लोकेश बमले ईयू टी-२० खेल्ने, एन्टवर्प एंकर्समा अनुबन्ध

काठमाडौं । नेपाली क्रिकेटर लोकेश बमले एन्टवर्प एंकर्सबाट ईयू टी–२० बेल्जियम खेल्ने भएका छन् । उनी पहिलोपटक विदेशी क्लबमा अनुबन्ध भएका हुन् ।

एंकर्सले शुक्रबार सामाजिक सञ्जालमार्फत लोकेशलाई भित्र्याएको जानकारी दिएको हो । उनी एंकर्समा अनुबन्ध हुने दोस्रो नेपाली खेलाडी हुन् ।

नेपाली राष्ट्रिय टोलीका ओपनर आसिफ शेखले पनि एंकर्सबाटै ईयू टी–२० बेल्जियम खेल्दै छन् । डोनाभान मिलर मुख्य प्रशिक्षक रहेको एन्कर्सकमा आन्द्रे रसेल, मार्टिन गप्टिल, डेविड विसे, रुबेन ट्रम्पलम्यानजस्ता चर्चित खेलाडी छन् ।

लोकेशले नेपालका लागि २३ टी–२० अन्तर्राष्ट्रिय खेलमा २१५ रन बनाएका छन् ।

पहिलोपटक आयोजना हुन लागेको ईयू टी-२० बेल्जियममा पाँच फ्रेन्चाइज टोलीले प्रतिस्पर्धा गर्दै छन् । प्रतियोगिता जुन ६ देखि १४ सम्म आयोजना हुँदै छ ।