प्रहरी काठमाण्डौंका प्रमुख अधिकारीले सम्हाले जिम्मेवारी

काठमाडौं, १६ माघ ।
प्रहरी वरिष्ठ उपरीक्षक (एसएसपी) विश्व अधिकारीले मंगलवार जिल्ला प्रहरी परिसर काठमाडौंको प्रमुखका रूपमा जिम्मेवारी सम्हालेका छन्।
एसएसपी अधिकारीले मंगलबार अपराह्नबाट जिल्ला प्रहरी परिसर काठमाण्डौंको प्रमुखका रूपमा कार्यभार सम्हालेका हुन्।
कैलालीका अधिकारी यसअघि प्रहरी महानिरीक्षकको सचिवालयमा रहेका उनी नेपाल प्रहरीको सहप्रवक्ता र सूचना अधिकारीको भूमिकामा थिए । केहीदिन अघि उनको सरुवा जिल्ला प्रहरी परिसरको प्रमुखमा भएको थियो ।
कैलालीका अधिकारी नेपाल प्रहरीको योजना तथा नीति निर्माणमा महत्वपूर्ण भूमिका निर्वाह गर्दै आएका छन् । उनलाई प्रहरी मेरो साथीको परिकल्पनाकारका रुपमा चिनिन्छ ।
अधिकारीले काठमाडौं प्रहरीको प्रवक्तामा अपिलराज बोहोरालाई जिम्मेवारी दिएका छन्।