नवौं एनभीए महिला तथा पुरुष च्याम्पियनसिपः आर्मीको दोस्रो जित

काठमाडौं : नवौं एनभीए महिला तथा पुरुष भलिबल च्याम्पियनसिपमा त्रिभुवन आर्मी क्लबले दोस्रो जित दर्ता गरेको छ। आइतबार भएको महिला तर्फको पहिलो खेलमा आर्मीले चुली युवा क्लबलाई ३–० को सोझो सेटले हराएको छ।

आर्मीले २५–१६, २५–१२ र २५–९ले चुली युवा क्लबलाई हराएको हो। आर्मीले पहिलो खेलमा एभरेस्ट महिला क्लबलाई हराएको थियो। आजको महिला तर्फको दोस्रो खेल एपिएफ क्लब र सुदूरपश्चिम प्रदेश खेलकुद परिषदबीच हुनेछ।

आज पुरुषतर्फ २ खेल हुनेछ। पहिलो खेल दिउँसो १ बजे हेल्प नेपाल स्पोर्टस क्लब र मणिमुकुन्द क्लब बीच हुनेछ। दोस्रो खेल दिउँसो ३ बजे नेपाल पुलिस क्लब र खिल्जी युवा क्लब बीच हुनेछ।