एकैदिन ५२ सयले घट्यो सुनको मूल्य

काठ्माण्डौ- नेपाली सुनचाँदी बजारमा बिहीबार सुन र चाँदी दुवैको मूल्य घटेको छ।

आज सुनको मूल्य तोलामा रु पाँच हजार २०० र चाँदी २५० ले घटेको नेपाल सुनचाँदी व्यवसायी महासंघले जनाएको छ।

आजका लागि सुनको मूल्य प्रतितोला रु दुई लाख ७८ हजार ३०० र चाँदी चार हजार २३५ निर्धारण भएको छ।

बुधबार एक तोला सुनको मोल रु दुई लाख ८३ हजार ५०० मा कायम भएको थियो। एक तोला चाँदीको मूल्य रु चार हजार ४८५  मा कारोबार भएको थियो।

मंगलबार एक तोला सुन रु दुई लाख ८७ हजार १०० र त्यति नै परिमाणको चाँदी रु चार हजार ५९० मा खरिद बिक्री भएको थियो।

अन्तराष्ट्रिय बजारमा सुन प्रतिऔंश तीन हजार ९९९ अमेरिकी डलरमा खरिद बिक्री भइरहेको छ।