अन्तर्राष्ट्रिय सम्बन्ध र पर्यटन समितिमा अनुष्का श्रेष्ठदेखि बब्लु गुप्तासम्म

काठमाडौं- प्रतिनिधिसभाअन्तर्गतको अन्तर्राष्ट्रिय सम्बन्ध र पर्यटन समिति गठन गरिएको छ । शुक्रबार (चैत २७) बसेको प्रतिनिधिसभा बैठकमा सभामुख डोलप्रसाद (डीपी) अर्यालले समिति गठनको प्रस्ताव गरेका थिए । उक्त प्रस्ताव सभाबाट स्वीकृत गरिएको हो ।

प्रतिनिधिसभाको विषयगत समिति हो यो । यो समितिमा रहने २६ सदस्यका नाम प्रतिनिधिसभाबाट मनोनयन गरिएको हो ।

यो समितिमा अनुष्का श्रेष्ठ, अभिषेकप्रताप शाह, अम्बिकादेवी संग्रौला, अर्जुनकुमार कार्की, उज्ज्वलकुमार झा, अंकिता ठाकुर, गणेशबहादुर विश्वकर्मा, गंगा छन्त्याल, तौफिक अहमद खान सदस्य छन् ।

यस्तै, दिपकराज बोहरा, धनन्जय रेग्मी, प्रमेशकुमार हमाल, प्रशान्त उप्रेती, बब्लु गुप्ता, बिना गुरुङ, भूमिका लिम्बू सुब्बा, मिङमा ग्याबु शेर्पा, रेनुका काउचालाई समिति सदस्यमा मनोनयन गरिएको छ ।

रुक्मिणीदेवी कोइराला, शिवशंकर यादव, श्रीधर पोख्रेल, सन्तोष राजवंशी, सन्दीप राना, सुम्निमा उदास, सुरेन्द्र चौधरी र हरिप्रसाद भुसाल पनि यो समितिका सदस्य हुन् ।

विषयगत समितिका सभापतिको निर्वाचन आउँदो वैशाख ४ गते हुने गरी मिति निर्धारण गरिएको छ ।