दुर्गा प्रसाईंलाई नियन्त्रणमा लिएर घरमै पुर्‍याइदियो प्रहरीले

काठमाडौं । दुर्गा प्रसाईंलाई प्रहरीले नियन्त्रणमा लिएको छ । नियन्त्रणमा लिएर उनलाई विमानस्थलबाट निवाससम्म लगिएको छ ।

झापाबाट काठमाडौं आएका प्रसाईंलाई प्रहरीले विमानस्थलबाट नियन्त्रणमा लिएको हो ।

प्रसाईंले पत्रकार सम्मेलन गर्न लागेको सूचना पाएपछि प्रहरीले नियन्त्रणमा लिएको बताएको छ ।

काठमाडौंका एसपी पवन भट्टराईले विमानस्थलमा निषेधित क्षेत्रमा बोल्न खोजेकाले नियन्त्रणमा लिएर निवासमा पुर्‍याइएको बताए ।

“विमानस्थलभित्र जिल्ला सुरक्षा समितिले कुनै पनि किसिमको प्रदर्शन र भेला गर्न नपाइने निर्णय गरेको छ,” उनले भने,“त्यहीअनुसार त्यहाँ भेला गर्न नदिएको हुन सक्छ ।”