शिक्षा, स्वास्थ्य समितिमा गुरु बराल, जगदीश खरेलदेखि महावीर पुनसम्म

काठमाडौं । प्रतिनिधिसभाअन्तर्गतको शिक्षा, स्वास्थ्य तथा सूचना प्रविधि समिति गठन गरिएको छ । शुक्रबार (चैत २७) बसेको प्रतिनिधिसभा बैठकमा सभामुख डोलप्रसाद (डीपी) अर्यालले समिति गठनको प्रस्ताव गरेका थिए । उक्त प्रस्ताव सभाबाट स्वीकृत गरिएको हो ।

प्रतिनिधिसभाको विषयगत समिति हो यो । यो समितिमा रहने २७ सदस्यका नाम प्रतिनिधिसभाबाट मनोनयन गरिएको हो ।

यो समितिमा अचुत्तम लामिछाने, ओजश्वी शेरचन, कामिनी कुमारी, कुशुम महर्जन, खुसबु सरकार श्रेष्ठ, गणेश पौडेल, गुरुप्रसाद बराल, चन्द्रमोहन यादव, जगतप्रसाद जोशी, जगदीश खरेल (दोलखा) सदस्य छन् ।

यस्तै, झविलाल डुम्रे, तोसिमा कार्की, पुकार बम, प्रभा ढकाल, प्रमिलाकुमारी गच्छदार, भीमकुमारी बुढामगर, महावीर पुन, रबिन महतो, रमेशकुमार मल्ललाई समिति सदस्यमा मनोनयन गरिएको छ ।

रहवर अंसारी, राजन गौतम, राधिका रम्तेल, रिंगला यादव, डा. लेखजंग थापा, विष्णुबहादुर खड्का, शम्भुकुमार यादव, र सीता थपलिया पनि यो समितिका सदस्य हुन् ।

विषयगत समितिका सभापतिको निर्वाचन आउँदो वैशाख ४ गते हुने गरी मिति निर्धारण गरिएको छ ।