सुनको मूल्यमा गिरावट

काठ्माणडौ- सोमबार (आज) नेपाली बजारमा सुन र चाँदी दुवैको मूल्यमा गिरावट आएको छ।

नेपाल सुनचाँदी व्यवसायी महासंघका अनुसार साताको दोस्रो दिन आज सुनको मूल्य प्रतितोला ४०० रुपैयाँले घटेको हो। हिजो (आइतबार) प्रतितोला दुई लाख ९७ हजार १०० रुपैयाँमा कारोबार भएको सुनको मूल्य आज घटेर दुई लाख ९६ हजार ७०० रुपैयाँ कायम भएको छ।

सुनसँगै चाँदीको मूल्यमा पनि आज कमी देखिएको छ। आइतबार प्रतितोला चार हजार ९७५ रुपैयाँमा खरिद-बिक्री भएको चाँदी आज ७५ रुपैयाँले घटेर चार हजार ९०० रुपैयाँमा झरेको छ।

अन्तर्राष्ट्रिय बजारमा हुने उतारचढावका आधारमा महासंघले नेपाली बजारका लागि दैनिक मूल्य निर्धारण गर्ने गरेको छ।