समयको कुरुप अनुहार
८ पुष २०८२ ९:३७
जो जीवनभर
गुरुआमा भएर बाँचिन्
देखाईन्, मान्छे बन्ने बाटो
बाँडिन्, उज्याला मन्त्रहरु
बुढ्यौलीले छोएन्, उमेरलाई
अवकाश लिएनन्, रहरहरुले
बस् पढाईरहिन्,
समाजका सुत्रहरु
देखाईरहिन्,
उज्याला सपनाहरु
के उनको दोष यही थियो ?
उनको अनुहार
क्रुर समयको साक्षी हो
हामीले बाँचेको
समय
यति कुरुप कसरी भयो ?
जिँउदो मान्छेको शरीरमा
आँगो झोस्नेहरुका हात
आफ्नी आमालाई मुखाग्नी दिदा
काप्छन्, होला कि नाई ?
गुरुआमाको कुरुप अनुहार
बोकेको युगबाट
सुन्दर भविश्यको
आशा
नगरु उपाय छैन
गरु कसोगरी गरु ?
धनगढी, कैलाली
ट्रेन्डिङ
सम्बन्धित
