आईसीसी महिला च्यालेन्ज ट्रफी : अमेरिकाविरुद्ध ब्याटिङ गर्दै नेपाल

काठमाडौं । नेपालले आईसीसी वुमन्स च्यालेन्ज ट्रफीमा अमेरिकाविरुद्ध ब्याटिङ गर्ने भएको छ ।

आइतबार रुवान्डाको किगालीस्थित गहंगा क्रिकेट रंगशाला टस जित्दै अमेरिकी कप्तान अदितिबा चुडासमाले नेपाललाई ब्याटिङको निम्ता दिइन् ।

जारी प्रतियोगितामा नेपाल र अमेरिका दोस्रो पटक प्रतिस्पर्धा गर्दैछन् । अघिल्लो भेटमा नेपालले अमेरिकासँग ४४ रनको हार व्यहोरेको थियो ।

खेलमा नेपाल तेस्रो जितको खोजीमा छ । चार अंकका साथ तालिकाको तेस्रो स्थानमा रहेको नेपालले चार खेल खेल्दा समान दुई जित र हार व्यहोरेको छ ।

अमेरिका भने लगातार तेस्रो जितको खोजीमा हुनेछ । ६ अंकका साथ तालिकाको शीर्ष स्थानमा रहेको अमेरिकाले चार खेल खेल्दा तीन जित र एक हार व्यहोरेको छ ।