जता पनि दुःख पाउने भुइँ मान्छे जनता नै रहेछ भन्ने महाधिवेशनबाट बुझेँ : आशिका

काठ्माण्डौ- राष्ट्रिय स्वतन्त्र पार्टी (रास्वपा) की सांसद आशिका तामाङले जता पनि दुःख पाउने भुइँ मान्छे जनता नै रहेको रास्वपा महाधिवेशनबाट आफूले बुझेको बताएकी छन्।

फागुन २१ जस्तै चुनाव आफूले सोचेको भन्दै उनले यस्तो बताएकी हुन्। उनले आफ्नै निर्वाचन आयोग हुन्छ भन्ने ज्ञान आफूमा नभएको बताइन्।

‘मैले सोचे फागुन २१ जस्तै चुनाव हो, उही निर्वाचन आयोग जस्तो लागेको थियो, पार्टीको आफ्नै निर्वाचन आयोग हुन्छ भन्ने ज्ञान ममा भएन भन्दैमा मिडिया ट्रायल गर्नु आवश्यक छ?’ उनले सामाजिक सञ्जालमा लेखेकी छन्, ‘मेरो राजनीतिकमा जन्म भाको दुई महिना राम्रो भएको छैन, न मेरो बाउ राजनीतिज्ञ के थियो न आमा न स्वयं आफू हु! मान्छे सिक्दै जाने हो बुज्दै जाने हो! तर मैले महाधिवेशनबाट के बुझे भने दुःख पाउने त उही भुइँ मान्छे जनता नै रहेछ जता पनि!’