डेढ महिनाको अन्तरालमा मनिषको दोस्रो गीत ‘को हौ तिमी’ बजारमा
कोलोराडो, १ जनवरी ।
डेढ महिनाको अन्तरालमा गायक मनिष विश्वकर्माको दोस्रो गीत बजारमा आएको छ ।
‘बन्दीपुर बजारमा’ बोलको गीत सार्वजनिक गरेको डेढ महिनापछि मनिषले दोस्रो गीत ‘को हौ तिमी’ बुधवार सार्वजनिक गरेका हुन् । उनले आफ्नो अफिसियल युट्युव च्यानलमार्फत यो गीत बुधवार सार्वजनिक गरेका हुन् ।
मनिषको जीवनको सहयात्री रविना घिमिरे विश्वकर्माले म्युजिक भिडियोको निर्माण गरेकी हुन् । मनिषको शब्द, स्वर र लय
रहेको गीतमा संगीतकार राजन भक्त श्रेष्ठले संगीत भरेका छन् । गीतको मिक्सिङ तथा मास्टरिङको भूमिका पनि श्रेष्ठले निर्वाह गरेका हुन् ।
मनिषको यो दोस्रो गीत पनि मिस्टिक भाइब्स रेकर्डस् थ्रोन्टन कोलोराडोमा रेकर्ड गरिएको हो ।
म्युजिक भिडियोको निर्देशन गरेका सुमन महराले अभिनय समेत गरेका छन् । अभिनयमा उनलाई आरती खड्गीले साथ दिएकी छन् ।
विक्की पटेल सह नृत्य निर्देशक रहेको भिडियोको छायांकन सुरज महर्जनले गरेका हुन् । उनलाई क्यामेरामा रोहित महर्जन र लुजा महर्जनले साथ दिएकी छन् । सुशील उप्रेती म्युजिक भिडियोको परियोजना सुपरिवेक्षक हुन् । जसको रंग संयोजन संजीव रत्न शाक्य र सम्पादन माइन्डस्क्रिन फिल्म्सका सुमन श्रेष्ठले गरेका हुन् ।
मनिषले सुन्दर युवतीको एकोहोरो प्रेममा परेका युवकको कथालाई गीतमा समेटेका छन् । निकै प्रयत्नपछि युवक ती युवतीलाई फकाउन सफल हुन्छन् । गीत युवकको सफल प्रेम कथामा आधारित छ ।
मनिषले गीत तथा म्युजिक भिडियो निर्माणमा सहयोग गर्ने सबैलाई धन्यवाद दिएका छन् । उनले म्युजिक भिडियो हेरेर सुझाव, सल्लाह र प्रतिक्रिया दिन दर्शक तथा स्रोताहरुलाई आग्रह गरे ।
ट्रेन्डिङ
सम्बन्धित
