जिम्बावेविरुद्ध ओमान १०३ रनमै अलआउट
काठमाडौं- आईसीसी टी-२० विश्वकपको समूह चरणअन्तर्गत जारी खेलमा ओमानले जिम्बावेलाई जितका लागि १०४ रनको सामान्य लक्ष्य प्रस्तुत गरेको छ । आज एसएससी क्रिकेट मैदानमा टस जितेर जिम्बावेले फिल्डिङ रोजेपछि पहिले ब्याटिङ गरेको ओमानले १९.५ ओभरमा सवै विकेट गुमाउँदै १०३ रन मात्र बनाउन सक्यो।
ओमानको सुरुवात निकै खराब रह्यो। सुरुवाती ६.६ ओभरमा मात्र २७ रन जोड्दा ओमानले आफ्ना शीर्ष ५ ब्याट्सम्यानलाई गुमाइसकेको थियो। मध्यक्रममा विनायक शुक्लाले २१ बलमा २८ रन र सुफयान महमुदले ३९ बलमा २५ रन बनाएर टोलीको इनिङ्स सम्हाल्ने प्रयास गरेका थिए ।
अन्त्यतिर नदीम खानले २० रनको अविजित योगदान दिए पनि ओमानले ठूलो योगफल खडा गर्न सकेन।
ओमानलाई सस्तैमा समेट्न जिम्बावेका बलरहरूले उत्कृष्ट प्रदर्शन गरे। रिचर्ड नगारावा र ब्लेसिङ मुजरबानीले समान ३-३ विकेट लिए। नगारावाले ४ ओभरमा १७ रन खर्चिए भने मुजरबानीले ४ ओभरमा मात्र १६ रन दिए। त्यस्तै, ब्राड इभान्सले २ र सिकन्दर राजाले १ विकेट हात पारे।
ट्रेन्डिङ
सम्बन्धित
