पीएम कप सुदूरपश्चिमले लुम्बिनीलाई १२ रनले हरायो
काठमाडौं- प्रधानमन्त्री (पीएम) कप एकदिवसीय क्रिकेट प्रतियोगितामा सुदूरपश्चिम प्रदेशले लुम्निबी प्रदेशलाई १२ रनले पराजित गरेको छ ।
वीरगंजस्थित नारायणी क्रिकेट मैदानमा सोमबार भएको खेलमा १६९ रनको लक्ष्य पछ्याएको लुम्बिनी ४०.२ ओभरमा १५६ रनमा अलआउट भएको हो । यससँगै सुदूरपश्चिमले जारी प्रतियोगितामा आफ्नो तेस्रो जित हासिल गरेको छ ।
सुदूरपश्चिमका लागि सन्तोष यादवले अर्धशतकीय पारी खेले । तर जितको लागि पर्याप्त हुन सकेन । उनले ८४ बलमा ७ चौका र १ छक्का प्रहार गर्दै ६७ रनको योगदान गरे । धुव्र सुनारले ३६ रन जोडे । अन्य खेलाडीले दोहोरो अंक छुन सकेनन् ।
लुम्बिनीका लागि शेर मल्ल र खड्क बोहोराले ३–३ विकेट लिए । हेमन्त धामीले २ तथा लोकेन्द्र चन्द र नारायण जोशीले १–१ विकेट लिए।
पहिले ब्याटिङ गरेको सुदूरपश्चिम ४५.४ ओभरमा १६८ रनमा अलआउट भयो । सुदूरपश्चिमका लागि दिपक बोहराले ३० र हेमन्त धामीले २९ रन बनाए ।
लुम्बिनीका लागि सन्तोष यादव र अजय चौहानले ४–४ तथा सन्देश थापाले १ विकेट लिए ।
ट्रेन्डिङ
सम्बन्धित
