न्युजिल्यान्डविरुद्ध यूएईले टस जितेर ब्याटिङ रोज्यो

काठ्माणडौ- आइसीसी पुरुष टी-२० विश्वकप अन्तर्गत जारी समूह ‘डी’ को ११ औं खेलमा संयुक्त अरब इमिरेट्स (यूएई) ले न्युजिल्यान्डविरुद्ध टस जितेको छ।

चेन्नईस्थित रंगशालामा भइरहेको खेलमा यूएईका कप्तानले टस जितेर पहिले ब्याटिङ गर्ने निर्णय लिएका हुन्। नतिजा स्वरूप टेस्ट राष्ट्र न्युजिल्यान्डले सुरुवाती फिल्डिङको निम्तो पाएको छ।

यूएईले टस जितेर ब्याटिङ रोजे पनि सुरुवातमा नै एक विकेट गुमाइसकेको छ। ताजा अवस्थामा यूएईले १ विकेटको क्षतिमा १३ रन बनाएर खेलिरहेको छ।

अहिले क्रिजमा कप्तान मुहम्मद वसिम र अलिशान शराफु ब्याटिङ गरिरहेका छन् भने न्युजिल्यान्डका तर्फबाट ज्याकब डफी र म्याट हेनरीले बलिङ सम्हालिरहेका छन्।