टी–२० विश्वकप २०२६ : उद्घाटन खेलमा पाकिस्तानले टस जितेर पहिला फिल्डिङ गर्ने

काठमाडौं । आजबाट सुरु भएको आईसीसी पुरुष टी–२० विश्वकप २०२६ को पहिलो खेलमा नेदरल्याण्ड्स र पाकिस्तान भिड्दै छन् । समूह ‘ए’ अन्तर्गतको यो खेल नेपाली समय अनुसार बिहान ११ : १५ बजे सुरु हुँदै छ ।

टस जितेर पाकिस्तानले पहिले फिल्डिङ गर्ने निर्णय गरेको छ । उद्घाटन खेल भएकाले दुवै टोलीका लागि यो खेल निकै महत्वपूर्ण मानिएको छ । पाकिस्तानलाई यस प्रतियोगिताको बलियो दाबेदारका रूपमा हेरिएको छ भने नेदरल्याण्ड्स अपसेट गर्ने लक्ष्यका साथ मैदान उत्रिएको छ ।

समूह चरणको पहिलो खेल भएकाले दुवै टोली जितबाट विश्वकप यात्रा सुरु गर्न चाहन्छन् । क्रिकेट समर्थकहरूका लागि यो खेल निकै रोचक हुने अपेक्षा गरिएको छ ।