टी–२० विश्वकपः श्रीलंकाले ओमानलाई दियो २२६ रनको विशाल लक्ष्य
३० माघ २०८२ १३:१०
काठमाडौं । टी–२० विश्वकप अन्तर्गत समूह ‘बी’का श्रीलंका र ओमानबीचको खेल जारी छ ।
घरेलु टोलि श्रीलंकाले ओमानलाई २२६ रनको विशाल लक्ष्य दिएको छ । पल्लेकेले मैदानमा टस हारेर ब्याटिङमा उत्रिएको श्रीलंकाले २० ओभरमा ५ विकेटको क्षतिमा २२५ रन जोड्यो । तीन खेलाडीले अर्धशतक बनाउँदै श्रीलंकाको विशाल योगफल खडा गरे ।
कुशल मेन्डिसले ६१, पवन रत्नायकेले ६० तथा दाशुन शनाकाले ५० रन जोडे । यस्तै, कमिन्दु मेन्डिस १९ रनमा अविजित रहँदा पथुम निसान्काले १३ रन जोडे ।
बलिङतर्फ ओमानका जितेन रमानन्दीले दुई तथा सुफ्यान मेहमुद र जय ओडेराले एक–एक विकेट लिए ।
ट्रेन्डिङ
सम्बन्धित
