टिकटक बनाउँदा ड्याममा चिप्लेका युवक दुई दिनपछि मृत भेटिए
३ असोज २०८२ १५:२६
रूपन्देही । रुपन्देहीको सिद्धार्थनगर नगरपालिका–९ गोनहिया ड्याम्ममा टिकटक बनाउने क्रममा चिप्लिएर डुबेका ओमसतिया गाउँपालिका–५ सिसनियाका १७ वर्षीय स्यामु गुप्ता आज मृत अवस्थामा भेटिएका छन्।
असोज २ गते दिउँसो करिब ३ बजे ड्याम्ममा टिकटक बनाउँदै गर्दा स्यामु चिप्लिएर डुबेका हुन् । सोबारे ढिलो खबर पाएपछि उनका साथीले इलाका प्रहरी कार्यालय धकधईमा जानकारी गराएका थिए ।
स्थानीयले हिजैदेखि खोजी थाले पनि भेटाउन सकेका छैनन् । आज असोज ३ गते बिहान ८ बजेदेखि स्थानीय र प्रहरीले निरन्तर खोजतलास गरेपछि दिउसो २ बजे मृत अवस्थामा भेटिएका हुन् ।
बिहानैदेखि पानी परेकाले खोजी कार्यमा समस्या भएको वडा अध्यक्ष मदनप्रसाद पौडेलले जानकारी दिए । जिल्ला प्रहरी कार्यालय रूपन्देहीका सूचना अधिकारी सुरज कार्कीले हिजो हराएका ती युवकको शव आज दिउँसो भेटिएको पुष्टि गरे ।
ट्रेन्डिङ
ताजा समाचार
सम्बन्धित
