एसियन गेम्स छनोटको सेमिफाइनलमा नेपालले ओमानसँग खेल्ने

काठमाडौं : एसियन गेम्स छनोटको सेमिफाइनलमा नेपालले ओमानसँग खेल्ने भएको छ । समूह ‘बी’ अन्तर्गत समूह चरणको अन्तिम खेलमा हङकङसँग पराजित हुँदा ओमान समूह ‘बी’ को उपविजेताको रुपमा सेमिफाइनल खेल्नेछ ।

समूह चरणको अन्तिम खेलमा हङकङसँग १५४ रनले पराजित हुँदै ओमान समूह ‘बी’ को उपविजेताको रुपमा समूह ‘ए’ को विजेता नेपालसँग खेल्ने छ । त्यस्तै , दोस्रो सेमिफाइनलमा मलेसिया र हङकङले खेल्ने छन् ।

नेपालले समूह चरणको पहिलो खेलमा चीनलाई २२१ रनले हराएको थियो । दोस्रो खेलमा नेपालले मलेसियालाई १६७ रनले हराएको हो । सेमिफाइनल खेल आइतबार बिहान ९ः३० बाट सुरु हुनेछ । एसियन गेम्स छनोटका फाइनल खेल जेठ २५ गते (सोमबार) हुनेछ ।