राजनीतिक दलसम्बन्धी अध्यादेश ल्याउदैनौ – प्रधानमन्त्री ओली

काठमाडौं,२९ कात्तिक ।
सरकारले दल बिभाजनका लागि राजनीतिक दल सम्बन्धि अध्यादेश ल्याउन लागेको आरोप लागिरहेकै बेला प्रधानमन्त्री केपी शर्मा ओलीले अध्यादेश नल्याउने प्रष्ट पारेका छन् ।

बिहीवार काठमाडौंमा कान्तिपुर कन्क्लेभमा बोल्दै प्रधानमन्त्री ओलीले राजनीतिक दल सम्बन्धि अध्यादेश नल्याउने बताए।
उनले देश संविधानअनुसार चल्ने र संविधानअनुसार कानून बन्ने पनि प्रष्ट पारे ।

संविधानअनुसार कहिले काही औचित्यपूर्ण ढंगले अध्यादेश ल्याउनुपर्ने भने बताए । उनले भने, कुनैपनि राजनीतिक दलमा ४० प्रतिशतले सँगै बस्न नमान्ने अवस्थामा राजनीतिक दलसम्बन्धी कानून ल्याउनुपर्ने हुन सक्छ । कानून नबनाइ बस्न नहुने भन्दै कुनै न कुनै बेला कानून बनाउनैपर्ने पनि हुन सक्छ ।