका छन् । लिटल जुनियर प्रिन्सेजतर्फ विजेता मेनुका थापा र फस्ट रनरअप निर्जला भण्डारी भएकी छन्। त्यसैगरी कक्षा ३-५ तर्फ लिटल सिनियर प्रिन्स आयुष ढुंगाल र फस्ट रनर अप आनिल आउजी भएका छन् । लिटल सिनियर प्रन्सेज तर्फ विजेता एन्जेल थापा प्रथम र फस्ट रनर अप सुप्रिया खड्का भएका छन् ।
‘लिटल प्रिन्स एण्ड प्रिन्सेज’ ट्यालेन्ट सो कार्यक्रमको जुरी निणार्यकमा पत्रकार खेम राज उपाध्याय, कलाकार/गायिका कृष्णा सिराडी रहनु भएको थियो ।

विद्यार्थीहरुलाई पढाइ लेखाइसँगै व्यवहारिक तथा जीवनोपयोगी सीप सिकाई उनीहरुलाई भोलिका लागि सक्षम र आत्मविश्वासी नागरिकका रूपमा तयार गर्ने उद्देश्यले कार्यक्रम आयोजना गरिएको विद्यालयले जनाएको छ।

विद्यालयका प्रबन्ध निर्देशक प्रकाश बहादुर छेडालको सभापतित्वमा सम्पन्न लिटल प्रिन्स एण्ड प्रिन्सेजको
उद्घाटन धनगढी उप-महानगरपालिकाका उप(प्रमुख कन्दकला रानाले गर्नुभएको थियो ।

कार्यक्रमको संचालन शैक्षिक संयोजक एकेन्द्र धामीले गर्नुभएको थियो भने स्वागत मन्तव्य प्रअ विवेक भट्टले गर्नु भएको थियो ।