चुनाव हुँदैन भनेर अफवाह फैलाएको आरोपमा ज्योतिष पक्राउ
१९ फागुन २०८२ १४:२७
फागुन २१ गते निर्वाचन नहुने भनेर अफवाह फैलाएको आरोपमा प्रहरीले एक जना ज्योतिषलाई पक्राउ गरेको छ।
ज्योतिष पण्डित रूद्रनाथ अधिकारीलाई प्रहरीले अफवाह फैलाएको आरोपमा पक्राउ गरेको जिल्ला प्रहरी परिसर काठमाडौंका एसपी पवनकुमार भट्टराईले जानकारी दिए।
उनका अनुसार अधिकारीले फागुन २१ मा चुनाव हुँदैन भनेर सामाजिक सन्जालमा भिडिओ सन्देश सार्वजनिक गरेका थिए।
काठमाडौं उपत्यका अपराध अनुसन्धान कार्यालयको टोलीले उनलाई नियन्त्रणमा लिएर परिसरमा बुझाएको थियो।
प्रहरीले हिरासतमा राखेर अनुसन्धान प्रक्रिया अघि बढाएको एसपी भट्टराईले जानकारी दिए।
ट्रेन्डिङ
सम्बन्धित
