आजबाट कोप–२९ सुरु : राष्ट्रपति रामचन्द्र पौडेलले सम्बोधन गर्ने
बाकु, १० नोभेम्बर ।
जलवायु परिवर्तनसम्बन्धी संयुक्त राष्ट्रसङ्घीय संरचना महासन्धि (युएनएफसीसीसी) का पक्ष राष्ट्रहरुको २९औँ सम्मेलन (कोप–२९) आजदेखि अरजरबैजानको बाकुमा सुरु भएको छ ।
मङ्सिर ७ गते (नोभेम्बर २२ तारिख) सम्म चल्ने कोप सम्मेलनमा नेपालका तर्फबाट राष्ट्रपति रामचन्द्र पौडेलले सम्बोधन गर्ने छन् । कोप सम्मेलनमा सहभागी हुन उच्चस्तरीय नेपाली प्रतिनिधिमण्डलको नेतृत्व गर्दै राष्ट्रपति पौडेल आईतवार बाकु पुगिसकेका छन् ।
एक सय ९२ भन्दा बढी मुलुकहरुको राष्ट्रप्रमुखदेखि उच्च पदस्थ अधिकारीहरु सहभागी रहेको कोप सम्मेलनमा नेपालका तर्फबाट राष्ट्रपति पौडेलले हिमाल र पृथ्वीको सुरक्षाका लागि आवाज उठाउने बताईएको छ ।
राष्ट्रपति पौडेललेले हिमालको सुरक्षाको मुद्दालाई प्राथमिकताका साथ प्रस्तुत गर्ने कार्यक्रम तय भएको राष्ट्रपतिकोे सचिवालयले जनाएको छ ।
सचिवालयका अनुसार राष्ट्रपति पौडेलले जलवायु परिवर्तनको असरका कारण बढेको जोखिमका उदाहरण प्रस्तुत गर्नेछन ।
ट्रेन्डिङ
सम्बन्धित
