सभामुख अर्यालसँग उपसभामुख ठाकुरको पहिलो शिष्टाचार भेट

काठ्माण्डौ- सभामुख डोलप्रसाद (डीपी) अर्यालसँग नवनिर्वाचित उपसभामुख माननीय रूबी कुमारी ठाकुरले पहिलोपटक शिष्टाचार भेट गरेकी छन्। सिहंदरबारमा पदभार ग्रहण गरेलगत्तै उनले सभामुख अर्यालसँग शिष्टाचार भेट गरेकी हुन्।

काठमाडौँस्थित संघीय संसद भवनमा सम्पन्न उक्त भेटमा सभामुख अर्यालले उपसभामुख ठाकुरलाई हार्दिक बधाई तथा सफल कार्यकालको शुभकामना व्यक्त गरे। उनीहरूबीच संसदको आगामी कार्यसम्पादन, सहकार्य तथा व्यवस्थापन सम्बन्धी विषयमा संक्षिप्त छलफल भएको थियो।

हालै सम्पन्न प्रतिनिधिसभा निर्वाचनपछि २६ वर्षीया रूबी कुमारी ठाकुर उपसभामुख पदमा निर्वाचित भएकी हुन्, जसले नेपालको संसदीय इतिहासमा सबैभन्दा कान्छी उपसभामुखको रूपमा नयाँ कीर्तिमान स्थापित गरेकी छन्।

संघीय संसद्को पहिलो अधिवेशन गत शुक्रबार अन्त्य भएको छ। सोही दिनको बैठकले ठाकुरलाई उपसभामुख निर्वाचित गरेको हो।